Naxçıvan MR Şərur Rayon Məhkəməsi Qərardad — İş №2(110)-503/2022

Azərbaycan Respublikası adından QƏRARDAD Şərur şəhəri İş № 2(110)-503/2022 08.07.2022 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Əliyev Mehdi Ədalət oğlu iddiaçı İddiaçı cavabdehlər Cavabdeh1, Cavabdeh2 və Cavabdeh3 qarşı qanunsuz olaraq yol üzərində tikilmiş divarın sökülərək, daşınmaz əmlakın dövlət reyesterində gediş-gəliş yolu kimi göstərilən yolun açılaraq istifadəyə verilməsi, torpaq sahəsində istifadəyə olan manelərin aradan qaldırılaraq, həmin yoldan mülkiyyətində olan torpaq sahəsinə onun, ailəsinin və avtonəqliyyat vasitələrinin giriş-çıxışına şərait yaradılması tələbinə dair iddia ərizəsinə və ərizəyə əlavə edilmiş sənədlərə baxaraq, müəyyən etdim: İddiaçı iddia ərizəsi ilə Şərur Rayon Məhkəməsinə müraciət edərək cavabdehlər tərifindən Şərur rayon Püsyan kəndində qanunsuz olaraq yol üzərində tikilmiş divarın sökülərək, daşınmaz əmlakın dövlət reyesterində gediş-gəliş yolu kimi göstərilən yolun açılaraq istifadəyə verilməsi, torpaq sahəsində istifadəyə olan manelərin aradan qaldırılaraq, həmin yoldan mülkiyyətində olan torpaq sahəsinə onun, ailəsinin və avtonəqliyyat vasitələrinin giriş-çıxışına şərait yaradılması barədə qətnamə çıxarılmasını xahiş etmişdir. İddia ərizəsini, ərizəyə əlavə edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikasının Mülki-Prosessual Məcəlləsinin tələblərinə əməl olunmadan verilmişdir. Belə ki, xx.xx.2021-ci il tarixdən qüvvədə olan Azərbaycan Respublikası Mülki-Pposessual Məcələsinin 149-cu maddəsinin yeni redaksiyasının sübutların siyahısı ilə bağlı tələblərinə riayət edilməmişdir. Belə ki, iddia tələbi mülkiyyətə maneələrin aradan qaldırılması ilə bağlı olsa da mülkiyyətə müdaxilənin mövcudluğu ilə bağlı sübutların siyahısı (akt, fotoşəkillər, şahidlərin adları və.s) ərizəyə əlavə edilməmişdir. Məhkəmənin əsaslandırması: Həmin məcəllənin 149.2.3-cü maddəsinə əsasən ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələblər göstərilməlidir. Mülki-Prosessual Məcəllənin 149.2.3 və 149.2.5-ci maddələrinə əsasən sübutların siyahısı ilə ərizəyə əlavə edilən sənədlərin siyahısı qanunvericiliklə bir birindən fərqləndirildiyindən ərizəyə əlavə olunan sənədlərdən məhz hansıların iddia tələbini əsaslandıran sübutlar olduğu iddia ərizəsinin məzmununda ayrıca göstərilməlidir. İddia ərizəsi kağız daşıyıcıda verildikdə cavabdehlərin sayına görə həmin sübutların surətləri iddia ərizəsinə əlavə olunmalıdır. Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə olunmuş sənədləri geri qaytarır. Azərbaycan Respublikası Mülki Prosessual Məcəlləsinin 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada yenidən məhkəməyə müraciət etməyə mane olmur. Yuxarıda qeyd olunanları nəzərə alaraq belə hesab edirəm ki, Azərbaycan Respublikasının Mülki Prosessual Məcəlləsinin 152.1.1-ci maddəsinin tələbinə əsasən iddia ərizəsi geri qaytarılmalıdır. Bununla yanaşı hesab edirəm ki, iddia ərizəsi geri qaytarılarkən Azərbaycam Respublikası MPM-in 114-cü maddəsinə uyğun olaraq, iddiaçı tərəfindən ödənilmiş 100 (yüz) manat dövlət rüsumu da geri ödənilməlidir. Göstərilənlərə əsasən və Azərbaycan Respublikasının Mülki-Prosessual Məcəlləsinin 152.2, 152.3, 267-268-ci maddələrini rəhbər tutaraq, qərara aldım: İddia ərizəsi və ərizəyə əlavə edilmiş sənədlər İddiaçı geri qaytarılsın. İddiaçı tərəfindən "xxxx" ASC-nin X1 Xəzinədarlıq Orqanının hesabına xx.xx.2022ci il tarixli ********* nömrəli qəbz ilə ödənmiş 100 (yüz) manat dövlət rüsumu İddiaçı geri ödənilsin. Qərardad rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Hakim: Mehdi Əliyev