Naxçıvan MR Şərur Rayon Məhkəməsi Qətnamə — İş №2(110)-762/2024

Azərbaycan Respublikası adından QƏTNAMƏ Şərur şəhəri İş № 2(110)-762/2024 16.08.2024 NAXÇIVAN MR ŞƏRUR RAYON MƏHKƏMƏSİ Hakim Qarayev Seymur Əlfəddin oğlunun sədrliyi, X15 məhkəmə iclas katibliyi, Ərizəçi iştirakı ilə, Ərizəçi Şərur rayon Nikah Evini maraqlı şəxs qismində cəlb etdiyi qarşı “doğum faktının tanınması” tələbi barədə mülki işə Şərur Rayon Məhkəməsinin inzibati binasında açıq məhkəmə iclasında baxaraq, məhkəmə müəyyən etdi: Ərizəçi ərizə ilə məhkəməyə müraciət edərək, 18 iyun 2007-ci il təvəllüdlü X20 və 29 oktyabr 2009cu il təvəllüdlü X7 doğum faktının müəyyən edilməsi və doğum haqqında akt qeydlər kitabında qeydiyyatın aparılması barədə kqətnamə qəbul edilməsini xahiş etmişdir. Ərizəçi ərizəsində bildirmişdir ki, onun 2004-cü ildə Türkiyə Respublikasınd X11 ilə tanış olaraq qeyri-rəsmi olaraq ailə qurduqlarını, bu evlilikdən iki övladı 18 iyun 2007-ci il təvəllüdlü X20 və 29 oktyabr 2009-cu il təvəllüdlü X7 anadan olduğunu, övladlarının İstanbul şəhərində xəstəxanada dünyaya gəlsələr də, onların doğumları barədə heç bir sənəd verilmədiyini, bununla bağlı onların Azərbaycan respublikasının İstanbuldakı Baş Konsulluğuna müraciət etdiklərini, Konsulluq tərəfindən onlara DNT testi keçirildiyini, uşaqların anası Ərizəçi olduğu müəyyən olunaraq uşaqlara yol vətrəqəsi verilərək Azərbaycan respublikasına yola salındıqlarını, uşaqların DNT testi barədə məlumatın Daxili İşlər Nazirliyinə göndərildiyini, Şərur Rayon Nikah Evindən 18 iyun 2007-ci il təvəllüdlü X20 və 29 oktyabr 2009-cu il təvəllüdlü X8 doğum haqqında şəhadətnamənin verilməsini ərizə ilə xahiş etsə də, doğum haqqında akt qeydləri aşkar edilmədiyindən ona imtina olunduğunu bildirmişdir. Məhkəmə baxışı iclasında iştirak edən Ərizəçi ərizədə qeyd etdiyi xüsusatlarla eyni məzmunlu izahat verərək məhkəmədən ərizənin təmin olunması barədə qətnamə çıxarılmasını xahiş etmişdir. Maraqlı şəxs Şərur rayon Nikah Evinə məhkəmə iclasının yeri və vaxtı barədə əvvəlcədən rəsmi qaydada məlumat verilməsinə baxmayaraq maraqlı şəxs məhkəmə baxış iclasında iştirak etməmiş, lakin xx.xx.2024-cü il tarixdə məhkəməyə məktub göndərərək məktubunda qeyd etmişdir ki, Ərizəçi Şərur Rayon Nikah Evinin maraqlı şəxs qismində cəlb etdiyi doğumun qeyd edilmə faktının müəyyən edilməsi tələbi barədə mülki iş üzrə məhkəmə iclası xx.xx.2024-cü il tarixdə 11:15-ə təyin edilmiş məhkəmə prosesində işlərin çoxluğunu nəzərə alıb, bizim iştirakımız olmadan baxılmasını və nəticə verilməsini xahiş edirik. Məhkəmə Azərbaycan Respublikasının MPM-in 185.5-ci maddəsinə müvafiq olaraq məhkəmə iclasını maraqlı şəxsin iştirakı olmadan keçirilməsini mümkün hesab etmişdir. Məhkəmə baxışı iclasında ərizəçinin təşəbbüsü ilə məhkəməyə dəvət edilərək şahid qismində ifadə verən X1 Zəminə Heydər qızının onun arvadı olduğunu, 2004-cü ildə Türkiyə Respublikasında ailə qurduqlarını, nikahlarını həmin vaxt rəsmiləşdirmədiklərini, birgə yaşadıqları müddətdə xx.xx.2007-ci il tarixdə İlkin və xx.xx.2009-cu il tarixdə Leyla adlı uşaqlarının doğulduğunu, uşaqlara Türkiyə Respublikasında müvəqqəti şəxsiyyət vəsiqəsi aldıqları, uşaqların Azərbaycan Respublikasında doğum qeydləri olmadığı üçün şəxsiyyət vəsiqəsi ala bilmədiklərini bildirmişdir. Məhkəmə baxışı iclasında ərizəçinin təşəbbüsü ilə məhkəməyə dəvət edilərək şahid qismində ifadə verən X3 Məmmədovanın onun qızı olduğunu, Xəqani ilə Zəminənin 2004-cü ildə ailə qurduqlarını, birgə yaşadıqları müddətdə xx.xx.2007-ci il tarixdə İlkin və xx.xx.2009-cu il tarixdə Leyla adlı uşaqlarının doğulduğunu, uşaqlar doğulan zaman sənəd ala bilmədiklərini, buna görə də, uşaqlara doğum haqqında şəhadətnamə ala bilmədiklərini bildirmişdir. Məhkəmə baxışı iclasında ərizəçinin təşəbbüsü ilə məhkəməyə dəvət edilərək şahid qismində ifadə verən X4 Məmmədovanın onun gəlini olduğunu, Xəqani ilə Zəminənin 2004-cü ildə Türkiyə Respublikasında evləndiklərini, birgə yaşadıqları müddətdə xx.xx.2007-ci il tarixdə İlkin və xx.xx.2009-cu il tarixdə Leyla adlı uşaqlarının doğulduğunu, uşaqların doğulmaları barədə sənəd almadıqlarını, Türkiyə Respublikasında olarkən Azərbaycan Konsulluğundan DNT analizi verdiklərini, uşaqların anasının Zəminə olmasının müəyyən olunduğunu, uşaqların doğum haqqında qeydləri olmadığı üçün Azərbaycan Respublikası vətəndaşlığı barədə şəxsiyyət vəsiqəsi ala bilmədiklərini bildirmişdir. Məhkəmə baxışı iclasında ərizəçinin təşəbbüsü ilə məhkəməyə dəvət edilərək şahid qismində ifadə verən X5 Məmmədovanın onun qızı olduğunu, Xəqani ilə Zəminənin 2004-cü ildə Türkiyə Respublikasında evləndiklərini, birgə yaşadıqları müddətdə xx.xx.2007-ci il tarixdə İlkin və xx.xx.2009-cu il tarixdə Leyla adlı uşaqlarının doğulduğunu, uşaqların doğulmaları barədə sənəd almadıqlarını, uşaqların doğum haqqında qeydləri olmadığı üçün Azərbaycan Respublikası vətəndaşlığı barədə şəxsiyyət vəsiqəsi ala bilmədiklərini bildirmişdir Məhkəmə ərizəçinin izahatına, şahidlərin ifadələrinə və toplanmış sübutlara hüquqi qiymət verərək bu qənaətə gəlir ki, ərizə təmin edilməlidir. Belə ki, iş materiallarında olan: - Maraqlı şəxs tərəfindən Ərizəçi ünvanlanmış xx.xx.2024-cü il tarixli imtina məktubunun məzmunundan görünür ki, Şərur Rayon Nikah Evinə xx.xx.2024-cü il tarixdə ərizə ilə müraciət edərək övladları X20 və X8 doğum haqqında şəhadətnamənin verilməsini xahiş etmiş, Şərur Rayon X6 elektron informasiya sistemində və arxivində X20 və X17 barəsində doğum haqqında akt qeydləri aşkar edilməmişdir; - Azərbaycan Respublikası Dövlət Miqrasiya Xidməti Vətəndaşlıq Məsələləri Baş İdarəsi tərəfindən Azərbaycan Respublikası Xarici İşlər Nazirliyi Konsulluq İdarəsinin rəisi cənab Emil Səfərova ünvanlanmış xx.xx.2023-cü il tarixli 3-37/2-225xx-xx/2023 saylı məktubunda qeyd olunmuşdur ki, sizin xx.xx.2023-cü il tarixli 3-20-15/2-4-44107/2023 saylı sorğunuza Dövlət Miqrasiya Xidmətində aidiyyəti üzrə baxılmışdır. Təqdim edilmiş sənədlərə əsasən araşdırma aparılarkən müəyyən edilmişdir ki, X7 və X10 Azərbaycan Respublikası Daxili İşlər Nazirliyi Kriminalistik Tədqiqatlar İdarəsi tərəfindən DNT analizləri keçirilmiş və həmin uşaqların Azərbaycan Respublikasının vətəndaşı olan anası Ərizəçi aid olması təsdiq edilmişdir. Odur ki, Dövlət Miqrasiya Xidməti tərəfindən X7 və X10 Azərbaycan Respublikası vətəndaşlığına mənsubiyyətləri tanınmışdır; - Şərur Rayon Nikah Evi tərəfindən verilmiş xx.xx.2024-cü il tarixli AZ-İİ № 515737 nömrəli nikahın haqqında şəhadətnamənin təsdiq olunmuş surətindən görünür ki, X11 ilə Ərizəçi arasında xx.xx.2024-cü il tarixdə nikah bağlanmışdır; Məhkəmə tədqiqatı zamanı iş üzrə toplanmış və tədqiq olunmuş ərizəçinin izahatında qeyd etdikləri, şahidlərin ifadələri və digər mötəbər sübutlar əsasında təsdiq olundu ki, Ərizəçi ilə X12 2004-cü ildə Türkiyə Respublikasının İstanbul şəhərində qeyri-rəsmi ailə quraraq evlənmiş, onların bu evliliyindən xx.xx.2007-ci il təvəllüdlü X20 və xx.xx.2009-cu il təvəllüdlü X17 doğulmuşdur. Ərizəçinin övladlarının doğumları bu günə qədər qeydə alınmamışdır. Lakin iş materialında olan sənədlərlə müəyyən edilir ki, X7 və X10 barələrində Azərbaycan Respublikası Daxili İşlər Nazirliyi Kriminalistik Tədqiqatlar İdarəsi tərəfindən DNT analizləri keçirilmiş və həmin uşaqların Azərbaycan Respublikasının vətəndaşı olan anası Ərizəçi aid olması təsdiq edilmişdir. Ərizəçi uşaqlara doğum haqqında şəhadətnamənin verilməsi ilə bağlı Şərur rayon Nikah Evinə müraciət etmiş, lakin Şərur rayon X6 elektron informasiya sistemində və Arxivində uşaqlar barəsində doğum haqqında akt qeydi aşkar edilmədiyindən Şərur rayon Nikah Evi tərəfindən ona imtina məktubu təqdim edilmişdir. Yuxarıda qeyd edilən hallarla müəyyən olunur ki, ərizəçinin müvafiq sənədi başqa qaydada əldə etməsi qeyri-mümkündür, ona görə ərizəçi hüquqi əhəmiyyəti olan faktın müəyyən olunması üçün məhkəməyə müraciət etmişdir. Beləliklə də, məhkəmədə tədqiq edilmiş sübutlarla ərizənin əsaslı olması tam təsdiq olunur. Azərbaycan Respublikasının Mülki Prosessual Məcəlləsinin: - 305.1.1-ci maddəsinə əsasən məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır; - 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir; - 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır; - 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; - 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydə alınma üçün əsasdır. Həmçinin “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” Ali Məhkəmə Plenumunun 12 aprel 2019-cu il tarixli, 03 saylı qərarının 4.3-cü bəndinə əsasən uşağın tibb müəssisəsindən kənarda doğulması ilə əlaqədar doğum haqqında arayış verilməsi mümkün olmadıqda və vətəndaşlıq vəziyyəti aktlarını qeydə alan orqan uşağın doğumunu qeydə almaqdan imtina etdikdə, məhkəmə uşağın doğum faktının müəyyən edilməsi barədə ərizəyə baxmaqda haqlıdır. Belə ərizələrə baxılarkən məhkəmə ananın hamiləliyi və doğuşla bağlı bütün halları aydınlaşdırmalı, ərizəni doğum faktının mövcudluğunu təsdiq edən mötəbər və təkzibedilməz sübutlar əsasında həll etməlidir. Qətnamənin nəticə hissəsində ananın soyadı, adı, atasının adı, uşağın cinsi, doğulduğu tarix və doğumun vətəndaşlıq vəziyyəti aktlarını qeydə alan orqanda qeydiyyatı üçün zəruri olan bütün digər məlumatlar öz əksini tapmalıdır. Yuxarıda qeyd edilənlərə əsassən məhkəmə hesab edir ki, ərizə təmin edilməli, X10 xx.xx.2007-ci il tarixdə və X7 xx.xx.2009-cu il tarixdə Türkiyə Respublikasının İstanbul şəhərində doğulmaları faktı X2 və analarının Ərizəçi olması müəyyən edilməlidir. Azərbaycan Respublikasının Mülki Prosessual Məcəlləsinin: - 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; - 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir; 217.3-cü maddəsinə əsasən qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır; - 217.4-cü maddəsinə görə məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır; - 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İddia qaldırılarkən ödənilmiş 100 (bir yüz) manat məbləğində dövlət rüsumu Ərizəçi aid edilməlidir Yuxarıda qeyd edilənləri və Azərbaycan Respublikası Mülki Prosessual Məcəlləsinin 216-220, 358.0.3, 360-cı maddələrini rəhbər tutaraq məhkəmə qət etdi: Ərizə təmin edilsin. X10 xx.xx.2007-ci il tarixdə və X7 xx.xx.2009-cu il tarixdə Türkiyə Respublikasının İstanbul şəhərində doğulmaları faktı müəyyən edilsin. X2 və analarının Ərizəçi olması müəyyən edilsin. Qətnamə doğum haqqında şəhadətnamə verilməsi üçün əsasdır. İddia qaldırılarkən ödənilmiş 100 (bir yüz) manat məbləğində dövlət rüsumu Ərizəçi aid edilsin. Qətnamədən, o, rəsmi qaydada verildiyi gündən 1 (bir) ay müddətində Şərur Rayon Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verilə bilər. Hakim: Seymur Qarayev