Gəncə Şəhər Məhkəməsi Qərardad — İş №2(125)-747/2022

Azərbaycan Respublikası adından QƏRARDAD Gəncə şəhəri İş № 2(125)-747/2022 08.08.2022 GƏNCƏ ŞƏHƏR MƏHKƏMƏSİ Hakim Quliyev Camal Yusifəli oğlunun sədrliyi, məsləhətçi (məhkəmə iclas katibi) Hüseynov Hadı Bahadur oğlunun katibliyi ilə, Qurbanzadə (Həsənova) Alidə Abdulla qızının ərizəçinin nənəsi X1 1961-ci ildə ölməsi və ərizəçinin anası X2 D.Ə.Quliyevanın övladı olması faktının müəyyən edilməsi barədə ərizəsinə dair mülki işə, işin məhkəmədə baxılmağa hazırlanmasına dair açıq məhkəmə iclasında baxaraq, MÜƏYYƏNETDİ: Qurbanzadə (Həsənova) Alidə Abdulla qızı ərizəçinin nənəsi X1 1961-ci ildə ölməsi və ərizəçinin anası X2 D.Ə.Quliyevanın övladı olması faktının müəyyən edilməsi barədə qətnamə qəbul olunmasını xahiş etmişdir. Həmin ərizə 17 iyun 2022-ci il tarixdə Gəncə şəhəri Nizami Rayon Məhkəməsinə daxil olmuş, mülki iş üzrə məhkəmə hazırlıq iclası 19 iyul 2022-ci il tarixə, saat 10:30-a təyin edilmiş, ərizəçi məhkəmə hazırlıq iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasına gəlmədiyinə görə məhkəmə hazırlıq iclası təxirə salınaraq, 08 avqust 2022-ci il tarixə, saat 10:30-a təyin olunmuşdur. Lakin ərizəçi məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməyin səbəblərini və ya mümkünsüzlüyünü bildirmədən və bu səbəblərin üzürlü olması barədə sübutlar təqdim etmədən təkrarən məhkəmə iclasına gəlməmişdir. 14 iyul 2022-ci il tarixdə məhkəməyə daxil olmuş ərizəsində isə iş üzrə maraqlı şəxs Gəncə şəhər qeydiyyat şöbəsinin rəisi Anar Əhmədov mülki işə Gəncə şəhər Qeydiyyat şöbəsinin nümayəndəsinin iştirakı olmadan baxılmasını xahiş etmişdir. Məhkəmə ərizəni və ona əlavə edilmiş sənədləri tədqiq edərək, işdə olan sübutları araşdıraraq, hesab edir ki, tərəflər məhkəmə iclasına gəlmədiklərinə görə ərizə baxılmamış saxlanılmalıdır. Belə ki, Azərbaycan Respublikası MPM-nin 185.4-cü maddəsinin tələbinə görə tərəflər və yaxud iddiaçı məhkəmə baxışının vaxtı və yeri haqqında lazımi qaydada xəbərdar edildikdə, lakin onlar məhkəmə iclasına təkrar gəlmədikdə məhkəmə həmin işə baxmağa haqlıdır. Belə hallarda bu Məcəllənin müvafiq olaraq 259.0.6 və 259.0.7-ci maddələri tətbiq edilir. Həmin Məcəllənin 259.0.6-ci maddəsinin tələbinə görə işə onların iştirakı olmaadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun 31 mart 2011-ci il tarixli Qərarının 2-ci bəndində məhkəmələrə izah edilmişdir ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Yuxarıda göstərilənlərə əsasən və Azərbaycan Respublikası MPM-nin 263, 264, 267 və 268-ci maddələrini rəhbər tutaraq, məhkəmə QƏRARAALDİ: Qurbanzadə (Həsənova) Alidə Abdulla qızının ərizəçinin nənəsi X1 1961-ci ildə ölməsi və ərizəçinin anası X2 D.Ə.Quliyevanın övladı olması faktının müəyyən edilməsi barədə ərizəsi və ona əlavə edilmiş sənədlər geri qaytarılsın. Qərardad tərəfə rəsmi qaydada verildikdən sonra 10 gün müddətində ondan Gəncə Şəhər Məhkəməsinə şikayət verilə bilər. Hakim Camal Quliyev