Bakı Şəhəri Səbail Rayon Məhkəməsi Qərardad — İş №2(5-102)-189/2026

Azərbaycan Respublikası adından QƏRARDAD Bakı şəhəri İş № 2(5-102)-189/2026 02.02.2026 BAKI ŞƏHƏRİ SƏBAİL RAYON MƏHKƏMƏSİ Mən, Səbail Rayon Məhkəməsinin hakimi İlkin Şahin oğlu Rüstəmli, İddiaçı1 Aleksansrovna və digərlərinin – cavabdeh "Ş-EL" İstehsalat-Yaradıcılıq firmasına qarşı “əmək müqaviləsi bildirişinin ləğv edilməsi” tələbinə dair iddia ərizəsi üzrə mülki iş materialını nəzərdən keçirib MÜƏYYƏN ETDİM: İddiaçı1 Aleksansrovna və digərləri – cavabdeh "Ş-EL" İstehsalat-Yaradıcılıq firmasına qarşı “əmək müqaviləsi bildirişinin ləğv edilməsi” tələbinə dair iddia ərizəsi ilə məhkəməyə müraciət edərək, müvafiq qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi imzalamadığı üçün, həmçinin iddia ərizəsində bir-biri ilə əlaqədar olmayan bir neçə tələb birləşdirildiyindən, geri qaytarılmalıdır. Belə ki, iddiaçılara izah olunur ki, onlar cavabdehə qarşı birgə iddia ərizəsi yox, hər biri müstəqil iddia ərizəsi verməklə məhkəməyə müraciət edə bilər. Bundan başqa qeyd olunur ki, İddiaçı2 iddia ərizəsini imzalamamışdır. Azərbaycan Respublikası MPM-nin: 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim iddia ərizəsini və ona əlavə edilmiş sənədləri geri qaytarır. 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır 152.4.-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən, Azərbaycan Respublikası MPM-nin 69, 150, 152., 263-264, 267-268 maddələrini rəhbər tutaraq, məhkəmə QƏRARA ALDİ: İddiaçı1 Aleksansrovna və digərlərinin – cavabdeh "Ş-EL" İstehsalat-Yaradıcılıq firmasına qarşı “əmək müqaviləsi bildirişinin ləğv edilməsi” tələbinə dair iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan 10 gün müddətinə Səbail Rayon Məhkəməsinə şikayət verilə bilər. Hakim: İlkin Rüstəmli