Bakı Şəhəri Xəzər Rayon Məhkəməsi Qərardad — İş №e-2(003)-104/2025

Azərbaycan Respublikası adından QƏRARDAD Bakı şəhəri İş № e-2(003)-104/2025 24.01.2025 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi, İddiaçı nümayəndəsi və vəkili Nümayəndə iştirakı ilə, İddiaçı Cavabdeh qarşı “tutmanın ipoteka predmetinə yönəldilməsi” ərizəsi üzrə mülki işə məhkəmə iclasında baxaraq, məhkəmə, müəyyən etdi: İddiaçı Cavabdeh qarşı iddia ərizəsi ilə məhkəməyə müraciət edərək, tutmanın 2 saylı Bakı “ASAN xidmət” mərkəzinin notariat kontorunda xx.xx.2018-ci il tarixində tərəflər arasında bağlanmış 3M-476 reyestr nömrəli ipoteka müqaviləsinə əsasən ipoteka predmeti, Cavabdeh mülkiyyətində olan ünvan 1 ünvanında yerləşən 0.01564 ha. torpaq sahəsi və ümumi sahəsi 103.1 kv.m. olan fərdi yaşayış evinə yönəldilməsi, qiymətləndirmə ekspertizası rəyinə əsasən müəyyən edilmiş evin likvid qiyməti olan 94 500 (doxsan dörd min beş yüz) manat məbləğində vəsait əvəzinə Cavabdeh mülkiyyətində olan ünvan 1 ünvanında yerləşən0.01564 ha. torpaq sahəsi və ümumi sahəsi 103.1 kv.m. olan fərdi yaşayış evinin İddiaçı mülkiyyətinə verilməsi, Cavabdeh həmin evdən dərhal çıxarılması və evin boşaldılaraq İddiaçı təhvil verilməsi, iddia ərizəsinin verilməsinə görə ödənilmiş 100,40 manat dövlət rüsumunun və hüquqi yardım üçün vəkillə bağlanmış xx.xx.2024-cü il tarixli, 201 saylı müqaviləyə əsasən ödənilmiş 500 manat məbləğində pulun Cavabdeh tutularaq İddiaçı ödənilməsinə dair qətnamə çıxarılmasını xahiş etmişdir. Məhkəmə iclasında iştirak edən X1 nümayəndəsi X2 ərizəsini müdafiə edərək, ərizəsinin təmin edilməsi barədə qətnamə qəbul edilməsini xahiş etdi. Məhkəmə iclasında iştirak edən İddiaçı nümayəndəsi və vəkili Nümayəndə iddia ərizəsini müdafiə edərək iddianın təmin edilməsini xahiş etdi. Əlavə olaraq bildirdi ki, pretenziya qaydasına riayət edilib, iş materiallarında akt var. Cavabdeh məhkəmə iclasının yeri və vaxtı barəsində lazımi qaydada xəbərdar edilsə də, o, məhkəmə iclasına gəlməmiş və gəlməməsinin səbəbləri barədə məhkəməyə məlumat daxil olmamışdır. Belə olan halda, məhkəmə Azərbaycan Respublikası MPM-in 185.5-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəni və iş materiallarını araşdıraraq hesab edir ki, iddia baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsi Maddə 259.0.1. məhkəməyə müraciət etmiş iddiaçı mübahisənin qabaqcadan məhkəmədən kənar (pretenziya qaydasında) həll edilməsi barəsində müəyyən kateqoriyadan olan işlər üçün qanunla müəyyən edilmiş, yaxud tərəflər arasında müqavilə ilə nəzərdə tutulmuş qaydaya əməl etməmişsə və bu qaydanı tətbiq etmək imkanı itirilməmişsə, məhkəmə ərizəni baxılmamış saxlayır. Maddə 259.0.12. ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.1.2-ci və ya 150.1.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda, məhkəmə ərizəni baxılmamış saxlayır. Belə ki, iş materiallarından görünür ki, iddiadçı qanunvericiliyin tələb etdiyi qaydada tutmanın ipotekaya yönəldilməsinə dair bildirişin cavabdehin ünvanına göndərməmişdir və buna dair sübut məhkəməyə təqdim olunmamışdır. Azərbaycan Respublikasının Qanununun 36-cı maddəsinə əsasən İpoteka saxlayan bu Qanunun 36.2-ci maddəsində nəzərdə tutulan məlumatı əks etdirən bildirişi ipoteka qoyanın və ipoteka müqaviləsində qeyd olunan digər şəxsin ünvanına, bildirişin surətini isə ona məlum olan sonrakı ipoteka saxlayana, o cümlədən birgə ipoteka saxlayanlara, habelə “Daşınar əmlakın yüklülüyü haqqında” Azərbaycan Respublikasının Qanunu ilə müəyyən edilən yüklülük sahiblərinə sifarişli poçt göndərişi (məktubu) və elektron üsulla göndərir. Poçt göndərişi vasitəsilə ölkə daxilində göndərilmiş rəsmi bildiriş onun poçta təqdim edildiyi gündən 5 təqvim günü keçdikdən sonra, elektron üsulla göndərilmiş rəsmi bildiriş isə göndərildiyi gündən 3 təqvim günü keçdikdən sonra təqdim olunmuş sayılır. Göstərilənlərə əsasən məhkəmə hesab edir ki, iddiaçı mövcud ərizə ilə hələ məhkəməyə müraciət etməzdən əvvəl işin məhkəmədən kənar həlli qaydasına riayət etmədiyindən və belə bir qaydanı tətbiq etmək imkanını itirmədiyindən, məhkəmə tərəfindən ərizəçiyə işin məhkəmədən kənar həll etməsi barədə hüquqları izah olunmasına baxmayaraq, o həmin halı aradan qaldırmamışdır. Beləliklə, iddiaçının iddia ərizəsinə sübutlarını əlavə edilmədiyindən, məhkəmə tərəfindən müəyyən edilən müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadığından ərizə baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-nin 263, 264, 267, 268-ci maddələrini rəhbər tutaraq, qərara aldı: İddiaçı Cavabdeh qarşı “tutmanın ipoteka predmetinə yönəldilməsi” tələbinə dair iddia ərizəsi baxılmamış saxlanılsın. Qərardaddan tərəflərə rəsmi qaydada verildikdən sonra 10 gün müddətində (Elektron Məhkəmə İnformasiya Sistemində yaradılmış elektron kabinetdən istifadə edilməklə) şikayət verilə bilər. Sədrlik edən: Zaur Tağıyev