Bakı Şəhəri Yasamal Rayon Məhkəməsi Qərardad — İş №e-2(004)-933/2023

Azərbaycan Respublikası adından QƏRARDAD Bakı şəhəri İş № e-2(004)-933/2023 16.02.2023 BAKI ŞƏHƏRİ YASAMAL RAYON MƏHKƏMƏSİ Hakim Xudayev Kərim Bahəddin oğlunun sədrliyi, Almasova Aytən Asəf qızının katibliyi ilə, İddiaçı "Az NKİ-4” Mənzil Tikinti Kooperativinin Cavabdeh2 qarşı “kopperativin yaşaması və istismarı üçün müəyyən edilmiş haqqın ödənilməsi” tələbinə dair mülki işə məhkəmənin hazırlıq iclasında baxaraq, məhkəmə müəyyənetdi: İddiaçı "Az NKİ-4” Mənzil Tikinti Kooperativi Cavabdeh2 qarşı “kopperativin yaşaması və istismarı üçün müəyyən edilmiş haqqın ödənilməsi” tələbinə dair iddia ərizəsi ilə məhkəməyə müraciət etmişdir. Məhkəmə hazırlıq iclası xx.xx.2023-cü il tarixə saat 12:45-ə təyin edilmişdir. İddiaçı "Az NKİ-4” Mənzil Tikinti Kooperativinin nümayəndəsi xx.xx.2023-cü il tarixdə məhkəməyə elektron qaydada ərizə ünvanlayaraq qeyd etmişdir ki, cavabdehlə məhkəmədən kənar barışmışlar və iddia tələbi cavabdeh tətəfindən yerinə yetirilmişdir. Odur ki, iddia ərizəsinin və ona əlavə eidlmiş sənədlərin geri qaytarılması barədə qərardad qəbul edilməsini xahiş etmişdir. Tərəflərə məhkəmə iclasının yeri və vaxtı barədə məhkəmə bildirişi göndərilmiş, lakin tərəflər məhkəmənin hazırlıq iclasına gəlməmişdir. Məhkəmə tərəflərin iştirakı olmadan məhkəmə hazırlıq iclasının keçirilməsini mümkün hesab etmişdir. Məhkəmə iddiaçının ərizəsini nəzərdən keçirib hesab edir ki, ərizə təmin edilməli, Azərbaycan Respublikası MPM-in 170.1-ci maddəsinin tələbinə uyğun olaraq iddia ərizəsi və ona əlavə edilmiş sənədlər iddiaçıya qaytarılmalıdır. Belə ki, Azərbaycan Respublikası Mülki-Prosessual Məcəlləsinin 170.1-ci maddəsinə görə, bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə geri qaytarıla bilər. Həmçinin məhkəmə hesab edir ki, iddianın qaldırılması üçün dövlət büdcəsinə köçürülmüş 47 manat dövlət rüsumu iddiaçı "Az NKİ-4” Mənzil Tikinti Kooperativinə qaytarılmalıdır. Belə ki, Azərbaycan Respublikası MPM-in 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Şərh olunanlara əsasən və Azərbaycan Respublikası MPM-in 114.1.3, 114, 170-ci maddələrini rəhbər tutaraq, məhkəmə q ə r a r a a l d ı: Ərizə təmin edilsin. İddiaçı "Az NKİ-4” Mənzil Tikinti Kooperativinin Cavabdeh2 qarşı “kopperativin yaşaması və istismarı üçün müəyyən edilmiş haqqın ödənilməsi” tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. xx.xx.2023-cü il tarixli, 6934 nömrəli mədaxil qəbzlərinə əsasən dövlət rüsümu kimi ödənilmiş 47 manat pul Azərbaycan Respublikası Maliyyə Nazirliyinin Bakı şəhəri Baş Maliyyə İdarəsi tərəfindən "Az NKİ-4” Mənzil Tikinti Kooperativinə qaytarılsın. Qərardaddan, qərardad tərəfə rəsmi qaydada verildikdən sonra 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Hakim: Kərim Xudayev