Bakı Şəhəri Nəsimi Rayon Məhkəməsi Qərardad — İş №e-2(006)-713/2024

Azərbaycan Respublikası adından QƏRARDAD Bakı şəhəri İş № e-2(006)-713/2024 19.03.2024 BAKI ŞƏHƏRİ NƏSİMİ RAYON MƏHKƏMƏSİ Hakim Heydərova Əfsanə Elbrus qızının sədrliyi, məhkəmə iclasının katibi Qiyasova Səbinə Ağacan qızının katibliyi ilə, İddiaçı Cavabdehnə qarşı "yaşayış sahəsinin təhvil verilməsi və pul tələbinə dair" iddia ərizəsi üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Cavabdehnə qarşı "yaşayış sahəsinin təhvil verilməsi və pul tələbinə dair" iddia ərizəsi ilə məhkəməyə müraciət edərək, 2022-ci ilin avqust ayından 2023-cü ilin noyabr ayınadək ödənilməyən kirayə pulu olan 4200 AZN cavabdeh "xxxx" MTK-dan alınaraq İddiaçı ödənilməsi, 22 sentyabr 2017-ci il tarixdə bağlanmış müqaviləyə əsasən 69 kv.m yaşayış sahəsini təmirli qaydada İddiaçı verilməsi öhdəliyinin cavabdeh ‘MAHAL’ MTK üzərinə qoyulmasını, 2023-cü ilin dekabr ayından etibarən 69 kv.m yaşayış sahəsini təmirli qaydada İddiaçı təhvil verilən günədək 22 sentyabr 2017-ci il tarixli müqavilənin 2.1.4-cü bəndinə dəyişiliklik edilərək kirayə pulunun 550 AZN müəyyən olunması, ödənilmiş 100 AZN dövlət rüsumunun cavabdeh "xxxx" MTK-dan alınaraq İddiaçı ödənilməsi barədə qətnamə qəbul edilməsini xahiş etmişdir. Məhkəmə iddia ərizəsi və iş materiallarını araşdıraraq hesab edir ki, İddiaçı Cavabdehnə qarşı "yaşayış sahəsinin təhvil verilməsi və pul tələbinə dair" 2(006)- 713/2024 saylı mülki iş baxılması üçün ərazi aidiyyəti üzrə Bakı şəhəri Səbail Rayon Məhkəməsinə göndərilməlidir. Belə ki, iş materialları ilə müəyyən edilmişdir ki, hazırki mübahisə üzrə mübahisə predmeti olan mənzil Səbail rayonunda yerləşir. Məhkəmə iclasının vaxtı və yeri barədə tərəflərə müəyyən edilmiş qaydada və müddətdə xəbərdarlıq edilməsinə baxmayaraq, tərəflər məhkəmə iclasına gəlməmişlər, səbəbləri barədə məhkməyə məlumat verməmişdirlər. Azərbaycan Respublikasının Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36.11-ci maddəsinə əsasən icra yeri göstərilən müqavilələrdən əmələ gələn iddialar müqavilənin icra yerinə görə də verilə bilər. Həmin Məcəllənin 39.1-ci maddəsinə əsasən daşınmaz əşyaya mülkiyyət hüququnun tanınması, daşınmaz əşyanın başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. Həmin Məcəllənin 45.1-ci maddəsinə əsasən mübahisənin məhkəməyə aidiyyəti ilə əlaqədar məsələlər ərizənin məhkəmənin icraatına qəbul edilməsi və ya işin hakim tərəfindən baxılmağa hazırlanması mərhələsində, yaxud da işdə iştirak edən şəxsin əsaslandırılmış vəsatəti üzrə həll oluna bilər. Məhkəmə hesab edir ki, hazırki iddia tələbi mənzilin təhvil verilməsi olduğundan və mübahisəli mənzilin Sənail rayonu ərazisində yerləşməsini nəzərə alaraq, mülki iş müstəsna aidiyyət üzrə baxılması üçün Bakı şəhəri Səbail Rayon Məhkəməsinə göndərilməlidir. Göstərilənlərə əsasən və Azərbaycan Respublikasının Mülki Prosessual Məcəlləsinin 263-264, 266-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdehnə qarşı "yaşayış sahəsinin təhvil verilməsi və pul tələbinə dair" 2(006)-713/2024 nömrəli mülki iş aidiyyəti üzrə baxılması üçün Bakı şəhəri Səbail Rayon Məhkəməsinə göndərilsin. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər.