Bakı Şəhəri Səbail Rayon Məhkəməsi Qərardad — İş №e-2(009)-2781/2020

Azərbaycan Respublikası adından QƏRARDAD Bakı şəhəri İş № e-2(009)-2781/2020 24.12.2020 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi X4, İddiaçı cavabdeh X2 qarşı “alqı-satqı müqaviləsinin etibarsız hesab edilməsi” tələbinə dair qarşılıqlı iddia ərizəsini nəzərdən keçirərək MÜƏYYƏN ETDİ: İddiaçı cavabdeh X2 qarşı “alqı-satqı müqaviləsinin etibarsız hesab edilməsi” tələbinə dair qarşılıqlı iddia ərizəsi ilə məhkəməyə müraciət edərək, X1 ona qarşı mənzilə istifadə hüququnun itirimiş hesab edilməsi tələbinə dair ilkin iddiasının rədd edilməsi və qarşılıqlı iddianın təmin edilərək, ona məxsus Bakı şəhəri, Səbail rayonu, 2-ci Krasnoflot (indiki A.Nəsirov) küçəsi 1 saylı binanın 24 saylı mənzilinin Əliyeva (Qoçəliyeva) Təranə Dağıstan qızına satılmasına dair 2 saylı Dövlət Notariat Kontorunda bağlanmış xx.xx.1999-cu il tarixli 3MA/4-171 reyestr nömrəli alqı-satqı müqaviləsinin etibarsız hesab edilməsi barədə qətnamə çıxarılmasını xahiş etmişdir. Qarşılıqlı iddia ərizəsini nəzərdən keçirib hesab edir ki, qarşılıqlı iddia ərizəsi geri qaytarılmalıdır. Belə ki, İddiaçı qarşılıqlı iddia ərizəsini Bakı şəhəri Səbail Rayon Məhkəməsinin hakimi Ş.Abdullayevin icraatında olan 2(009)-2548/2020 saylı mülki işə dair vermiş, lakin qarşılıqlı iddia ərizəsi elekton şəkildə iddia ərizəsi qaydasında göndərilmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizənin bu Məcəllənin tələblərinə riayət edilməklə verilməsi yoxlanılmalıdır. Ərizəni yoxlayaraq hesab edir ki, Azərbaycan Respublikası MPM-in 152.1.1-ci maddəsinə uyğun olaraq ərizə geri qaytarılmalıdır. Belə ki, Mülki Prosessual Məcəlləsinin 152.1.1-ci maddəsinə əsasən, iddia ərizəsi həmin Məcəllənin 149-cu maddəsi ilə müəyyən olunmuş formaya və məzmuna riayət edilmədikdə ərizə və ona əlavə olunmuş sənədlər geri qaytarılır. Qeyd edilənləri nəzərə alaraq hesab edir ki, İddiaçı cavabdeh X2 qarşı “alqı-satqı müqaviləsinin etibarsız hesab edilməsi” tələbinə dair qarşılıqlı iddia ərizəsi geri qaytarılmalı və ona Azərbaycan Respublikası Mülki Prosessual Məcəlləsinin 152.4-cü maddəsinin tələbləri izah olunmalıdır. Azərbaycan Respublikası MPM-nin 152.4-cü madəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən, Azərbaycan Respublikası MPM-nın 152, 263-264, 266-268 maddələrini rəhbər tutaraq, QƏRARA ALDİ: İddiaçı cavabdeh X2 qarşı “alqı-satqı müqaviləsinin etibarsız hesab edilməsi” tələbinə dair qarşılıqlı iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ikinci dəfə qarşılıqlı iddia ərizəsi ilə məhkəməyə müraciət etmək hüququ vardır. Qərardaddan rəsmi qaydada verildikdən sonra 10 gün müddətində Bakı şəhəri Səbail Rayon Məhkəməsinə şikayət verilə bilər. Hakim: Rəna Qafarova