Bakı Şəhəri Xətai Rayon Məhkəməsi Qərardad — İş №e-2(011)-3319/2025

Azərbaycan Respublikası adından QƏRARDAD Bakı şəhəri İş № e-2(011)-3319/2025 04.06.2025 BAKI ŞƏHƏRİ XƏTAİ RAYON MƏHKƏMƏSİ Hakim Abdullayeva Aynur Aydın qızının sədrliyi, Kazımov Samir Vaqif oğlunun katibliyi ilə, İddiaçı MTK-nın Cavabdeh qarşı “pul” tələbinə dair iddia ərizəsi üzrə mülki işə açıq məhkəmə iclasında baxaraq müəyyənetdi: İddiaçı MTK Cavabdeh qarşı – İddiaçı MTK ilə Cavabdeh arasında bağlanmış xx.xx.2011-ci il tarixli, PBR 202 saylı saylı 103C nömrəli mənzil və 1 tək dayanacaq yerinin alqı-satqı müqaviləsinə əsasən cavabdehin 2730.92 AZN borcunun və iddia ərizəsinin verilməsinə görə MTK tərəfindən ödənilmiş 47.31 AZN dövlət rüsumu olmaqla, ümumilikdə 2778.23 AZN (iki min yeddi yüz yetmiş səkkiz manat 23 qəpik) məbləğin Cavabdeh tutularaq İddiaçı MTK-nın hesabına köçürülməsi barədə iddia ərizəsi ilə məhkəməyə müraciət etmişdir. Daha sonra İddiaçı MTK ərizə ilə məhkəməyə müraciət edərək, 2(011)-3319/2025 saylı mülki iş üzrə iddiaçının iddiadan imtina etməsini qəbul edərək iş üzrə icraata geri qaytarılmasını, iddiaçı tərəfindən ödənilmiş ümumi məbləği 47.31 AZN olan dövlət rüsumunun MTK-nın hesabına qaytarılması və hüquqların müdafiəsi üçün vəkilə ödənilmiş 110 AZN vəkil haqqının cavabdehdən tutularaq iddiaçı "ABŞERON” MTK-ya ödənilməsi barədə qərardad qəbul edilməsini xahiş etmişdir. Belə ki, Azərbaycan Respublikası MPM-in 191.1-ci maddəsinə əsasən iddiaçının iddiadan imtina etməsi, iddia tələbinin dəyişdirilməsi, cavabdehin iddianı etiraf etməsi, mübahisənin mediasiya vasitəsilə həllinə dair tərəflərin razılığı və ya tərəflərin barışıq sazişi şərtləri məhkəmə iclasının protokoluna yazılır və protokolu müvafiq surətdə iddiaçı, cavabdeh və ya hər iki tərəf imzalayır. İddiadan imtina etmə, iddianın dəyişdirilməsi, cavabdehin iddianı etiraf etməsi, mübahisənin mediasiya vasitəsilə həllinə dair tərəflərin razılığı və ya tərəflərin barışıq sazişi, bu hərəkətlərin nəticəsi aydın surətdə şərh olunan, məhkəməyə göndərilən yazılı ərizələrdə də ifadə oluna bilər. Həmin Məcəllənin 191.2-ci maddəsinə əsasən, hakim iddiaçının iddiadan imtina etməsini, cavabdehin iddianı etiraf etməsini və tərəflərin barışıq sazişini təsdiq edənə qədər onlara müvafiq prosessual hərəkətlərin nəticələrini izah edir. İddiaçı iddiadan imtina etdikdə və bu, məhkəmə tərəfindən təsdiq edildikdə və ya tərəflərin barışıq sazişini təsdiq etdikdə məhkəmə bu barədə qərardad çıxararaq, bu qərardadla eyni zamanda iş üzrə icraata xitam verir. Tərəflərin məhkəmə tərəfindən təsdiq edilən barışıq sazişinin şərtləri qərardadda göstərilməlidir. Azərbaycan Respublikası Mülki Prosessual Məcəlləsinin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa iş üzrə icraata xitam verilir. Həmin Məcəllənin 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Məhkəmə iddiadan imtina barədə ərizəni araşdıraraq hesab edir ki, iddiaçının iddia tələblərindən imtina etməsi qanuna zidd olmadığından və ya hər hansı bir şəxsin hüquqlarını və qanunla qorunan mənafeyini pozmadığından həmin imtina məhkəmə tərəfindən qəbul edilməli və iş üzrə icraata xitam verilməlidir. Azərbaycan Respublikası MPM-nin 114.1.4-cü maddəsinə əsasən, bu Məcəllə ilə nəzərdə tutulmuş əsaslarla iş üzrə icraata xitam verilərsə ödənilmiş dövlət rüsumu qaytarılır. Beləliklə, məhkəmə şərh edilənlərə əsasən hesab edir ki, iddiaçı tərəfindən iddia ərizəsi ilə Bakı şəhəri Xətai rayon Məhkəməsinə müraciət edilməsi üçün “X1” vasitəsilə ödənilmiş 47,31 manat məbləğində dövlət rüsumu geri qaytarılmalıdır. Qeyd olunan Məcəllənin 122.1-ci maddəsinə görə İddiaçı iddiadan imtina etdikdə, onun çəkdiyi xərclər cavabdeh tərəfindən ödənilmir. Buna görə də vəkilin hüquqi yardımından istifadə olunmasına görə 110 manat məbləğində çəkilmiş xərclərin ödənilməsi tələbi təmin edilməməlidir. Şərh olunanlara əsaslanaraq və Azərbaycan Respublikası MPM-nin 261, 263-264, 267-ci maddələrini rəhbər tutaraq qəraraaldı: İddiaçı MTK-nın Cavabdeh qarşı – PBR 202 saylı saylı 103C nömrəli mənzil və 1 tək dayanacaq yerinin alqı-satqı müqaviləsinə əsasən cavabdehin 2730.92 AZN borcunun və iddia ərizəsinin verilməsinə görə MTK tərəfindən ödənilmiş 47.31 AZN dövlət rüsumu olmaqla, ümumilikdə 2.778.23 AZN məbləğin Cavabdeh tutularaq İddiaçı MTK-nın hesabına köçürülməsi barədə iddia ərizəsi üzrə iddiaçının iddiasından imtinası qəbul edilsin və iş üzrə icraata xitam verilsin. İddiaçı MTK-nın iddia ərizəsi ilə məhkəməyə müraciət edilməsi üçün “X1” vasitəsilə xx.xx.2025-ci il tarixdə ********** saylı qəbzinə əsasən ödənilmiş 47,31 (qırx yeddi manat otuz bir qəpik) manat məbləğində dövlət rüsumu ona geri qaytarılsın. Vəkilin hüquqi yardımından istifadə olunmasına görə 110 (bir yüz on) manat məbləğində çəkilmiş xərclərin ödənilməsi tələbi təmin edilməmə Qərardaddan 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsi ilə) şikayət verilə bilər. Hakim: Aynur Abdullayeva