Bakı Şəhəri Xətai Rayon Məhkəməsi Qərardad — İş №e-2(011)-6752/2024

Azərbaycan Respublikası adından QƏRARDAD Bakı şəhəri İş № e-2(011)-6752/2024 19.09.2024 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi ilə, Quliyeva Nərmin İsmayıl qızının katibliyi ilə, İddiaçı MTK-nın Cavabdeh qarşı “pul” tələbinə dair iddiası üzrə mülki işə baxaraq, müəyyən etdi: İddiaçı MTK Cavabdeh qarşı “pul” tələbinə dair iddia ərizəsi ilə məhkəməyə müraciət etmişdir. Tərəflərə məhkəmə iclasının vaxtı və yeri haqqında lazımı qaydada məlumat verilsə də, onlar məhkəmə iclasına gəlməmişlər. Lakin iddiaçının sədri Riad Salayev ərizə ilə məhkəməyə müraciət edərək, e-2(011)-6752/2024 saylı mülki iş üzrə iddiaçının iddiadan imtina etməsini qəbul edərək iş üzrə icraata xitam verilməsi və iddiaçı tərəfindən ödənilmiş ümumi 124.02 manat dövlət rüsumunun qaytarılması barədə qərardad qəbul edilməsini xahiş etmişdir. Ərizə onunla əsaslandırılmışdır ki, e-2(011)- 6752/2024 saylı mülki iş üzrə iddia ərizəsində qeyd edilən xx.xx.2024-cü il tarixinə olan 8.889,44 manat məbləğində əsas borc Cavabdeh tərəfindən xx.xx.2024-cü il tarixində İddiaçı MTK-ya tam şəkildə ödənilmişdir. Odur ki, cavabdehə qarşı 12 avqust 2024-cü il tarixinədək olan müddət üçün hər hansı iddia və tələbləri mövcud deyildir. Cavabdeh məhkəmə iclasına gəlməmiş və gəlməməsinin səbəbləri barədə məhkəməyə məlumat daxil olmamışdır. Məhkəmə iş materiallarını və ərizəni nəzərdən keçirib hesab edir ki, iş üzrə icraata xitam verilməlidir. Belə ki, Azərbaycan Respublikası MPM-in 261.0.4-cü maddəsinə əsasən, iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Həmin Məcəllənin 13.4-cü maddəsinə əsasən, barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Həmin Məcəllənin 114.1.4-cü maddəsinə əsasən, bu Məcəllə ilə nəzərdə tutulmuş əsaslarla iş üzrə icraata xitam verilərsə, ödənilmiş dövlət rüsumu qaytarılır. Göstərilənlərə əsasən məhkəmə hesab edir ki, iddiaçı iddiadan imtina etdiyindən və ödənilmiş dövlət rüsumunun qaytarılması barəsində ərizə verdiyindən, e-2(011)-6752/2024 saylı mülki iş üzrə icraata xitam verilməli və ödənilmiş dövlət rüsumu tam şəkildə iddiaçıya qaytarılmalıdır. Azərbaycan Respublikası MPM-in 262.4-cü maddəsinə əsasən, işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Qeyd olunanlara əsaslanaraq və Azərbaycan Respublikası MPM-in 261, 263-264 və 268-ci maddələrini rəhbər tutaraq məhkəmə qərara aldı: İddiaçı MTK-nın Cavabdeh qarşı “pul” tələbinə dair iddia ərizəsi üzrə e-2(011)- 6752/2024 saylı mülki iş üzrə icraata xitam verilsin. İddiaçıya izah edilsin ki, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. İddiaçı MTK tərəfindən Hökumət ödəniş portalı vasitəsilə 29 iyul 2024-cü il tarixdə Bakı şəhəri Xətai Rayon Məhkəməsinin hesabına ********** nömrəli qəbzə əsasən ödənilmiş 124.02 (bir yüz iyirmi dörd manat iki qəpik) manat dövlət rüsumu İddiaçı MTK-ya geri qaytarılsın. Qərardaddan onun tərəflərə rəsmi qaydada verildiyi gündən 10 gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Xətai Rayon Məhkəməsinə şikayət verilə bilər. Sədrlik edən: Aygün Həsənova