Azərbaycan Respublikası adından QƏRARDAD Bakı şəhəri İş № e-2(011)-8179/2024 05.11.2024 BAKI ŞƏHƏRİ XƏTAİ RAYON MƏHKƏMƏSİ Hakim Eyvazova Samirə Əli qızının sədrliyi, Hüseynova Nuranə Rafiq qızının katibliyi, İddiaçı X1 iştirakı ilə, İddiaçı Cavabdeh qarşı mənzildən çıxarılma tələbinə dair mülki işə açıq məhkəmə hazırlıq iclasında baxaraq məhkəmə MÜƏYYƏN ETDİ:
1. İddiaçı Cavabdeh İddiaçı qarşı alğı-satqı müqaviləsinin etibarsız hesab edilməsi tələbinə dair iddia ərizəsi ilə Bakı Şəhəri Səbail Rayon Məhkəməsinə müraciət etmiş və Bakı Şəhəri Səbail Rayon Məhkəməsinin xx.xx.2024-cü il tarixli qərardadı ilə iddia ərizəsinin məhkəmə icraatı mümkün hesab edilmişdir.
2. Eyni zamanda xx.xx.2024-cü il tarixdə İddiaçı Cavabdeh qarşı mənzildən çıxarılma tələbinə dair iddia ərizəsi ilə məhkəməyə müraciət etmiş və Bakı Şəhəri Xətai Rayon Məhkəməsinin xx.xx.2024-cü il tarixli qərardadı ilə iddia ərizəsinin məhkəmə icraatı mümkün hesab edilmişdir.
3. xx.xx.2024-cü il tarixdə İddiaçı Bakı Şəhəri Xətai Rayon Məhkəməsinə ərizə ilə müraciət edərək Bakı Şəhəri Xətai Rayon Məhkəməsinin icraatında olan 2(011)- 8179/2024 saylı mülki işin Bakı Şəhəri Səbail Rayon Məhkəməsinin icraatında olan 2(009)-2055/2024 saylı mülki işə birləşdirilməsini xahiş etmişdir.
Tətbiq edilən hüquq:
3. Mülki Prosessual Məcəllə: 43.2. bir-biri ilə əlaqəli olan işlərin bir icraatda birləşdirilməsi həm işdə iştirak edən şəxslərin vəsatəti, həm də məhkəmənin öz təşəbbüsü ilə həyata keçirilə bilər. 169.3. hakim həmin məhkəmənin icraatında eyni tərəflərin iştirak etdiyi eyni növlü bir neçə işin, yaxud bir iddiaçının müxtəlif cavabdehlərə, yaxud müxtəlif iddiaçıların eyni cavabdehə iddiaları üzrə bir neçə işin olduğunu müəyyən etdikdə, bu işlərin birləşdirilməsini məqsədə müvafiq hesab edərsə, onları birlikdə baxılmaq üçün bir icraatda birləşdirməyə haqlıdır.
Məhkəmənin mövqeyi:
4. Məhkəmə iş materiallarını araşdıraraq hesab edir ki, hazırkı mülki iş Bakı şəhəri Səbail Rayon Məhkəməsinin hakimi Şahin Abdullayevin icraatında olan iddiaçı Cavabdeh İddiaçı qarşı müqavilənin etibarsız hesab edilməsi tələbinə barədə 2(009)-2055/2024 saylı mülki işə birləşdirilməlidir.
5. Belə ki, iş materiallarından aydın olur ki, İddiaçı Cavabdeh qarşı mənzildən çıxarılma tələbinə dair iddia ərizəsi ilə Bakı şəhəri Xətai Rayon Məhkəməsinə müraciət etmiş və məhkəmənin xx.xx.2024-cü il tarixli qərardadı ilə həmin iddia ərizəsi hakim Samirə Eyvazovanın icraatına qəbul edilmişdir. İddiaçı Cavabdeh İddiaçı qarşı alğı-satqı müqaviləsinin etibarsız hesab edilməsi tələbinə dair iddia ərizəsi ilə Bakı Şəhəri Səbail Rayon Məhkəməsinə müraciət etmişdir. Qeyd edilən iddia ərizəsi isə məhkəmənin xx.xx.2024-cü il tarixli qərardadı ilə hakim Şahin Abdullayevin icraatına götürülmüşdür.
6. Məhkəmə hesab edir ki, hakim Şahin Abdullayevin icraatında olan 2(009)- 2055/2024 saylı mülki iş üzrə iddia tələbi 2(011)-8179/2024 saylı iş üzrə iddia tələbi ilə əlaqəli olduğundan, həmçinin gələcəkdə ziddiyyətli məhkəmə qərarlarının qəbul edilməsinin qarşısının alınması, ədalət mühakiməsinin düzgün və səmərəli həyata keçirilməsi üçün hazırki 2(011)-8179/2024 saylı mülki iş, Bakı Şəhəri Səbail Rayon Məhkəməsinin hakimi Şahin Abdullayevin icraatında olan 2(011)-2055/2024 saylı işə birləşdirilməlidir.
7. Şərh olunanlara əsasən, Azərbaycan Respublikası MPM-nin 169.3, 263-264-cü maddələrini rəhbər tutaraq, məhkəmə,
QƏRARA ALDİ:
1. İddiaçı Cavabdeh qarşı mənzildən çıxarılma tələbinə dair 2(011)-8179/2024 nömrəli mülki iş, iddiaçı Cavabdeh İddiaçı qarşı müqavilənin etibarsız hesab edilməsi tələbinə dair 2(011)-2055/2024 nömrəli mülki işlə bir icraatda birləşdirilsin.
2. Qərardaddan şikayət verilə bilməz.
Sədrlik edən Samirə Eyvazova