Azərbaycan Respublikası adından QƏRARDAD Xırdalan şəhəri İş № e-2(012)-471/2025 05.02.2025 ABŞERON RAYON MƏHKƏMƏSİ Hakim Əhmədov Habil Yunis oğlunun sədrliyi, Adıgözəlli Ülviyyə Aydın qızının katibliyi, İddiaçı vəkili və nümayəndəsi X1 iştirakı ilə, İddiaçı cavabdeh "xxxx" MMC-yə (müstəqil tələb irəli sürən üçüncü şəxs X2) qarşı evlərin təhvil verilməsi tələbinə dair iddia ərizəsi üzrə mülki işə açıq hazırlıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdeh "xxxx" MMC-yə (müstəqil tələb irəli sürən üçüncü şəxs X2) qarşı evlərin təhvil verilməsi tələbinə dair iddia ərizəsi ilə Abşeron rayon Məhkəməsinə müraciət edərək, xx.xx.2014-cü il tarixli, 104 nömrəli satış müqaviləsinə əsasən "xxxx" MMC-in Abşeron rayonu, Saray qəsəbəsi ünvanında “Villa Badam” şəhərciyində yerləşən, torpaq sahəsinin ölçüsü 933 kv.m olan ərazinin və bu ərazidə inşa olunmuş 338 kv.m olan A37 tipli, 062 nömrəli evin, xx.xx.2017-ci il tarixli, 110 nömrəli satış müqaviləsinə əsasən "xxxx" MMC-in Abşeron rayonu, Saray qəsəbəsi ünvanda “Villa Badam” şəhərciyində yerləşən, torpaq sahəsinin ölçüsü 1273 kv.m olan ərazinin və bu ərazidə inşa etdiyi 584 kv.m olan B58 tipli, 167 nömrəli evin cavabdeh tərəfindən ona təhvil verilməsi barədə qətanmə çıxarılmasını xahiş etmişdir. Daha sonra, İddiaçı Azərbaycan Respublikası Mülki Prosessual Məcəlləsinin (bundan sonra mətndə Mülki Prosessual Məcəllə adlanacaq) 53- cü maddəsinin tələblərinə əsasən, iddia tələbinin dəqiqləşdirilməsinə dair ərizə ilə məhkəməyə müraciət edərək, xx.xx.2014cü il tarixli, 104 nömrəli satış müqaviləsinə əsasən "xxxx" MMC-in Abşeron rayonu, Saray qəsəbəsi ünvanında “Villa Badam” şəhərciyində yerləşən, torpaq sahəsinin ölçüsü 933 kv.m olan ərazinin və bu ərazidə inşa olunmuş 338 kv.m olan A37 tipli, 062 nömrəli evin, xx.xx.2017-ci il tarixli, 110 nömrəli satış müqaviləsinə əsasən "xxxx" MMC-in Abşeron rayonu, Saray qəsəbəsi ünvanda “Villa Badam” şəhərciyində yerləşən, torpaq sahəsinin ölçüsü 1273 kv.m olan ərazinin və bu ərazidə inşa etdiyi 584 kv.m olan B58 tipli, 167 nömrəli evin, xx.xx.2010-cu il tarixli, 060 nömrəli satış müqaviləsinə əsasən "xxxx" MMC-in Abşeron rayonu, Saray qəsəbəsi ünvanda “Villa Badam” şəhərciyində yerləşən, torpaq sahəsinin ölçüsü 657 kv.m olan ərazinin və bu ərazidə inşa etdiyi 338 kv.m olan A71 tipli, 139 nömrəli evin cavabdeh tərəfindən ona təhvil verilməsi barədə qətnamə çıxarılmasını xahiş etmişdir. Hazırki iş üzrə İddiaçı vəkili və nümayəndəsi X3 ərizə ilə məhkəməyə müraciət edərək, iddia üzrə müəyyən sübutların əldə edilməsi və məhkəməyə təqdim edilıməsi ilə bağlı iddia ərizəsi və ona əlavə olunmuş sənədlərin iddiaçıya geri qaytarılmasını məhkəmədən xahiş etmişdir. Məhkəmə iclasında İddiaçı vəkili və nümayəndəsi X3 ərizəni müdafiə edərək, təmin edilməsini xahiş etmişdir. Məhkəmə iddiaçının vəkili və nümayəndəsini dinləyib, iddiaçının ərizəsini və mülki işin materiallarını nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, Azərbaycan Respublikası Mülki Prosessual Məcəlləsinin (bundan sonra mətndə Mülki Prosessual Məcəllə adlanacaq) 170.1. maddəsinə əsasən, işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Məhkəmə eyni zamanda, qeyd edir ki, Mülki Prosessual Məcəllənin:
107. maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. 114.2. maddəsinə əsasən, bu Məcəllənin 114.1.1-ci maddəsində nəzərdə tutulmuş hallarda dövlət rüsumunun artıq ödənilmiş hissəsi geri qaytarılır. Dövlət rüsumu Azərbaycan Respublikasının qanunları ilə nəzərdə tutulmuş digər hallarda da geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən, ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə - dövlət rüsumu geri qaytarılır. Mülki Prosessual Məcəllənin 119.1. maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə qeyd edir ki, hazırki mülki işin geri qaytarılması barədə ərizə daxil olduğundan ödənilmiş dövlət rüsumu geri qaytarılmalıdır. Yuxarıda göstərilənlərə əsasən və Mülki Prosessual Məcəllənin 170.1, 263, 264 və 268-ci maddələrini rəhbər tutaraq, məhkəmə
QƏRARA ALDİ: Ərizə təmin edilsin. İddiaçı cavabdeh "xxxx" MMC-yə (müstəqil tələb irəli sürən üçüncü şəxs X2) qarşı evlərin təhvil verilməsi tələbinə dair iddia ərizəsi və ona əlavə olunmuş sənədlər iddiaçılara geri qaytarılsın. İddiaçı tərəfindən xx.xx.2024-cü il tarixdə, **********31 saylı qəbz əsasında ödənilmiş 100 (yüz) manat məbləğində dövlət rüsumu iddiaçıya geri qaytarılsın. Qərardaddan rəsmi qaydada verildikdən sonra 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsilə) Abşeron Rayon Məhkəməsinə şikayət verilə bilər.
Hakim: Habil Əhmədov