Göyçay Rayon Məhkəməsi Qətnamə — İş №e-2(046)-1670/2023

Azərbaycan Respublikası adından QƏTNAMƏ Göyçay rayonu İş № e-2(046)-1670/2023 27.10.2023 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, İddiaçı MMC-nin nümayəndəsi Nümayəndə2 və Cavabdeh iştirakı ilə, İddiaçı MMC-nin Cavabdeh qarşı ziyan tələbinə dair mülki işə Göyçay şəhərində açıq məhkəmə iclasında baxaraq, məhkəmə MÜƏYYƏN ETDI: İddiaçı MMC iddia ərizəsi ilə məhkəməyə müraciət edərək Cavabdeh 3440.74 manat dəymiş ziyanın və 50 manat mediasiya xərcinin və 4.41 manat dövlət rüsumunun alınaraq iddiaçının hesabına ödənilməsi barədə qətnamə qəbul edilməsini xahiş etmişdir. İş üzrə İddiaçı MMC-nin nümayəndəsi Nümayəndə2 iddianı müdafiə edərək tələbini belə əsaslandırmışdır ki, Cavabdeh 14 dekabr 2021-ci il tarixindən İddiaçı MMC-də satış nümayəndəsi vəzifəsində çalışmışdır. xx.xx.2022-xx.xx.2022-ci il tarixlərində cavabdehin fəaliyyəti yoxlanılarkən, müəssisəyə məxsus məhsulların satışı nəticəsində əldə olunmuş3440,74 (üç min dörd yüz qırx manat yetmiş dörd qəpik) manat pul vəsaitini müəssisənin kassasına ödəməyərək mənimsədiyi və şəxsi ehtiyaclarına xərclədiyi aşkar olunmuşdur. Lakin cavabdeh İddiaçı MMC-yə vurduğu 3440,74 (üç min dörd yüz qırx manat yetmiş dörd qəpik) manat məbləğində zərərin əvəzini bu günədək ödəməmişdir. Buna görə də tələbinin təmin edilməsin xahiş etmişdir. İş üzrə Cavabdeh iddia ərizəsinə etiraz edərək göstərmişdir ki, 16 dekabr 2021-ci il tarixdə İddiaçı MMC-yə merçendayzer vəzifəsinə qəbul edilmiş, 16 may 2022-ci il tarixdən satış nümayəndəsi (ekspeditor) vəzifəsinə təyin edilmişdir. 2022-ci ilin avqust ayında işdən çıxmaq barədə işəgötürənə ərizə verdikdən sonra avqust ayının 8-dən 11-nə kimi mal payladığı ticarət obyektlərinə iddiaçı müəssisənin işçiləri ilə birlikdə gedərək borc qalıqlarını yoxlamış və bundan sonra saxlama müddəti başa çatmış ərzaq məhsullarını ticarət obyektlərindən geri alıb iddiaçının Göyçay filialının müdiri Anara faktura ilə təhvil vermişdir. Həmin vaxt iddiaçının əməkdaşları Sahib Hüseynov və Bəxtiyar Həmidov da təhvil-təslimdə iştirak etmişlər. Hesablanmış əskik malın dəyəri olan 300 manat pulu avqust ayının sonunda iddiaçıya ödəmiş və filial müdiri artıq müəssisə ilə heç bir probleminin olmadığını bildirmişdir. 14 sentyabr 2022-ci il tarixdə iddiaçı ilə bağlanmış əmək müqaviləsinə xitam verilmiş və son haqq hesab əmək haqqına köçürülməklə ödənilmişdir.Buna görə də iddianın rədd edilməsini xahiş etmişdir. İş üzrə tərəfləri dinləyən, tədqiq edilmiş sübutlara hüquqi qiymət verən məhkəmə hesab edir ki, iddia təmin edilməlidir. Məhkəmə təqdim edilmiş Əmək müqaviləsinin bağlanması ilə bağlı əmək müqaviləsi bildirişindən görünür ki, Avrora MMC ilə Cavabdeh arasında xx.xx.2021-ci il tarixdə müqavilə bağlanmışdır. Cavabdeh satış nümayəndəsi vəzifəsinə təyin edilmişdir. Məhkəməyə təqdim edilmiş “X1” haqqında müqavilədən görünür ki, Cavabdeh tam maddi məsul şəxsdir. Məhkəməyə təqdim edilmiş aktdan görünür ki, xx.xx.2022-ci il tarixdən xx.xx.2022ci il tarixədək Cavabdeh işlədiyi müddət ərzində müştərilərə payladığı malların təhviltəslimi edilmişdir. Akt Cavabdeh tərəfindən imzalanmışdır. Məhkəməyə təqdim edilmiş xx.xx.2023-cü il tarixli mediasiya arayışından görünür ki, Avrora MMC tərəfindən 50 manat mediasiya xərci ödənilmişdir. Məhkəmə baxışı zamanı müəyyən edilmişdir ki, Cavabdeh İddiaçı MMC şirkətində satış nümayəndəsi vəzifəsinə işə qəbul olunmuş, tam maddi məsul şəxs kimi İddiaçı MMC-yə məxsus 3440.74 manat məbləğində malların dəyərini MMC-nin kassasına ödəməmişdir. Buna görə də məhkəmə hesab edir ki, İddiaçı MMC şirkəti ona dəymiş maddi zərərin əvəzi kimi ümumilikdə 3440.74 manat məbləğində pulu Cavabdeh tələb etməkdə haqlıdır. Azərbaycan Respublikasının Əmək Məcəlləsinin 199-cu maddəsinə əsasən işçi qanunazidd hərəkətləri ilə aşağıdakı hallarda vurduğu ziyana görə tam həcmdə maddi məsuliyyət daşıyır: a) saxlanmaq və başqa məqsədlər üçün işçiyə verilmiş əmlakın və digər sərvətlərin salamatlığını təmin etməməyə görə əmək müqaviləsi bağlanarkən, habelə əmək münasibətləri prosesində əmək funksiyasının xarakteri ilə əlaqədar olaraq işçinin öz üzərinə X1 götürməsi haqqında işəgötürənlə yazılı müqavilə bağlandıqda; b) işçi əmlakı və digər sərvətləri birdəfəlik etibarnamə və ya digər birdəfəlik hüquqmüəyyənedici sənədlər əsasında işəgötürənə, yaxud onun nümayəndəsinə hesabat vermək şərti ilə qəbul etdikdə; Azərbaycan Respublikası Mülki Məcəlləsinin 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Azərbaycan Respublikası Mülki Məcəlləsinin 21.1.-ci maddəsinə əsasən zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Həmin Məcəllənin 21.2-ci maddəsinə əsasən zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. Həmin Məcəllənin 21.3.-ci maddəsinə əsasən zərərin əvəzinin ödənilməsi ilə bağlı tələbin həcminin müəyyənləşdirilməsi zamanı zərərçəkənin, onun işçisinin və qanunvericiliklə nəzərdə tutulmuş hallarda üçüncü şəxslərin davranışının zərərin yaranmasına və artmasına hansı həcmdə şərait yaratması nəzərə alınmalıdır. Həmin Məcəllənin 1097.1-ci maddəsinə əsasən mülki hüquq pozuntusu nəticəsində fiziki şəxsin əmlakına vurulmuş zərərin əvəzi zərər vuran tərəfindən tam həcmdə ödənilməlidir. Azərbaycan Respublikasının MPM-nın 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Belə olan halda, mediasiya xərci olan 50 manat və dövlət rüsumu kimi ödənilmiş 4.41 manat cavabdehdən tutularaq iddiaçıya ödənilməlidir. Sadalananlara əsasən məhkəmə hesab edir ki, iddia təmin edilməli, Cavabdeh maddi ziyanın əvəzi kimi 3440.74 manat, ödənilmiş 50 manat mediasiya xərci və 4.41 manat dövlət rüsumu alınaraq İddiaçı MMC-nə verilməlidir. Şərh olunanlara əsasən və Azərbaycan Respublikası MPM-nin 216-220, 227, 357 və 360-cı maddələrini rəhbər tutaraq, məhkəmə QƏTETDİ: İddia təmin edilsin. Cavabdeh maddi ziyanın əvəzi kimi maddi ziyanın əvəzi kimi 3440.74 manat, ödənilmiş 50 manat mediasiya xərci və 4.41 manat dövlət rüsumu alınaraq İddiaçı MMCnə verilsin. Qətnamənin icrası Göyçay rayon İcra və Probasiya Şöbəsinə həvalə edilsin. Qətnamədən rəsmi qaydada verildiyi gündən bir ay müddətinə Göyçay Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti vermək olar. Hakim İbrahim Fəttahov