Masallı Rayon Məhkəməsi Qərardad — İş №e-2(050)-506/2025

Azərbaycan Respublikası adından QƏRARDAD Masallı rayonu İş № e-2(050)-506/2025 17.03.2025 MASALLI RAYON MƏHKƏMƏSİ Hakim Hüseynov Elşən Təbrizoviçin sədrliyi, Məhkəmə iclas katibi Rzayev Təbriz Əliniyaz oğlunun katibliyi ilə İddiaçı Cavabdeh qarşı “zaminlik müqaviləsi üzrə ödənilmiş pulun qaytarılması” tələbinə dair mülki işə audio və video çəkiliş vasitəsi ilə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı iddia ərizəsi ilə məhkəməyə müraciət edərək 30 dekabr 2019-cu il tarixli, 124-F saylı zaminlik müqaviləsi üzrə zamin İddiaçı MTK tərəfindən cavabdehin əvəzinə ödənilmiş 56161,25 (əlli altı min yüz altmış bir manat iyiymi beş qəpik) manat məbləğində əsas borcun, həmin məbləğin 7% icra ödənişi olan 3932 (üç min doquz yüz otuz iki) manat pulun və 270,28 (iki yüz yetmiş manat iyirmi səkkiz qəpik) dövlət rüsumu olmaqla ümumilikdə 60363,53 (altmış min üç yüz altmış üç manat əlli üç qəpik) manat məbləğində pulun Cavabdeh tutulub İddiaçı MTK-ya ödənilməsi haqqında qətnamə çıxarılmasını xahiş etmişdir. Sonra İddiaçı Azərbaycan Respublikası Mülki Prosessual Məcəlləsinin 53-cü maddəsinə iddia tələbinin həcminin azaldılması barədə ərizə ilə məhkəməyə müraciət edərək 30 dekabr 2019-cu il tarixli, 124-F saylı zaminlik müqaviləsi üzrə zamin İddiaçı MТК tərəfindən cavabdehin əvəzinə ödənilmiş 16161,25 (on altı min yüz altmış bir manat iyirmi beş qəpik) manat məbləğində əsas borcun, ilkin əsas borca görə 7% icra ödənişi olan 3932 (üç min doquz yüz otuz iki) manat pulun və 270,28 (iki yüz yetmiş manat iyirmi səkkiz qəpik) dövlət rüsumu olmaqla ümumilikdə 20363,53 (iyirmi min üç yüz altmış üç manat əlli üç qəpik) manat məbləğində pulun Cavabdeh tutulub "xxxx" MTK-ya ödənilməsi haqqında qətnamə çıxarılmasını xahiş etmişdir. Tərəflər məhkəmə baxışı iclasının vaxtı və yeri barədə lazımı qaydada xəbərdar edilməklə məhkəmə iclasına çağırılmışlar, lakin onlar məhkəmə baxışı iclasına gəlməmiş və işə onların iştirakları olmadan baxılmasını xahiş etməmişlər. Ona görə də, məhkəmə hesab edir ki, hazırki iş üzrə iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 185.4-cü maddəsinə əsasən tərəflər və yaxud iddiaçı məhkəmə baxışının vaxtı və yeri haqqında lazımi qaydada xəbərdar edilib, lakin onlar məhkəmə iclasına təkrar gəlmədikdə məhkəmə həmin işə baxmağa haqlıdır. Belə hallarda bu Məcəllənin müvafiq olaraq 259.0.6-cı və 259.0.7-ci maddələri tətbiq edilir. Həmin Məcəllənin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə iddia ərizəsi baxılmamış saxlanılır. Eyni zamanda tərəflərə izah olunur ki, Azərbaycan Respublikası MPM-nin 260.5-ci maddəsinə əsasən məhkəmə iclasında iştirak etməmələrinin və bu haqda məhkəməyə məlumat verməmənin üzürlü səbəblərdən baş verməsi haqqında sübutlar təqdim etdikdəhakim ərizənin baxılmamış saxlanması barədə qərardadı ləğv edir. İş materiallarından görünür ki, İddiaçı hazırkı iş üzrə iddia ərizəsi ilə məhkəməyə müraciət edərkən 271 manat məbləğində dövlət rüsumu ödəmişdir ("xxxx" MMC, qəbz nömrəsi **********, Tarix: xx.xx.2024, saat 12:59:51). Azərbaycan Respublikası Mülki Prosessual Məcəlləsinin 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılır. Həmin Məcəllənin 114.2-ci maddəsinə əsasən dövlət rüsumu Azərbaycan Respublikasının qanunları ilə nəzərdə tutulmuş digər hallarda da, geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət rüsumu dövlət büdcəsindən qismən və ya tamamilə qaytarılır. Hesab edirəm ki, iş üzrə İddiaçı tərəfindən ödənilmiş 270,28 manat məbləğində dövlət rüsumu dövlət büdcəsindən qaytarılmalıdır. Qeyd olunanlara əsaslanaraq və Azərbaycan Respublikası Mülki-Prosessual Məcəlləsinin 259, 263 və 264-cü maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “zaminlik müqaviləsi üzrə ödənilmiş pulun qaytarılması” tələbinə dair iddia ərizəsi baxılmamış saxlanılsın. İddiaçı tərəfindən ödənilmiş 270,28 (iki yüz yetmiş manat iyirmi səkkiz qəpik) manat məbləğində dövlət rüsumu ("xxxx" MMC, qəbz nömrəsi **********, Tarix: xx.xx.2024, saat 12:59:51) dövlət büdcəsindən qaytarılsın. Qərardaddan rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Masallı Rayon Məhkəməsinə şikayət verilə bilər. Sədrlik edən: Elşən Hüseynov