Salyan Rayon Məhkəməsi Qərardad — İş №e-2(057)-1909/2025

Azərbaycan Respublikası adından QƏRARDAD Salyan rayon İş № e-2(057)-1909/2025 30.05.2025 SALYAN RAYON MƏHKƏMƏSİ Salyan Rayon Məhkəməsinin hakimi Məmmədli Ənnağı Əbdül oğlu, İddiaçı X1 Cavabdeh qarşı “pul” tələbinə dair ərizəsini və ona əlavə edilmiş sənədləri nəzərdən keçirərək, MÜƏYYƏNETDİM: İddiaçı X1 etibarnamə üzrə nümayəndəsi İddiaçı iddia ərizəsi ilə məhkəməyə müraciət edərək, o, tərəfindən ödənilmiş 3000 manat pulun və məhkəməyə ödədiyi 50 manat dövlət rüsumunun Cavabdeh alınaraq X2 ödənilməsi barədə qətnamə qət edilməsini xahiş etmişdir. İş materiallarını nəzərdən keçirərək hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Belə ki, “pul” tələbinə dair iddia ərizəsi X1 etibarnamə üzrə nümayəndəsi İddiaçı tərəfindən imzalanmışdır. İddia ərizəsi və ona əlavə edilmiş sənədlərdə iddia ərizəsini imzalayan İddiaçı vəkil, yaxud iddiaçı X4 ilə yaxın qohum olması müəyyən olunmur. Doğrudur iddia ərizəsinə xx.xx.2024-cü il tarixli etibarnamə əlavə olunsa da vəkil orderi və ya qohumluğu (X5 və.s) təsdiq edən sənəd əlavə edilməmişdir. Həmçinin iddia ərizəsində iddiaçı X4 Cavabdeh 3000 manat məbləğində pul tələb etsə də, bu barədə hər hansı sübut iddia ərizəsinə əlavə edilməmişdir. Bundan başqa elektron qaydada tərtib edilmiş iddia ərizəsinin giriş hissəsində iddiaçı qrafasında İddiaçı olaraq qeyd olunmuşdur. Azərbaycan Respublikası Mülki Prosessual Məcəlləsinin (bundan sonra - MPM) 69.1- 1-ci maddəsinə əsasən, fiziki şəxsin nümayəndəsi onun yaxın qohumu və ya vəkil (bu Məcəllənin 71-ci maddəsində nəzərdə tutulan şəxslər istisna olmaqla) ola bilər. Nümayəndənin məhkəmədə iş aparmaq səlahiyyəti lazımi qaydada rəsmiləşdirilməlidir. MPM-in 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. MPM-in 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalanmadıqda hakim iddia ərizəsini və ona əlavə edilmiş sənədləri geri qaytarır. MPM-in 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, hesab edir ki, iddia ərizəsi MPM-in tələblərinə riayət edilməklə məhkəməyə verilmədiyindən, ərizənin icraata qəbul olunaraq baxılması mümkün deyildir. Odur ki, iddia ərizəsi geri qaytarılmalıdır. MPM-in 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılırsa ödənilmiş dövlət rüsumu qaytarılır. Ona görə də, məhkəmə hesab edir ki, ********** nömrəli, xx.xx.2025-ci il tarixli mədaxil qəbzinə əsasən dövlət rüsumu kimi ödənilmiş 50 manat pul X3 İdarəsi tərəfindən X2 qaytarılmalıdır. Qeyd olunanlara əsasən və MPM-in 114, 152, 263, 264, 268 və 269-cu maddələrini rəhbər tutaraq, Q Ə R A R A A L D İ: İddiaçı X1 Cavabdeh qarşı “pul” tələbinə dair ərizəsi və ona əlavə edilmiş sənədlər geri qaytarılsın. ********** nömrəli, xx.xx.2025-ci il tarixli mədaxil qəbzinə əsasən dövlət rüsumu kimi ödənilmiş 50 manat məbləğində pul X3 İdarəsi tərəfindən X2 qaytarılsın. X2 qərardadın təsviri hissəsində göstərilən çatışmazlıq aradan qaldırıldıqdan sonra məhkəməyə ikinci dəfə müraciət etmək hüququnun olması izah olunsun. Qərardaddan işdə iştirak edən şəxslərin “Elektron məhkəmə” informasiya sistemində yaradılan elektron kabinetinə yerləşdirildiyi tarixdən (elektron kabinet olmadığı təqdirdə poçt vasitəsilə çatdırıldığı tarixdən) 10 (on) gün müddətində elektron kabinet istifadə edilməklə Salyan Rayon Məhkəməsinə şikayət verilə bilər. Hakim: Ənnağı Məmmədli