Tovuz Rayon Məhkəməsi Qərardad — İş №e-2(062)-2404/2024

Azərbaycan Respublikası adından QƏRARDAD Tovuz rayon İş № e-2(062)-2404/2024 20.09.2024 TOVUZ RAYON MƏHKƏMƏSİ Hakim Baxşıyev Qafil Yavər oğlunun sədrliyi Cavadova Kəklik Mirəziz qızının katibliyi İddiaçı ASC-nin Cavabdeh qarşı “mənzildən istifadə hüququna xitam verilməsi, mənzilin boşaldılması və Turanbank ASC-yə təhvil verilməsi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı ASC Cavabdeh qarşı “mənzildən istifadə hüququna xitam verilməsi, mənzilin boşaldılması və Turanbank ASC-yə təhvil verilməsi” tələbinə dair ərizə ilə Tovuz Rayon Məhkəməsinə müraciət edərək, mənzildən istifadə hüququna xitam verilməsi, mənzilin boşaldılması və Turanbank ASC-yə təhvil verilməsi barədə qətnamə qəbul edilməsini xahiş etmişdir. Məhkəmə iclası 20 sentyabr 2024-cü il tarixə təyin olunmuş və bu barədə tərəflərə rəsmi məhkəmə bildirişi göndərilmişdir. İddiaçı iddia ərizəsinə cavabdehlərin adlarını elektron sistemdə proses iştirakçılarına əlavə etməmişdir. İddia ərizəsi elektron qaydada verildiyindən proses iştirakçıları iddiaçı tərəfindən daxil edilməlidir. Ona görə də iddiaçı iddia ərizəsinin natamamlığı barədə məlumatlandırılmışdır. İddiaçıya ərizədə olan nöqsanın aradan qaldırılması tövsiyə olunmuşdur. Məhkəmə iddiaçıya göstərilən nöqsanın aradan qaldırılması üçün vaxt versə də, iddiaçı həmin vaxtda nöqsanı aradan qaldırmamışdır. Odur ki, məhkəmə belə hesab edir ki, ərizə baxılmamış saxlanılmalıdır. Məhkəmə ərizəni və ona əlavə edilmiş sənədləri araşdıraraq hesab edir ki, iddia baxılmamış saxlanılmalıdır. Belə ki, Azərbaycan Respublikası MPM-nin 259.0.12-ci maddəsinə görə ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.0.1—150.0.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə ərizəni baxılmamış saxlayır. Azərbaycan Respublikası MPM-nin 260.4-cü maddəsinə əsasən, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Həmin Məcəllənin 114.1.5-ci maddəsinə əsasən, ödənilmiş dövlət rüsumu bu Məcəllə ilə nəzərdə tutulmuş əsaslarla ərizə baxılmamış saxlanılarsa qaytarılır. Məhkəmə hesab edir ki, ödənilmiş dövlət rüsumu qaytarılmalıdır. Yuxarıda qeyd olunanlara əsasən və Azərbaycan Respublikası MPM-nin 263-269-cu maddələrini rəhbər tutaraq, məhkəmə QƏRARA ALDİ: İddiaçı ASC-nin Cavabdeh qarşı “mənzildən istifadə hüququna xitam verilməsi, mənzilin boşaldılması və Turanbank ASC-yə təhvil verilməsi” tələbinə dair ərizəsi baxılmamış saxlanılsın. Ödənilmiş dövlət rüsumu İddiaçı ASC-yə geri qaytarılsın. Qərardaddan rəsmi təqdim edildiyi gündən 10 (on) gün müddətində Tovuz Rayon Məhkəməsinə şikayət verilə bilər. Sədrlik edən Qafil Baxşıyev