Füzuli Rayon Məhkəməsi Qərardad — İş №e-2(064)-984/2025

Azərbaycan Respublikası adından QƏRARDAD Füzuli rayonu İş № e-2(064)-984/2025 08.05.2025 FÜZULİ RAYON MƏHKƏMƏSİ Hakim İsmayılov Elmir Akif oğlunun sədrliyi, Hüseynzadə Fərid Səid oğlunun katibliyi ilə, İddiaçı işdirakı ilə İddiaçı cavabdeh "xxxx" ASC-yə qarşı verdiyi əmək müqaviləsinin qanunsuz ləğv olunması qərarının etibarsız hesab olunması və məcburi proqula görə əmək haqqı tələbinə dair iddia ərizəsi və ona əlavə olunmuş sənədlərə Füzuli Rayon Məhkəməsinin inzibati binasında baxaraq M Ü Ə Y Y Ə N E T D İ: İddiaçı cavabdeh "xxxx" ASC-yə qarşı iddia ərizəsi ilə məhkəməyə müraciət edərək Cavabdeh tərəfindən İddiaçının işə bərpa edilməsi və məcburi proqula görə əmək haqqının ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsinin həmin Məcəllənin tələblərinə riayət edilməklə verilməsi yoxlanılmalıdır. İddia ərizəsini və ona əlavə edilmiş sənədləri nəzərdən keçirərək Məhkəmə hesab edir ki, ərizə və ona əlavə edilmiş sənədlər aidiyyəti üzrə Bakı Şəhəri Yasamal Rayon Məhkəməsinə göndərilməlidir. Belə ki, İddiaçı xx.xx.2025-ci il tarixli vəsatətlə məhkəmə müraciət edərək bildirmişdir ki, Cavabdeh təşkilat hazırda Bakı şəhəri Yasamal rayonunda yerləşir. Odur ki, İddiaçı iddia ərizəsi və ona əlavə edilmiş sənədlərin ərazi aidiyyəti üzrə baxılması üçün Bakı Şəhəri Yasamal Rayon Məhkəməsinə göndərilməsini xahiş etmişdir. Azərbaycan Respublikası Mülki Prosessual Məcəllənin 40.2-ci maddəsinə müvafiq olaraq, tərəflər öz aralarındakı saziş ilə işin ərazi aidiyyətini dəyişdirə bilərlər. Saziş yazılı şəkildə ifadə olunmalıdır. Mülki Prosessual Məcəllənin 40.3-cü maddəsinə müvafiq olaraq, saziş tərəflər arasında gələcəkdə baş verə biləcək konkret mübahisə ilə bağlı əvvəlcədən, habelə məhkəmənin icraatında olan müəyyən məhkəmə işi ilə bağlı həmin iş üzrə məhkəmənin hazırlıq iclası keçirilənədək bağlana bilər. Mülki Prosessual Məcəllənin 44.2.2-ci maddəsinə görə iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olunarsa məhkəmə işi başqa məhkəmədə baxılmağa verir. Beləliklə yuxarıda qeyd olunanları nəzərə alaraq Məhkəmə hesab edir ki, mülki iş materialları aidiyyəti üzrə Bakı Şəhəri Yasamal Rayon Məhkəməsinə göndərilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 40.2, 40.3, 44.2.2, 263 və 264-cü maddələrini rəhbər tutaraq Q Ə R A R A A L D İ: İddiaçı cavabdeh "xxxx" ASC-yə qarşı verdiyi əmək müqaviləsinin qanunsuz ləğv olunması qərarının etibarsız hesab olunması və məcburi proqula görə əmək haqqı tələbinə dair mülki iş materialları aidiyyəti üzrə Bakı Şəhəri Yasamal Rayon Məhkəməsinə göndərilsin. Qərardaddan rəsmi qaydada verildikdən sonra 10 (on) gün müddətində Füzuli Rayon Məhkəməsinə şikayət verilə bilər. Hakim Elmir İsmayılov