Gəncə Kommersiya Məhkəməsi Qərardad — İş №e-2-2(115)-2220/2022

Azərbaycan Respublikası adından QƏRARDAD Gəncə şəhəri İş № e-2-2(115)-2220/2022 06.10.2022 GƏNCƏ KOMMERSİYA MƏHKƏMƏSİ Gəncə Kommersiya Məhkəməsinin hakimi Vəliyev Kənan Hafiz oğlu, iddiaçı Azərbaycan Respublikası Göygöl rayonu Çaykənd Bələdiyyəsinin Cavabdeh qarşı zəbt edilmiş torpaq sahəsindən çıxarılma, torpaq sahəsində tikilmiş tikililərin, torpaq sahəsinin ətrafına dəmir tor ilə çəkilmiş çəpərin cavabdehin hesabına sökülərək torpaq sahəsinin əvvəlki vəziyyətə qaytarılması və maneənin aradan qaldırılması tələbinə dair ərizəsini və ona əlavə olunmuş sənədləri nəzərdən keçirib, MÜƏYYƏNETDİM: İddiaçı Azərbaycan Respublikası Göygöl rayonu Çaykənd Bələdiyyəsinin Cavabdeh qarşı iddia ərizəsi ilə Gəncə Kommersiya məhkəməsinə müraciət edərək, Cavabdeh zəbt etdiyi Göygöl rayonu Çaykənd Bələdiyyəsinin mülkiyyətində olan Göygöl rayonu Çaykənd ərazisində yerləşən 2452,77 hektar torpaq sahəsindən çıxarılması, cavabdehin hesabına torpaq sahəsində tikilmiş müxtəlif təyintlı tikililərin və ətrafına tor setka ilə çəkilmiş çəpərin sökülməsi, torpaq sahəsinin əvvəlki vəziyyətə qaytarılması və maneənin aradan qaldırılması barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddia ərizəsi ona əlavə olunmuş sənədlərlə birlikdə geri qaytarılmalıdır. Belə ki, iddia ərizəsinin surətinin Cavabdeh tərəfindən alınmasını təsdiq edən sənəd təqdim edilməmişdir. Azərbaycan Respublikası Mülki-Prosessual Məcəllənin 150.0.4-cü maddəsinin tələblərinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin surətinin və ona əlavə edilmiş sənədlərin alınması haqqında sənəd, iddia ərizəsinə əlavə edilməlidir. 152.1.4-ci maddəsinin tələblərinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə hakim iddia ərizəsini və ona əlavə olunmuş sənədləri geri qaytarır. Həmin Məcəllənin 10-1.3-cü maddəsinə əsasən kommersiya mübahisələri üzrə məhkəmə icraatı, habelə “Elektron məhkəmə” informasiya sisteminin tətbiq olunduğu məhkəmələrdə mülki işlər üzrə məhkəmə icraatı, o cümlədən ərizə, şikayət və digər sənədlərin göndərilməsi, qəbulu, habelə məhkəmə sənədlərinin məhkəməyə və proses iştirakçılarına çatdırılması “Elektron məhkəmə” informasiya sistemində yaradılan elektron kabinet vasitəsilə həyata keçirilir. İddiaçıya izah olunur ki, göstərilən nöqsanlar aradan qaldırıldıqdan sonra yenidən məhkəməyə müraciət edə bilər. Şərh olunanlara əsasən və Azərbaycan Respublikası MPM-nin 150.0.4, 152, 263- 264, 268-ci maddələrini rəhbər tutaraq, QƏRARAALDİM: İddiaçı Azərbaycan Respublikası Göygöl rayonu Çaykənd Bələdiyyəsinin Cavabdeh qarşı zəbt edilmiş torpaq sahəsindən çıxarılma, torpaq sahəsində tikilmiş tikililərin, torpaq sahəsinin ətrafına dəmir tor ilə çəkilmiş çəpərin cavabdehin hesabına sökülərək torpaq sahəsinin əvvəlki vəziyyətə qaytarılması və maneənin aradan qaldırılması tələbinə dair iddia ərizəsi və ona əlavə olunmuş sənədlər geri qaytarılsın. Qərardaddan rəsmi qaydada təqdim olunduğu gündən 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Gəncə Kommersiya Məhkəməsinə şikayət verilə bilər. Hakim Kənan Vəliyev