Bakı Şəhəri Binəqədi Rayon Məhkəməsi Qərardad — İş №2(001)-2519/2022

Azərbaycan Respublikası adından QƏRARDAD Bakı şəhəri İş № 2(001)-2519/2022 21.04.2022 BAKI ŞƏHƏRİ BİNƏQƏDİ RAYON MƏHKƏMƏSİ Hakim Əliyev İlkin Əli oğlunun sədrliyi, Sadıqov Nurlan Ədalət oğlunun katibliyi, Ərizəçi iştirakı ilə, Ərizəçi (maraqlı şəxs qismində Maraqlı şəxs cəlb edilməklə) ölümün qeyd edilməsi faktı tələbinə dair ərizəsi üzrə mülki işə məhkəmənin binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi ərizə ilə məhkəməyə müraciət edərək, 27 dekabr 1982-ci ildə Ermənistan Respublikası Krasnoselo rayonunda anadan olmuş X1 ev şəraitində ölməsi faktının müəyyən edilməsi barədə qətnamə qəbul edilməsini xahiş etmişdir. Məhkəmə iclasında iştirak edən Ərizəçi məhkəməyə ərizə təqdim edərək, X1 ölməsi faktının müəyyən edilməsinə dair ərizənin geri qaytarılmasını xahiş etmişdir. Bundan başqa o bildirmişdir ki, mərhum X2 ilə olan nikahları onun ölümündən əvvəl pozulmuşdur. İddia ərizəsinin yazılmasına yardım edən vəkil onun belə iddia ilə müraciət etmək hüququnun olmaması barədə ona məlumat verməmişdir. Maraqlı şəxs xx.xx.2022-ci il tarixdə məhkəməyə ərizə ilə müraciət edərək, Ərizəçi ölüm faktının müəyyən edilməsi tələbinə dair iş üzrə ərizəçinin ərizəsinə etiraz etmədiklərini və işin məhkəmənin mülahizəsinə buraxıldığını bildirmişlər. Məhkəmə ərizəni və mülki iş materiallarını nəzərdən keçirərək hesab edir ki, aşağıdakılara əsasən ərizə geri qaytarılmalıdır. Azərbaycan Respublikası Mülki-Prosessual Məcəlləsinin: 114.1.3-cü maddəsinə əsasən bu məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu geri qaytarılır. 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6— 261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.2-ci maddəsinə əsasən işin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. 170.3-cü maddəsinə əsasən bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Bu baxımdan məhkəmə hesab edir ki, ərizəçi tərəfindən iddia ərizəsinin qaytarılması barədə ərizə məhkəmənin hazırlıq iclasında verildiyindən ərizə ona əlavə olunmuş sənədlərlə birlikdə ərizəçiyə qaytarılmalıdır. Şərh olunanlara əsaslanaraq və Azərbaycan Respublikası MPM-nin 170, 263-264cü, 267-268-ci maddələrini rəhbər tutaraq,məhkəmə QƏRARA ALDİ: Ərizəçi (maraqlı şəxs qismində Maraqlı şəxs cəlb edilməklə) ölümün qeyd edilməsi faktı tələbinə dair ərizəsi ona əlavə olunmuş sənədlərlə birlikdə iddiaçıya geri qaytarılsın. Qərardaddan 10 (on) gün müddətində Bakı şəhəri Binəqədi Rayon Məhkəməsinə şikayət verilə bilər. Hakim İlkin Əliyev