Bakı Şəhəri Binəqədi Rayon Məhkəməsi Qərardad — İş №2(001)-4806/2021

Azərbaycan Respublikası adından QƏRARDAD Bakı şəhəri İş № 2(001)-4806/2021 27.05.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Abbasova Günel Məhərrəm qızı, Ərizəçi iddia ərizəsini Bakı şəhəri Binəqədi Rayon Məhkəməsinin binasında nəzərdən keçirərək, M Ü Ə Y Y Ə N E T D İ M: Ərizəçi iddia ərizə ilə Bakı şəhəri Binəqədi Rayon Məhkəməsinə müraciət edərək, atası X1 ölüm faktının müəyyən edilməsi barədə qətnamə qəbul edilməsini xahiş etmişdir. Azərbaycan Respublikası MPM-nin 151.1-ci maddəsinə əsasən iddia ərizəsinin həmin Məcəllənin tələblərinə riayət edilməklə verilməsi yoxlanılmalıdır. Ərizəni və ona əlavə edilmiş sənədləri nəzərdən keçirərək hesab edirəm ki, ərizə və ona əlavə edilmiş sənədlər geri qaytarılmalıdır. Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə geri qaytarılır. Həmin Məcəllənin 149.2.2-ci maddəsinə əsasən işdə iştirak edən şəxslərin adları, onların poçt ünvanları dəqiq göstərilməlidir. Ərizədən aydın olur ki, Ərizəçi məhkəməyə müraciət edərkən, iş materiallarına maraqlı şəxsin adı və hüquqi ünvanını qeyd etməmiş, həmçinin X1 adına ölüm haqqında tibbi şəhadətnamənin verilməsindən imtina edilməsinə və müvafiq qeydiyyat şöbəsindən ölüm haqqında şəhadətnamənin verilməsindən imtina edilməsinə dair heç bir sənəd əlavə etməmişdir. Beləliklə, məhkəmə hesab edir ki, Ərizəçi maraqlı şəxsin adı və hüquqi ünvanını qeyd etmədiyindən, həmçinin X1 adına ölüm haqqında tibbi şəhadətnamənin və müvafiq qeydiyyat şöbəsindən ölüm haqqında şəhadətnamənin verilməsindən imtina edilməsinə dair heç bir sənəd əlavə edilmədiyindən, ərizə və ona əlavə edilmiş sənədlər geri qaytarılmalı, ərizəçiyə Azərbaycan Respublikası MPM-nin 152.4-cü maddəsinin tələbləri izah olunmalıdır. Şərh olunanlara əsaslanaraq və Azərbaycan Respublikası MPM-nin 263-cü və 264-cü maddələrini rəhbər tutaraq, QƏRARA ALDİM: Ərizəçi ölüm faktının müəyyən olunması” tələbinə dair iddia ərizəsi geri qaytarılsın. Ərizəçiyə izah olunsun ki, Azərbaycan Respublikası MPM-nin 152.4-cü maddəsinə əsasən ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Bakı şəhəri Binəqədi Rayon Məhkəməsinə şikayət verilə bilər. Sədrlik edən: Günel Abbasova