Bakı Şəhəri Binəqədi Rayon Məhkəməsi Qərardad — İş №2(001)-8325/2025

Azərbaycan Respublikası adından QƏRARDAD Bakı şəhəri İş № 2(001)-8325/2025 16.01.2026 BAKI ŞƏHƏRİ BİNƏQƏDİ RAYON MƏHKƏMƏSİ Hakim Qoşqarlı Rəşad Nizami oğlunun sədrliyi, Məhkəmə iclas katibi Hacıyeva Yeganə Müslüm qızının katibliyi, Ərizəçi, Maraqlı şəxs iştirakları ilə, Ərizəçi (maraqlı şəxs qismində Maraqlı şəxs cəlb edilməklə) “mediasiya prosesində bağlanmış qızıl-zinət əşyalarının qaytarılması tələbinə dair barışıq sazişinin təsdiq edilərək məcburi icraya yönəldilməsi” barədə ərizəsi üzrə mülki işə baxaraq, məhkəmə m ü ə y y ə n e t d i: Ərizəçi (maraqlı şəxs qismində Maraqlı şəxs cəlb edilməklə) “mediasiya prosesində bağlanmış qızıl-zinət əşyalarının qaytarılması tələbinə dair barışıq sazişinin təsdiq edilərək məcburi icraya yönəldilməsi” barədə ərizəsi ilə məhkəməyə müraciət etmişdir. Məhkəmə iclasında iştirak edən ərizəçi məhkəməyə ərizə təqdim edərək, mülki işin baxılmamış saxlanılmasını xahiş etdi. Məhkəmə iclasında iştirak edən maraqlı şəxs mülki işin baxılmamış saxlanılmasına etiraz etmədiyini bildirdi. Məhkəmə tərəfləri dinləyib hesab edir ki, ərizəçi tərəfindən ərizənin baxılmamış saxlanmasını xahiş edildiyindən və maraqlı şəxs ərizənin baxılmamış saxlanılmasına razı olduğundan ərizə baxılmamış saxlanmalıdır. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə qeyd olunanlara əsaslanaraq və Azərbaycan Respublikasının MPM-nin 259, 260, 263-264, 267-268-ci maddələrini rəhbər tutaraq, məhkəmə q ə r a r a a l d ı: Ərizəçi (maraqlı şəxs qismində Maraqlı şəxs cəlb edilməklə) “mediasiya prosesində bağlanmış qızıl-zinət əşyalarının qaytarılması tələbinə dair barışıq sazişinin təsdiq edilərək məcburi icraya yönəldilməsi” barədə ərizəsi baxılmamış saxlanılsın. Qərardad rəsmi qaydada verildikdən sonra ondan 10 (on) gün müddətində Elektron Məhkəmə İnformasiya Sistemində yaradılan elektron kabinet vasitəsi ilə Bakı Şəhəri Binəqədi Rayon Məhkəməsinə şikayət verilə bilər. Sədrlik edən: Rəşad Qoşqarlı