Bakı şəhəri Qaradağ Rayon Məhkəməsi Qətnamə — İş №2(002)-3259/2025

Azərbaycan Respublikası adından QƏTNAMƏ Bakı şəhəri İş № 2(002)-3259/2025 24.09.2025 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi, Ərizəçi iştirakı ilə, Ərizəçi «şəxsin müəyyən vaxtda və müəyyən şəraitdə ölməsi faktının müəyyən edilməsi» tələbinə dair ərizəsi üzrə mülki işə məhkəmənin binasında açıq məhkəmə iclasında baxaraq, MÜƏYYƏN ETDİ: Ərizəçi Maraqlı şəxs qismində qeyd etməklə, «şəxsin müəyyən vaxtda və müəyyən şəraitdə ölməsi faktının müəyyən edilməsi» tələbinə dair ərizə ilə məhkəməyə müraciət edərək, atası, xx.xx.1973-cü il tarixdə Hacıqabul şəhərində doğulmuş X2 12 iyul 2025-ci il tarixdə Bakı şəhərində ölməsi barədə hüquqi əhəmiyyəti olan faktın müəyyən edilməsi barədə qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, atası X4 xx.xx.1973-cü il tarixdə Hacıqabul şəhərində doğulmuşdur. Onunla birlikdə ünvan 1 ünvanda yaşamışdır. xx.xx.2025-ci il tarixdə atasının vəziyyəti ağırlaşmış və həkim çağırmışlar. Həkim gələnə kimi artıq atası vəfat etmişdir. Atasını el adəti ilə Navahı kənd qəbristanlığında dəfn etmişlər. Həmin vaxt ölüm haqqında şəhadətnamə almamışlar. Belə ki, başları yas və dəfn mərasimlərinə qarışmışdır və vaxtında lazımi orqana müraciət etməmişlər. Sonradan bu barədə poliklinikaya müraciət etsə də, atasının adına ölüm haqqında şəhadətnamə almaq üçün müvafiq tibbi sənəd verilməmişdir. Ona atasının ölüm faktının müəyyən edilməsi bəzi hüquqi sənədlərin, eləcə də, ölüm haqqında şəhadətnamənin alınması üçün lazımdır. Ərizəçi məhkəmə iclasında ərizəni müdafiə edərək, ərizənin məzmununa uyğun izahat verdi və məhkəmədən ərizənin təmin edilməsi barədə qətnamə çıxarılmasını xahiş etdi. Məhkəmə iclasının vaxtı və yeri barədə qanunla müəyyən edilmiş qaydada məlumat verilməsinə baxmayaraq, maraqlı şəxsin nümayəndəsi məhkəmə iclasına gəlməmiş, gəlməməsinin səbəbləri barədə məhkəməyə məlumat verməmiş və məhkəmə iclasının təxirə salınmasını xahiş etməmişdir. Məhkəmə Azərbaycan Respublikası MPM-nin 185.5-ci maddəsinə əsasən mülki işə maraqlı şəxsin nümayəndəsinin iştirakı olmadan mahiyyəti üzrə baxılmasını mümkün hesab etmişdir. Məhkəmə ərizəçinin izahatını, şahid ifadələrini dinləyib, iş materiallarını araşdıraraq hesab edir ki, ərizə əsaslı olduğundan təmin edilməlidir. Belə ki, şahid X5 ifadəsində bildirdi ki, ərizəçi dostunun qızıdır. Vüqar Ələkbərov 3-4 ay olar vəfat etmişdir. Mərhum Hacıqabul rayonu Navahı kənd qəbristanlığında dəfn olunub. Dəfn və yas mərasimlərində iştirak etmişdir. X1 ifadəsində bildirdi ki, ərizəçigillə qonşudurlar. Vüqar Ələkbərov 2-3 ay olar ki, vəfat edib. Vüqar ürəyindən şikayət edirdi. Mərhum Hacıqabul rayonu Navahı kənd qəbristanlığında dəfn olunub. Dəfn və yas mərasimlərində iştirak etmişdir. İş materiallarına əlavə olunmuş sənədlərdən görünür ki, ölüm faktının müəyyən edilməsi tələb edilən şəxs X4 ərizəçinin atasıdır, xx.xx.1973-cü il tarixdə Hacıqabul şəhərində (o vaxtkı Qazı-Məmməd şəhərində) doğulmuşdur. Təcili və X3 Stansiyası tərəfindən verilmiş ölüm haqqında xəbərdarlıq vərəqəsindən görünür ki, 12 iyul 2025-ci il tarixdə ünvan 1 ünvana X2 adına çağırış daxil olmuş, çağırış qəbul edilərək, təcili yardım briqadası göndərilmiş, xəstənin yanına saat 23:22-də gəlinmiş, adına çağırış daxil olmuş şəxsin vəfat etdiyi aşkar edilmiş, həkim gələnə qədər ölüm, kişi cinsli meyit qeydləri aparılmış, meyitin bədənində zorakılıq əlamətinin olmadığı göstərilmişdir. Hacıqabul rayonu Atbulaq-Navahı Bələdiyyəsi tərəfindən verilmiş ****** iyul 2025-ci il tarixli 67 saylı arayışdan görünür ki, X4 xx.xx.2025-ci il tarixdə vəfat etmiş və Navahı kənd qəbristanlığında dəfn edilmişdir. 3 nömrəli Birləşmiş şəhər xəstəxanasının 21 iyul 2025-ci il tarixli məktubundan görünür ki, X4 3 nömrəli BŞX İİ şöbəsində qeydiyyatda olmadığından və xəstəliyi ilə əlaqədar müraciət etmədiyi üçün ölüm haqqında tibbi şəhadətnamənin verilməsi mümkün olmamışdır. Bakı şəhəri Maraqlı şəxs 26 iyul 2025-ci il tarixli məktubundan görünür ki, Ərizəçi xx.xx.2025-ci il tarixdə vəfat edən X2 ölümünün qeydə alınması barədə ərizəsinə baxılmış, ona qanunvericiliyin tələbləri izah edilmiş, ölüm haqqında tibbi şəhadətnamə olmadığından X2 ölümünün qeydə alınmasının mümkün olmadığı bildirilmişdir. Azərbaycan Respublikası Mülki Prosessual Məcəlləsinin 307-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Azərbaycan Respublikası Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Azərbaycan Respublikası Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təstiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Göründüyü kimi, Ərizəçi atasının ölməsinə dair hüquqi əhəmiyyəti olan faktı təsdiq edən lazımi sənədləri başqa qaydada ala bilmədiyindən məhkəməyə müraciət etmək məcburiyyətində qalmışdır. Məhkəmə iclasında toplanmış və tədqiq olunmuş sübutlarla təsdiq olundu ki, xx.xx.1973-cü il tarixdə Hacıqabul şəhərində doğulmuş X4 12 iyul 2025-ci il tarixdə Bakı şəhərində ölmüşdür. Ödənilmiş 100 manat dövlət rüsumu ərizəçiyə aid edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1973-cü il tarixdə Hacıqabul şəhərində doğulmuş X2 12 iyul 2025-ci il tarixdə Bakı şəhərində ölməsi barədə hüquqi əhəmiyyəti olan fakt müəyyən edilsin. Ödənilmiş 100 manat dövlət rüsumu ərizəçiyə aid edilsin. Qətnamədən rəsmi qaydada verildiyi gündən bir ay müddətində Bakı şəhəri Qaradağ rayon Məhkəməsi vasitəsi ilə (“Elektron məhkəmə” informasiya sistemində yaradılmış elektron kabinet vasitəsilə) Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən bir ay keçdikdən sonra qanuni qüvvəyə minir. Hakim Kamran Əsədov