Bakı şəhəri Qaradağ Rayon Məhkəməsi Qətnamə — İş №2(002)-3445/2025

Azərbaycan Respublikası adından QƏTNAMƏ Bakı şəhəri İş № 2(002)-3445/2025 15.10.2025 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi, Ərizəçi iştirakı ilə, Ərizəçi «şəxsin müəyyən vaxtda və müəyyən şəraitdə ölməsi faktının müəyyən edilməsi» tələbinə dair ərizəsi üzrə mülki işə məhkəmənin binasında açıq məhkəmə iclasında baxaraq, MÜƏYYƏN ETDİ: Ərizəçi Bakı şəhəri Maraqlı şəxs qismində qeyd etməklə, «şəxsin müəyyən vaxtda və müəyyən şəraitdə ölməsi faktının müəyyən edilməsi» tələbinə dair ərizə ilə məhkəməyə müraciət edərək, qardaşı, 07 sentyabr 1975-ci il tarixdə Masallı rayonu Boradigah kəndində doğulmuş X2 02 avqust 2025-ci il tarixdə Bakı şəhərində ölməsi barədə hüquqi əhəmiyyəti olan faktın müəyyən edilməsi barədə qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, 07 sentyabr 1975-ci il təvəllüdlü qardaşı X4 02 avqust 2025-ci il tarixdə vəfat etmişdir. Lakin qardaşı vəfat edərkən dərin sarsıntı hissi keçirdiklərindən ona həmin vaxt tibb müəssisəsindən ölüm haqqında tibbi şəhadətnamə almamışlar. O, qardaşı X2 ölümünün qeyd edilməsi üçün Maraqlı şəxsnə müraciət etmişdir. Həmin şöbənin 15 avqust 2025-ci il tarixli məktubu ilə qanunvericiliyin tələbləri izah edilərək, ona məhkəməyə müraciət etməsi tövsiyə olunmuşdur. Bu səbəbdən, ərizədə göstərilən faktın müəyyən edilməsi üçün məhkəməyə müraciət etmək məcburiyyətində qalmışdır. Ərizəçi məhkəmə iclasında ərizəni müdafiə edərək, ərizənin məzmununa uyğun izahat verdi və əlavə olaraq bildirdi ki, o, qardaşının ölüm faktını təsdiq edən sənədi başqa qaydada ala bilmir. Hazırda qardaşının ölüm faktının müəyyən edilməsi ona qardaşının adına ölüm haqqında şəhadətnamənin alınması üçün lazımdır. Məhkəmədən ərizənin təmin edilməsi barədə qətnamə çıxarılmasını xahiş etdi. Maraqlı şəxsnə məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq, maraqlı şəxsin nümayəndəsi məhkəmə iclasına gəlməmiş, gəlməməsinin səbəbləri barədə məhkəməyə məlumat verməmiş və məhkəmə iclasının təxirə salınmasını xahiş etməmişdir. Məhkəmə Azərbaycan Respublikası MPM-in 185.5-ci maddəsinə əsasən mülki işə Maraqlı şəxs nümayəndəsinin iştirakı olmadan mahiyyəti üzrə baxılmasını mümkün hesab etmişdir. Məhkəmə ərizəçinin izahatını, şahid ifadələrini dinləyib, iş materiallarını araşdıraraq hesab edir ki, ərizə əsaslı olduğundan təmin edilməlidir. Belə ki, şahid X6 ifadəsində bildirdi ki, ərizəçinin qonşusudur. Qonşunun qardaşı bu ilin avqust ayının əvvəlində vəfat edib. Dəfn və yas mərasimlərində iştirak edib. Mərhumun nəşi Lökbatanda, qəsəbə qəbristanlığında dəfn olunub. X1 ifadəsində bildirdi ki, ərizəçinin dostudur. Avqust ayının 2-si günü dostunun qardaşı vəfat edib. Mərhum Lökbatan qəbristanlığında dəfn olunmuşdur. Yas və dəfn mərasimlərində iştirak etmişdir. Dostunun qardaşı infarktdan vəfat edib. İş materiallarına əlavə olunmuş sənədlərdən görünür ki, ölüm faktının müəyyən edilməsi tələb edilən şəxs X4 ərizəçinin qardaşıdır, 07 sentyabr 1975-ci il tarixdə Masallı rayonu Boradigah kəndində doğulmuşdur. Təcili və X3 Stansiyası tərəfindən verilmiş ölüm haqqında xəbərdarlıq vərəqəsindən görünür ki, 02 avqust 2025-ci il tarixdə ünvan 1 ünvana X2 adına çağırış daxil olmuş, təcili yardım briqadası saat 22:55-də həmin ünvana gəlmiş, adına çağırış daxil olmuş şəxsin vəfat etdiyini aşkar etmiş, «Həkimə qədər ölüm. Kişi cinsli meyit» barədə qeyd aparmışdır. Lökbatan bələdiyyəsi tərəfindən verilmiş xx.xx.2025-ci il tarixli 02/251 saylı arayışdan görünür ki, X4 xx.xx.2025-ci il tarixdə Lökbatan qəsəbə qəbristanlığında dəfn edilmişdir. 3 nömrəli birləşmiş şəhər xəstəxanasının xx.xx.2025-ci il tarixli, 136 saylı məktubundan görünür ki, 07 sentyabr 1975-ci il tarixdə Masallı rayonu Boradigah kəndində doğulmuş və 02 avqust 2025-ci il tarixdə Bakı şəhərində vəfat etmiş X4 həmin xəstəxanada qeydiyyatda olmadığı və xəstəliyi ilə əlaqədar müraciət etmədiyi üçün ölüm haqqında tibbi şəhadətnamə verilməsi mümkün olmamışdır. Bakı şəhəri Maraqlı şəxs 15 avqust 2025-ci il tarixli məktubundan görünür ki, Ərizəçi xx.xx.2025-ci il tarixdə vəfat edən X2 ölümünün qeydə alınması barədə ərizəsinə baxılmış, ona qanunvericiliyin tələbləri izah edilmiş, ölüm haqqında tibbi şəhadətnamə olmadığından X2 ölümünün qeydə alınmasının mümkün olmadığı bildirilmişdir. Azərbaycan Respublikası Mülki Prosessual Məcəlləsinin 307-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Azərbaycan Respublikası Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. Azərbaycan Respublikası Mülki Prosessual Məcəlləsinin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təstiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Göründüyü kimi, Ərizəçi qardaşının ölməsinə dair hüquqi əhəmiyyəti olan faktı təsdiq edən lazımi sənədləri başqa qaydada ala bilmədiyindən məhkəməyə müraciət etmək məcburiyyətində qalmışdır. Məhkəmə iclasında toplanmış və tədqiq olunmuş sübutlarla təsdiq olundu ki, 07 sentyabr 1975-ci il tarixdə Masallı rayonu Boradigah kəndində doğulmuş X4 02 avqust 2025-ci il tarixdə Bakı şəhərində ölmüşdür. Ödənilmiş 100 manat dövlət rüsumu ərizəçiyə aid edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233, 307, 307.2, 307.2.3, 311, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. 07 sentyabr 1975-ci il tarixdə Masallı rayonu Boradigah kəndində doğulmuş X2 02 avqust 2025-ci il tarixdə Bakı şəhərində ölməsi barədə hüquqi əhəmiyyəti olan fakt müəyyən edilsin. Ödənilmiş 100 manat dövlət rüsumu ərizəçiyə aid edilsin. Qətnamədən rəsmi qaydada verildiyi gündən bir ay müddətində Bakı şəhəri Qaradağ Rayon Məhkəməsi vasitəsi ilə (“Elektron məhkəmə” informasiya sistemində yaradılmış elektron kabinet vasitəsilə) Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən bir ay keçdikdən sonra qanuni qüvvəyə minir. Hakim Kamran Əsədov