Bakı şəhəri Qaradağ Rayon Məhkəməsi Qətnamə — İş №2(002)-3782/2023

Azərbaycan Respublikası adından QƏTNAMƏ Bakı şəhəri İş № 2(002)-3782/2023 15.11.2023 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi, Ərizəçi iştirakı ilə, Ərizəçi hüquqi əhəmiyyətli olan ölüm faktının müəyyən olunması tələbinə dair ərizəsi üzrə mülki işə məhkəmənin binasında, açıq məhkəmə iclasında baxaraq, məhkəmə MÜƏYYƏN ETDİ: Ərizəçi hüquqi əhəmiyyətli olan ölüm faktının müəyyən olunması tələbinə dair ərizə ilə Bakı şəhəri Qaradağ Rayon Məhkəməsinə müraciət edərək, xx.xx.1972-ci ildə Bakı şəhərində doğulmuş X1 xx.xx.2001-ci ildə ölməsi faktının müəyyən edilməsinə dair qətnamə qəbul edilməsini xahiş etmişdir. Ərizə onunla əsaslandırılmışdır ki, o, Qobustan rayonu, Ərəbşalbaş kəndində doğulmuş və həmin kənddə yaşayır. 16 sentyabr 1972-ci il tarixdə anadan olmuş bacısı X3 1996-cı ildə həmkəndlisi X8 ilə evlənmiş, lakin nikahlarını rəsmi qeyd etdirməmişlər. Onların birgə evliliklərindən 10 fevral 2000-ci il tarixdə Vahid adlı bir uşaqları doğulmuşdur. Nikahları olmadığından uşaq üçün doğum haqqında şəhadətnamə almamışlar. Bacısı Səlimnaz 13 yanvar 2001-ci il tarixdə axşam yatmış və səhər ayılmamışdır. Onlar onu Qaradağ rayonu ərazisində yerləşən “Sofi Həmid” qəbirstanlığında qohumlarının dəfn olunduğu məzarlıqda dəfn etmişlər. Həmin vaxt başı qarışıq olduğundan, bacısı üçün ölüm haqqında şəhadətnamə almamışlar. Hazırda bacısının övladı Vahid üçün doğum haqqında şəhadətnamə almaq üçün Maraqlı şəxsnə getmişlər, lakın onlara uşağın anasının ölüm haqqında şəhadətnaməsi olmadığından doğum haqqında şəhadətnamə verilməmişdir. Həmin məsələnin məhkəmə qaydasında həll olunmasını bildirmişlər. Ona görə də 16 sentyabr 1972-ci il tarixdə anadan olmuş bacısı X2 13 yanvar 2001-ci il tarixdə ölməsi faktının müəyyən olunması üçün məhkəməyə müraciət etmək məcburiyyətdə qalmışdır. Məhkəmə iclasında iştirak edən Ərizəçi ərizəni müdafiə edərək, onun təmin edilməsi barədə qətnamə qəbul edilməsini xahiş etdi. Maraqlı şəxsnə məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq, onun nümayəndəsi məhkəmə iclasına gəlməmiş, gəlməməsinin üzürlü səbəbləri barədə məhkəməyə heç bir məlumat verməmişdir. Məhkəmə, Azərbaycan Respublikası Mülki Prosessual Məcəlləsinin 185.6-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab edir. Məhkəmə iş materiallarını araşdırıb, ərizəçinin izahatını və şahid ifadələrini dinləyərək və iş üzrə toplanmış sübutlara hüquqi qiymət verərək belə hesab edir ki, ərizə əsaslı olduğundan təmin edilməlidir. Belə ki, məhkəmə iclasında şahid qismində dindirilmiş X8 ifadəsində qeyd etmişdir ki, ərizəçi dayısı oğludur. Onun bacısı vəfat edib. 2001-ci ildə yatıb oyanmayıb. Mərhumə “Sofi Həmid” qəbirstanlığında dəfn olunub. Dəfn və yas mərasimlərində iştirak etmişdir. Məhkəmə iclasında şahid qismində dindirilmiş X4 ifadəsində qeyd etmişdir ki, ərizəçinin bacısı vəfat edib. Mərhumə “Sofi Həmid” qəbirstanlığında dəfn olunub. Dəfn və yas mərasimlərində iştirak etmişdir. İş materiallarında olan Azərbaycan Respublikası Ədliyyə Nazirliyi Bakı şəhəri Maraqlı şəxs tərəfindən X6 ünvanlanmış xx.xx.2023-cü il tarixli, 3-16-5/8-13-242/2023 nömrəli məktubdan görünür ki, ölümü təsdiq edən sənədin olmaması nəzərə alınaraq, ölüm faktının müəyyən edilməsi üçün aidiyyəti üzrə məhkəməyə müraciət edilməlidir. Azərbaycan Respublikasının Mülki Prosessual Məcəlləsinin 309.1-ci maddəsinin tələbinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Azərbaycan Respublikasının Mülki Prosessual Məcəlləsinin 307.1-ci maddəsinin tələbinə əsasən məhkəmə fiziki və ya hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 308-ci maddəsinə əsasən məhkəmə hüquqi əhəmiyyətli faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa yolla ala bilməsin, yaxud itirilmiş sənədlərin bərpası mümkün olmasın. Həmin Məcəllənin 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə belə qeydalınma üçün əsasdır. Yuxarıda sadalanan sübutlara əsasən məhkəmə belə nəticəyə gəlir ki, xx.xx.1972-ci ildə Qobustan rayonunun Ərəbşalbaş kəndində doğulmuş X1 xx.xx.2001-ci il tarixdə Bakı şəhərində ölməsi faktı iş materialları və şahid ifadələri ilə təsdiq olunur. Ona görə də məhkəmə hesab edir ki, ərizə təmin olunmalıdır. Azərbaycan Respublikasının MPM-in 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikasının MPM-in 216-220, 227, 358- 360 və 362-ci maddələrini rəhbər tutub məhkəmə QƏT ETDİ: Ərizə təmin edilsin. xx.xx.1972-ci ildə Qobustan rayonunun Ərəbşalbaş kəndində doğulmuş X1 xx.xx.2001-ci il tarixdə Bakı şəhərində ölməsi faktı müəyyən edilsin. Qətnamədən rəsmi qaydada verildiyi gündən 1 ay müddətində Bakı şəhəri Qaradağ Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim Kamran Əsədov