Bakı Şəhəri Xəzər Rayon Məhkəməsi Qərardad — İş №2(003)-1684/2024

Azərbaycan Respublikası adından QƏRARDAD Bakı şəhəri İş № 2(003)-1684/2024 07.03.2024 BAKI ŞƏHƏRİ XƏZƏR RAYON MƏHKƏMƏSİ Hakim Məmmədli Emin İlham oğlunun sədrliyi, Nəcəfova Səbinə Aydın qızının katibliyi, Ərizəçi, onun nümayəndəsi və vəkili Nümayəndə, Maraqlı şəxs iştirakı ilə Ərizəçi (Maraqlı şəxs) «barışıq sazişinin təsdiq edilməsi» barədə ərizəsinə açıq məhkəmə iclasında baxaraq, məhkəmə müəyyən etdi: Ərizəçi qızı ərizə ilə məhkəməyə müraciət edərək, Bakı 12 saylı Mediasiya Təşkilatında bağlanmış MŞB/12/2023-00572 nömrəli, xx.xx.2023-cü il tarixli barışıq sazişinin “mediasiya prosesində Maraqlı şəxs xx.xx.2018-ci il təvəllüdlü X1, xx.xx.2021-ci il təvəllüdlü X2 mənafeyini, əvvəlki təmnatlarını və yaşayışlarını nəzərə alaraq 2023-cü ilin avqust ayının 1-dən başlayaraq hər ayın 05-ə qədər 1300 manat aliment məbləğini Ərizəçi hesabına keçirməsi ilə bağlı 5-ci şərtinin təsdiq edilməsi barədə qətnamə qəbul edilməsini xahiş etmişdir. Məhkəmə iclasında Ərizəçi, onun nümayəndəsi və vəkili Nümayəndə ərizənin geri qaytarılmasını xahiş etdi. Məhkəmə iclasında maraqlı şəxs X3 məhkəmə iclasında iddia ərizəsinin baxılmamış saxlanılmasına etiraz etmədiyini bildirdi. Məhkəmə, iş materiallarını və ərizəni araşdırıb, hesab edir ki, iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinə əsasən, “İddia ərizəsinin qaytarılması barəsində ərizə verildikdə və cavabdehlər işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır (maddə 259.0.11). İddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər” (maddə 260.1, 260.6). Məhkəmə hesab edir ki, iddiaçı tərəf iddia ərizəsinin baxılmamış saxlanılması barəsində ərizə verdiyindən və cavabdeh isə işin mahiyyəti üzrə həll olunmasını tələb etmədiyi üçün iddia ərizəsi baxılmamış saxlanmalıdır. Göstərilənlərə əsasən və Mülki Prosessual Məcəlləsinin 260, 263-264, 170.1-ci maddələrini rəhbər tutaraq, məhkəmə qəraraaldı: Ərizəçi (Maraqlı şəxs) «barışıq sazişinin təsdiq edilməsi» barədə ərizəsi baxılmamış saxlanılsın. Ərizə və ona əlavə edilmiş sənədlər geri qaytarılsın. Qərardad tərəfə rəsmi qaydada verildikdən sonra 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Sədrlik edən Emin Məmmədli