Bakı Şəhəri Xəzər Rayon Məhkəməsi Qətnamə — İş №2(003)-3812/2024

Azərbaycan Respublikası adından QƏTNAMƏ Bakı şəhəri İş № 2(003)-3812/2024 24.10.2024 BAKI ŞƏHƏRİ XƏZƏR RAYON MƏHKƏMƏSİ Hakim Rüstəmov Emin Şahin oğlunun sədrliyi, Şükürlü Murad Şahin oğlunun katibliyi, Ərizəçi iştirakı ilə, Ərizəçi Maraqlı şəxs olmaqla “ölümün qeyd edilmə faktının müəyyən edilməsi” barədə ərizəsi üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ Ərizəçi 28.05.*976-cı il təvəllüdlü anası X* xx.xx.2024-cü il tarixdə Bakı şəhərində ölməsi faktının müəyyən edilməsinə dair ərizə ilə məhkəməyə müraciət etmişdir. Ərizə onunla əsaslandırılmışdır ki, anası 28.05.*976-cı il təvəllüdlü X6 xx.xx.2024-cü il tarixdə xəstəlikdən Bakı şəhəri Xəzər rayonu Şağan qəsəbəsində yerləşən özlərinə məxsus fərdi yaşayış evində vəfat etmişdir. Anası xoş xassəli şişdən, yəni xərçəng xəstəliyindən əziyyət çəkmişdir. Əməliyyat olunduqdan sonra tromb səbəbindən vəfat etmişdir. Qısa vaxt ərzində ölüm şəhadətnaməsi almalı olduqlarını bilməmişlər. Ölüm şəhadətnaməsinin alınması ilə bağlı qeydiyyat şöbəsinə müraciət etdiyi zaman məhkəməyə müraciət etməli olduğunu bildirmişlər. Məhkəmə iclasında Ərizəçi ərizəni müdafiə edərək təmin edilməsini xahiş etdi və izahatında bildirdi ki, anası xərçəng xəstəliyindən əziyyət çəkmişdir. Əməliyyat olunduqdan bir müddət sonra vəfat etmişdir. Şağan qəsəbəsində dəfn edilmişdir. Məhkəmə iclasında şahid X7 ifadəsində göstərmişdir ki, ərizəçi onun dostudur. Ərizəçinin anasının xəstəliyi barədə məlumatı olmamışdır. O, əməliyyatdan sonra vəfat etmişdir. Yas zamanı Türkiyə Respublikasında olduğuna görə iştirak edə bilməmişdir. Məhkəmə iclasında şahid X4 ifadəsində göstərmişdir ki, ərizəçi onun dostudur. Ərizəçinin anasını tanımışdır. Avqust ayının əvvəli vəfat etmişdir. Qan xəstəliyi olmasını bilmişdir. Şağan qəsəbəsində dəfn edilmişdir. Yas və dəfn mərasimində iştirak etmişdir. Məhkəmə iclasının vaxtı və yeri barədə lazımı qaydada məlumat verilməsinə baxmayaraq maraqlı şəxsin nümayəndəsi məhkəmə iclasına gəlməmişdir. Məhkəmə Azərbaycan Respublikası MPM-nin *85.5-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə işdə iştirak edən şəxsin izahatını, şahidlərin ifadələrini dinləyib, məhkəməyə təqdim olunmuş sübutları tədqiq edib hesab edir ki, aşağıdakılara görə ərizə təmin edilməlidir. Azərbaycan Respublikası MPM-nin 307.*.-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.-ci maddəsinə əsasən məhkəmə aşağıdakıların müəyyən edilməsi barədə işlərə baxır: 307.2.*.şəxslərin qohumluq münasibətlərinin; 307.2.2. şəxsin öhdədə olması faktının; 307.2.3. doğumun, övladlığa götürmənin, nikahın, boşanmanın, ölümün qeyd edilmə faktının; AZE seriyalı *667292* saylı şəxsiyyət vəsiqəsinin surətindən görünür ki, X6 28.05.*976-cı il tarixdə anadan olmuşdur. Təcili və X5 Stansiyası Ölüm haqqında Xəbərdarlıq vərəqəsindən görünür ki, xx.xx.2024-cü il tarixdə X2 həkiməqədər ölüm qeydə alınmışdır. Şağan Bələdiyyəsi tərəfindən verilmiş xx.xx.2024-cü il tarixli *3 saylı arayışdan görünür ki, Bakı şəhəri Xəzər rayonu Şağan qəsəbəsi Yeni Sahə ünvanında yaşamış xx.xx.2024-cü il tarixdə vəfat edən X6 “Qərib Pir” qəbiristanlığında dəfn edilmişdir. Azərbaycan Respublikası Ədliyyə Nazirliyinin Bakı şəhəri Maraqlı şəxs xx.xx.2024-cü il tarixli 3-*6-5/8-*5-R-*239/2024 №li məktubundan görünür ki, X* ölümünün qeydiyyata alınması barədə xx.xx.2024-cü il tarixli ərizəyə cavab olaraq bildirilmişdir ki, Azərbaycan Respublikası Nazirlər Kabinetinin 3*.*0.2003-cü il tarixli *45 saylı qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”-nın 8.5-ci bəndinə əsasən ölümün qeydiyyatı ölüm faktını təsdiq edən tibbi şəhadətnamə və ya vətəndaşın ölmüş elan edilməsi barədə məhkəmə qətnaməsi əsasında qeydə alına bilər. Ölümü təsdiq edən sənədin olmamasını nəzərə alaraq qeydiyyat şöbəsində ərizənin təmin edilməsi mümkün deyil. Azərbaycan Respublikası TƏBİB publik hüquqi şəxsin Bakı Baş Səhiyyə Mərkəzi publik hüquqi şəxsin 45 nömrəli şəhər poliklinikasının xx.xx.2024-cü il tarixli *8-*-*-*00/2- 208/2024 saylı məktubdan görünür ki, mərhum 28.05.*976-cı il təvəllüdlü X6 xx.xx.2024cü il tarixdə evdə ölmüşdür. Ölümə qədər xəstəliklə əlaqədar poliklinikaya müraciət etməmişdir. Ölümdən sonra Təcili Yardım həkimi tərəfindən həkimə qədər ölüm qeydiyyata alınmışdır. Ölümə səbəb olan hər hansı diaqnozu təsdiq etmək mümkün olmadığına görə poliklinika tərəfindən ölüm haqqında şəhadətnamənin AZS-*06 verilməsinə imtina edilmişdir. Qax rayon qeydiyyat şöbəsi (Qax rayon VVADQ) tərəfindən verilmiş AZ-İ seriyalı *24363 saylı doğum haqqında şəhadətnamənin surətindən görünür ki, Ərizəçi xx.xx.200*ci il tarixdə doğulmuşdur. Onun atası X8, anası X3r. Azərbaycan Respublikası MPM-nin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmə qeyd edir ki, Azərbaycan Respublikası MPM-nin 77.*-ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. Məhkəmə araşdırması zamanı tədqiq olunmuş sübutlarla 28.05.*976-cı il təvəllüdlü X* xx.xx.2024-cü il tarixdə Bakı şəhərində ölməsi faktı müəyyən olunduğundan, ərizəçi bu barədə sənədi başqa qaydada ala bilmədiyindən məhkəmə ərizəni əsaslı hesab edib təmin edir. Məhkəmə məhkəmə tədqiqatı zamanı yalnız tərəflərin təqdim etdikləri sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Şərh olunanlara əsasən Azərbaycan Respublikası MPM-nin 2*6-220-ci maddələrini rəhbər tutaraq, məhkəmə QƏT ETDİ Ərizə təmin edilsin. 28.05.*976-cı ildə Göygöl rayonunda anadan olmuş X* xx.xx.2024-cü il tarixdə Bakı şəhərində ölməsi faktı müəyyən edilsin. Qətnamədən, onun rəsmi qaydada verildiyi gündən bir ay müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Hakim Emin Rüstəmov