Bakı Şəhəri Xəzər Rayon Məhkəməsi Qərardad — İş №2(003)-4/2024

Azərbaycan Respublikası adından QƏRARDAD Bakı şəhəri İş № 2(003)-4/2024 15.02.2024 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi ilə, İddiaçı X1 cavabdehlər Cavabdeh1, Quliyeva (Məmmədova) Pərvanə Nazim qızı və Cavabdeh3 qarşı mülkiyyət, sahiblik və istifadə hüququnun pozulmasının aradan qaldırılması, müvəqqəti sakinlərin torpaq sahəsindən və orada yerləşən evdən çıxarılması tələbinə dair mülki işə məhkəmənin inzibati binasında açıq məhkəmə iclasında baxaraq müəyyən etdi: İddiaçı X3 cavabdehlər Cavabdeh1, Quliyeva (Məmmədova) Pərvanə Nazim qızı və Cavabdeh3 qarşı iddia ərizəsi ilə məhkəməyə müraciət edərək, cavabdehlər Cavabdeh1, Quliyeva (Məmmədova) Pərvanə Nazim qızı və Cavabdeh3 və uşaqları X2 ilə birlikdə onun xüsusi mülkiyyətində və sahibliyində olan Bakı şəhəri, Xəzər rayonu, Binə qəsəbəsində yerləşən 0,04 ha. torpaq sahəsindən və orada yerləşən evdən əmlakları ilə birlikdə çıxarılmaları və həmin torpaq sahəsinin və orada yerləşən evin ona təhvil verilməsi barədə qətnamə qəbul edilməsini xahiş etmişdir. xx.xx.2023-cü il tarixə və xx.xx.2024-cü il tarixə təyin edilmiş məhkəmə iclasının vaxtı və yeri haqqında tərəflərə lazımi qaydada məlumat verilməsinə baxmayaraq, tərəflər məhkəmə iclasına gəlməmişlər və gəlməmələrinin səbəbi barədə məhkəməyə məlumat daxil olmamış, işə isə onların iştirakı olmadan baxılmasını xahiş etməmişlər. Azərbaycan Respublikası Mülki Prossesual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, tərəflər göstərilən tarixdə məhkəməyə gəlmədiklərindən, işə onların iştirakı olmadan baxılmasını məhkəmədən xahiş etmədiklərindən, iddia ərizələri baxılmamış saxlanmalıdır. Məhkəmə həmçinin qeyd edir ki, Azərbaycan Respublikası Mülki Prossesual Məcəlləsinin 260.0.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd olunanlara əsaslanaraq və Azərbaycan Respublikası Mülki Prossesual Məcəlləsinin 259, 263-264 və 266-268-ci maddələrini rəhbər tutaraq, məhkəmə qərara aldı: İddiaçı X1 cavabdehlər Cavabdeh1, Quliyeva (Məmmədova) Pərvanə Nazim qızı və Cavabdeh3 qarşı mülkiyyət, sahiblik və istifadə hüququnun pozulmasının aradan qaldırılması, müvəqqəti sakinlərin torpaq sahəsindən və orada yerləşən evdən çıxarılması tələbinə barədə iddia ərizəsi baxılmamış saxlansın. Qərardaddan 10 (on) gün müddətində Bakı şəhəri Xəzər Rayon Məhkəməsinə şikayət verilə bilər. Sədrlik edən Zaur Tağıyev