Bakı Şəhəri Yasamal Rayon Məhkəməsi Qərardad — İş №2(004)-2584/2024

Azərbaycan Respublikası adından QƏRARDAD Bakı şəhəri İş № 2(004)-2584/2024 19.04.2024 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Xudayev Kərim Bahəddin oğlu, Ərizəçi maraqlı şəxs Bakı şəhəri Yasamal rayon Qeydiyyat şöbəsinə qarşı “ölüm faktının müəyyən edilməsi” barədə ərizəsinə məhkəmənin inzibati binasında baxaraq MÜƏYYƏNETDİM: Ərizəçi maraqlı şəxs Bakı şəhəri Yasamal rayon Qeydiyyat şöbəsinə qarşı “ölüm faktının müəyyən edilməsi” barədə ərizə ilə xx.xx.2024-cü il tarixdə məhkəməyə müraciət etmişdir. Ərizəni və ona əlavə edilmiş sənədləri nəzərdən keçirərək hesab edirəm ki, ərizə və ona əlavə edilmiş sənədlər geri qaytarılmalıdır. Belə ki, ərizəçi ərizədə faktiki olaraq Yasamal rayonu, Yeni Yasamal massiv 2, Yarımçıq məktəb binası ünvanında yaşaşdığını qeyd etsə də, iş materillarında olan AZE seriyalı, ******** nömrəli şəxsiyyət vəsiqəsinin surətinə, həmçinin “AZEMİS” elektron portal çıxarış məlumatlarına əsasən müəyyə edilir ki, o, ünvan 2i ünvanında qeydiyyatdadadır. Buna baxmayaraq ərizəçi faktiki olaraq Yasamal rayonu, Yeni Yasamal massiv 2, Yarımçıq məktəb binası ünvanında yaşadığına dair sübutlarını iddia ərizəsinə əlavə etməmişdir. Azərbaycan Respublikası Mülki Məcəlləsinin 27.1-ci maddəsinə əsasən fiziki şəxsin adətən yaşadığı yer onun yaşayış yeri sayılır. Şəxsin bir neçə yaşayış yeri ola bilər. «Yaşayış yeri və olduğu yer haqqında » Аzərbaycan Respublikasının 4 aprel 1996-cı il tarixli Qanununun 3-cü maddəsinə əsasən, fiziki şəxsin yaşayış yeri Azərbaycan Respublikası vətəndaşı barədə yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. Azərbaycan Respublikası Mülki Prosessual Məcəlləsinin 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Həmin Məcəllənin 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, iddia ərizəsi və ona əlavə edilmiş sənədlər geri qaytarılır. Həmin Məcəllənin 114.1.3-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Hesab edirəm ki, ərizə geri qaytarıldığından, həmçinin ərazi aidiyyəti üzrə bu tələbə Yasamal rayon Məhkəməsində baxılması mübahisəli olduğundan ərizəçi tərəfindən ödənilmiş 100 manat məbləğində rüsum ona geri qaytarılmalıdır. Ərizəçiyə izah olunmalıdır ki, o, hazırki ərizəyə Yasamal şəhərində yaşaması barədə arayış əlavə etməklə yenidən Yasamal rayon Məhkəməsinə müraciət edə bilər. Yuxarıda göstərilənlərə və Azərbaycan Respublikası MPM-in 152-ci və 268-ci maddələrinə əsasən Q Ə R A R A A L D İ M: Ərizəçi maraqlı şəxs Bakı şəhəri Yasamal rayon Qeydiyyat şöbəsinə qarşı “ölüm faktının müəyyən edilməsi” barədə ərizəsi və ona əlavə olunmuş sənədlər geri qaytarılsın. Ərizəçiyə izah olunsun ki, o, hazırki ərizəyə Yasamal şəhərində yaşaması barədə arayış əlavə etməklə yenidən Yasamal rayon Məhkəməsinə müraciət edə bilər. xx.xx.2024-cü il tarixli, 25313 nömrəli mədaxil qəbzinə əsasən ödənilmiş 100 (yüz) manat məbləğində dövlət rüsumu Ərizəçi qaytarılsın. Qərardaddan on gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Kərim Xudayev