Bakı Şəhəri Yasamal Rayon Məhkəməsi Qətnamə — İş №2(004)-4203/2022

Azərbaycan Respublikası adından QƏTNAMƏ Bakı şəhəri İş № 2(004)-4203/2022 25.08.2022 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi, Qasımova Aytən Elçin qızının katibliyi, Ərizəçi iştirakı ilə, Ərizəçi maraqlı tərəf Maraqlı şəxs cəlb edilməklə “ölüm faktının müəyyən olunması” barədə ərizəsi üzrə mülki işə məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi Maraqlı şəxs qismində cəlb edilməklə “ölüm faktının müəyyən edilməsi” tələbinə dair ərizə ilə məhkəməyə müraciət edərək, xx.xx.1946-cı il təvəllüdlü X5 16 iyul 2022-ci il tarixdə səhhətində olan xəstəliklər və xərçəng xəstəliyi ilə əlaqədar yaşadığı ünvan 1 ünvanında ölməsi faktının müəyyən edilməsinə dair qətnamə çıxarılmasını məhkəmədən xahiş etmişdir. Məhkəmə iclasında ərizəçi ərizənin məzmununa uyğun izahat verərək, izahatında bildirmişdir ki, o, 25 avqust 1980-cı ildə Bakı şəhərində anadna olmuşdur və hal-hazırda qeydiyyatda olduğu ünvan 2 ünvanında yerləşən fərdi yaşayış evində ailəsi ilə birlikdə yaşayır. Mərhum xx.xx.1946-cı il təvəllüdlü X9 ərizəçinin atasıdır. Mərhum atası 16 iyul 2022-ci il tarixdə səhhətində olan xəstəliklər və xərçəng xəstəliyi ilə əlaqədar yaşadığı ünvan 1 ünvanında vəfat etmişdir. Mərhum X2nu 17 iyul 2022-ci il tarixində qohum və qonşuların iştirakı ilə Salyan rayonu Arbatan kənd qəbirstanlığında dəfn etmişlər. Lakin bügünədək onun ölüm haqqında şəhadətnaməsini ala bilməmişdir. Bunun üçün ərazi üzrə Bakı şəhər Baş Səhiyyə İdarəsinin 2 nömrəli şəhər poliklinikasına rəsmi müraciət etmişdir. Lakin hazırda şəhadətnamənin verilməsinin mümkünsüz olmasını bildirmiş, məhkəmə müraciət edilməsini tövsiyə etmişlər. Bundan sonra o, ərazi üzrə maraqlı tərəf Maraqlı şəxsnə ərizə ilə müraciət etmiş və onlar rəsmi olaraq imtina edərək məhkəmə müraciət edilməsini məsləhət görmüşlər. Ona görə də, xx.xx.1946-cı il təvəllüdlü X5 16 iyul 2022-ci il tarixdə səhhətində olan xəstəliklər və xərçəng xəstəliyi ilə əlaqədar yaşadığı ünvan 1 ünvanında ölməsi faktının müəyyən edilməsini məhkəmədən xahiş etdi. Məhkəmə iclasının vaxtı və yeri barədə Maraqlı şəxsnə məlumat verilmiş, lakin Maraqlı şəxs nümayəndəsinin iştirakı təmin edilməmişdir. Məhkəmə işə Maraqlı şəxs nümayəndəsinin iştirakı olmadan baxılmasını mümkün hesab etmişdir. Məhkəmə ərizəçinin izahatını, şahid ifadələrini və iş üzrə təqdim olunmuş digər sübutlarla yanaşı yoxlayaraq, ərizəçinin tələblərinin dəlillərini, işdə olan sübutları işin bütün faktiki hallarının tam, hərtərəfli və obyektiv araşdırılmasına əsaslanmaqla qiymətləndirərək belə hesab edir ki, aşağıda göstərilənlərə əsasən ərizə təmin edilməlidir. Məhkəmə iclasında iştirak edən şahid X7 ifadəsində göstərmişdir ki, ərizəçi onun qardaşı oğlu, mərhum xx.xx.1946-cı il təvəllüdlü X9 isə qardaşıdır. Mərhum xərçəng xəstəliyindən əziyyət çəkirdi. Uzun müddət xəstəxanada müalicə almış, son günlərində onun yanında olmuşdur. Daha sonra həkimlər evə aparılmasını bildirmişlər. 16 iyul 2022-ci il tarixdə vəziyyəti ağırlaşmış, təcili tibbi yardım çağırılmışdır. Təcili yardım gəldikdə isə qardaşı artıq keçinmişdir. Mərhum xx.xx.1946-cı il təvəllüdlü X1 rayonunda dəfn edilmişdir. Məhkəmə iclasında iştirak edən şahid X4 ifadəsində göstərmişdir ki, ərizəçinin yaxın qohumudur. Mərhum xx.xx.1946-cı il təvəllüdlü X9 xərçəng xəstəliyindən əziyyət çəkirdi, əməliyyat olunmuşdu. 16 iyul 2022-ci il tarixdə vəziyyəti ağırlaşmış, təcili tibbi yardım çağırılmışdır. Təcili yardım gəldikdə isə mərhum artıq keçinmişdir. Mərhum xx.xx.1946-cı il təvəllüdlü X1 rayonunda dəfn edilmişdir. İş materiallarında olan AZE 00644375 nömrəli vətəndaşın şəxsiyyət vəsiqəsinin surətindən görünür ki, X9 24 avqust 1946-cı ildə Salyan rayonunda anadan olmuşdur. İş materiallarında olan Bakı şəhəri Sabunçu rayon Qeydiyyat şöbəsi tərəfindən verilmiş 1140 saylı xx.xx.2016-cı il tarixli arayışdan görünür ki, Ərizəçi 25 avqust 1980-ci ildə Bakı şəhərində anadan olmuşdur. X2, anası X3r. İş materiallarında olan Bakı şəhəri Yasamal Rayonu Təcili və X8 Stansiyasının 15 saylı Bölməsinin 16 iyul 2022-ci il tarixli Ölüm haqqında Xəbərdarlıq vərəqəsindən görünür ki, 16 iyul 2022-ci il tarixdə 16:38 radələrində ünvan 1 ünvanına X5 adına çağrış daxil olmuş, həkim S.Əliyev tərəfindən həkimə qədər ölüm (kişi cinsli meyid) aşkar olunmuşdur. İş materiallarında olan Bakı şəhəri 2 nömrəli şəhər poliklinikasının xx.xx.2022-ci il tarixli məktubundan görünür ki, X5 adına ambulator karta açılmadığından və ölümə səbəb olan diaqnozları barədə sənədlər təqdim edilmədiyindən ölüm haqqında tibbi şəhadətnamənin verilməsindən imtina olmuşdur. İş materiallarında olan Bakı şəhəri Maraqlı şəxs tərəfindən verilmiş xx.xx.2022-ci tarixli xx/xx-2592/13 saylı məktubundan görünür ki, Azərbaycan Respublikasının Nazirlər Kabinetinin 145 nömrəli, 31 oktyabr 2003-cü il tarixli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm qeydiyyatı ölüm faktını təsdiq edən tibbi şəhadətnamə və ya vətəndaşın ölmüş elan edilməsi barədə məhkəmə qətnaməsi əsasında qeydə alına bilər. Ölümü təsdiq edən sənədin olmamasını nəzərə alaraq, qeydiyyat şöbəsində müvafiq ərizənin təmin edilməsi mümkün olmamış, ölüm faktının müəyyən edilməsi üçün aidiyyəti üzrə məhkəməyə müraciət edilməsi tövsiyyə olunmuşdur. Azərbaycan Respublikası Mülki Prosessual Məcəlləsinin: 307.1-ci maddəsinə əsasən məhkəmə fiziki və ya hüquqi şəxslərin şəxsi və ya əmlak hüquqlarının əmələ gəlməsi, dəyişməsi xitam verilməsinin asılı olduğu faktları müəyyən edir; 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır; 308-ci maddəsinə əsasən məhkəmə hüquqi əhəmiyyətli faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa yolla ala bilməsin, yaxud itirilmiş sənədlərin bərpası mümkün olmasın. Beləliklə də, məhkəmə yuxarıda qeyd olunanları nəzərə alıb, iş üzrə tədqiq edilən sübutlara qiymət verərək hesab edir ki, xx.xx.1946-cı il təvəllüdlü X5 xx.xx.2022-ci il tarixdə ölməsi faktı sübuta yetirildiyindən və bunun müəyyən edilməsi hüquqi əhəmiyyətli olduğundan, ərizəçi həmin faktı təsdiq edən lazımi sənədi başqa yolla ala bilmədiyindən, Ərizəçi ərizəsi əsaslıdır və göstərilən fakt məhkəmə tərəfindən müəyyən olunmalıdır. Azərbaycan Respublikası Mülki Prosessual Məcəlləsinin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Məhkəmə, məhkəmə tədqiqatı zamanı yalnız tərəflərin təqdim etdikləri sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1946-cı il təvəllüdlü X5 16 iyul 2022-ci il tarixdə Bakı şəhərində, ev şəraitində ölməsi faktı müəyyən edilsin. Qətnamədən onun rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Gülnar Babazadə