Bakı Şəhəri Yasamal Rayon Məhkəməsi Qətnamə — İş №2(004)-4565/2025

Azərbaycan Respublikası adından QƏTNAMƏ Bakı şəhəri İş № 2(004)-4565/2025 18.09.2025 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədrliyi, İmanzadə Ziya Yadigar oğlunun katibliyi, Ərizəçi iştirakı ilə, Ərizəçi maraqlı şəxs İmişli “ASAN xidmət” mərkəzində Qeydiyyat Şöbəsi cəlb edilməklə “ölüm faktının müəyyən edilməsi” tələbinə dair mülki işə baxaraq, məhkəmə MÜƏYYƏN ETDİ: Ərizəçi maraqlı şəxs İmişli “ASAN xidmət” mərkəzində Qeydiyyat Şöbəsi cəlb edilməklə “ölüm faktının müəyyən edilməsi” tələbinə ərizə ilə məhkəməyə müraciət edərək, mərhum atası xx.xx.1949-cu il təvəllüdlü X2 xx.xx.2025-ci il tarixdə İmişli rayonunda ölməsi faktının müəyyən edilməsinə dair qətnamə qəbul edilməsini xahiş etmişdir. Ərizəçi xx.xx.2025-ci il tarixdə ərizə təqdim edərək tələbi dəqiqləşdirmişdir. Ərizə icraata qəbul edilmişdir. Məhkəmə iclasında iştirak edən Ərizəçi ərizənin məzmununa uyğun izahat verərək ərizənin təmin olunmasını xahiş etmişdir. Maraqlı şəxs İmişli “ASAN xidmət” mərkəzində Qeydiyyat Şöbəsi məhkəməyə yazılı müraciət edərək mülki işin maraqlı şəxsin iştirakı olmadan keçirilməsini xahiş etmişdir. Məhkəmə iclasında şahid qismində izahat verən X5 və X3 ərizədə qeyd olunan xüsusatları təsdiq etməklə, xx.xx.1949-cu il təvəllüdlü X2 xx.xx.2025-ci il tarixdə İmişli rayonunda vəfat etməsini və İmişli rayonu, Ölcələr kəndində yerləşən qəbirstanlığında dəfn olunmasını məhkəməyə bildirmişlər. İş materiallarında olan Təcili və X1 Stansiyasını Ölüm haqqında xəbərdarlıq vərəqəsindən görünür ki, X4 xx.xx.2025-ci il tarixdə vəfat etmişdir. İş materiallarında olan İmişli RİHB-nın Ölcələr kənd inzibati ərazi dairəsinin tərtib etdiyi xx.xx.2025-ci il tarixli arayışdan görünür ki, X4 xx.xx.2025-ci il tarixdə İmişli rayonunda vəfat etmiş və həmin gün İmişli rayonu, Ölcələr kəndində yerləşən qəbirstanlığında dəfn olunmuşdur. İş materiallarına dəfn yerinin fotoşəkilləri əlavə edilmişdir. İş materiallarına müvafiq orqanın imtina məktubu əlavə edilmişdir. Azərbaycan Respublikası MPM-in 307.2.8-ci maddəsinə görə məhkəmə müvafiq icra hakimiyyəti orqanlarının imtina etdiyi hallarda şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 311-ci maddəsinə görə məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədi əvəz etməməklə, belə qeydə alınma üçün əsasdır. Azərbaycan Respublikası Nazirlər Kabinetinin xx.xx.2003-cü il tarixli 145 nömrəli Qərarı ilə təsdiq edilmiş «Vətəndaşlıq vəziyyəti aktlarının dövlət qeydiyyatı Qaydası»nın 8.5-ci bəndinə görə ölüm haqqında həkim şəhadətnaməsi olmadıqda, ölüm faktı məhkəmə tərəfindən müəyyən edilir. Məhkəmə araşdırması zamanı xx.xx.1949-cu il təvəllüdlü X2 xx.xx.2025-ci il tarixdə İmişli rayonunda ölməsi ərizəçinin izahatı, şahidlərin ifadəsi, iş materialları ilə sübuta yetirilir. Məhkəmə iş materiallarını araşdıraraq, ərizəçinin izahatını və şahidlərin ifadəsini dinləyərək hesab edir ki, ərizə təmin olunmalı, xx.xx.1949-cu il təvəllüdlü X2 xx.xx.2025-ci il tarixdə İmişli rayonunda ölməsi faktı müəyyən edilməlidir. Qətnamə müvafiq ölüm haqqında şəhadətnamənin verilməsi üçün hüquqi əsas təşkil etməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə QƏT ETDİ: Ərizəçi maraqlı şəxs İmişli “ASAN xidmət” mərkəzində Qeydiyyat Şöbəsi cəlb edilməklə “ölüm faktının müəyyən edilməsi” tələbinə dair ərizəsi təmin edilsin. xx.xx.1949-cu il təvəllüdlü X2 xx.xx.2025-ci il tarixdə İmişli rayonunda ölməsi faktı müəyyən edilsin. Qətnamə müvafiq ölüm haqqında şəhadətnamənin verilməsi üçün hüquqi əsas təşkil etsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı Şəhəri Yasamal Rayon Məhkəməsi vasitəsi ilə “Elekton məhkəmə” informasiya sistemində yaradılan elektron kabinet vasitəsilə Bakı Apelyasiya Məhkəməsinə apelyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən: Fariz Əlizadə