Bakı Şəhəri Yasamal Rayon Məhkəməsi Qərardad — İş №2(004)-5922/2020

Azərbaycan Respublikası adından QƏRARDAD Bakı şəhəri İş № 2(004)-5922/2020 11.11.2020 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Axundova Günay Təyar qızı, İddiaçılar İddiaçı1, İddiaçı9 Yunis qızı, X1, İddiaçı2, İddiaçı8, İddiaçı7, İddiaçı6, İddiaçı4 və İddiaçı3 cavabdeh Əmək Bazarı və Sosial Müdafiə Məsələləri üzrə Milli Observatoriyaya qarşı “işə bərpa, əmək haqqı” tələbinə dair iddia ərizəsinə baxaraq, MÜƏYYƏN ETDİ: İddiaçılar İddiaçı1, İddiaçı9 Yunis qızı, X1, İddiaçı2, İddiaçı8, İddiaçı7, İddiaçı6, İddiaçı4 və İddiaçı3 cavabdeh Əmək Bazarı və Sosial Müdafiə Məsələləri üzrə Milli Observatoriyaya qarşı “işə bərpa, əmək haqqı” tələbi barədə iddia ərizəsi ilə müraciət etmişlər. Məhkəmə iddiaçılar İddiaçı1, İddiaçı9 Yunis qızı, X1, İddiaçı2, İddiaçı8, İddiaçı7, İddiaçı6, İddiaçı4 və İddiaçı3 iddia ərizəsini nəzərdən keçirərək hesab edir ki, ərizə və ona əlavə edilmiş sənədlər geri qaytarılmalıdır. Belə ki, elektron portal çıxarış məlumatlarından müəyyən edilir ki, cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində “Əmək Bazarı və Sosial Müdafiə Məsələləri üzrə Milli Observatoriya” publik hüquqi şəxs ünvan 1 ünvanında qeydiyyatdadır. Məhkəmə qeyd edir ki, cavabdehin rəsmi qeydə alındığı ünvan Binəqədi rayonu olduğundan bu iddia ərizəsinə ərazi aidiyyəti üzrə Bakı şəhəri Yasamal Rayon Məhkəməsində deyil, Bakı şəhəri Binəqədi Rayon Məhkəməsində baxıla bilər. Azərbaycan Respublikası Mülki Prosessual Məcəllənin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 151.1-ci maddəsinə əsasən, iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. Həmin Məcəllənin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən və Azərbaycan Respublikası Mülki Prosessual Məcəlləsinin 152, 263, 264, 268-ci maddələrini rəhbər tutaraq QƏRARA ALDİ: İddiaçılar İddiaçı1, İddiaçı9 Yunis qızı, X1, İddiaçı2, İddiaçı8, İddiaçı7, İddiaçı6, İddiaçı4 və İddiaçı3 cavabdeh Əmək Bazarı və Sosial Müdafiə Məsələləri üzrə Milli Observatoriyaya qarşı “işə bərpa, əmək haqqı” tələbinə dair iddia ərizəsi və ərizəyə əlavə olunmuş sənədlər geri qaytarılsın. İddiaçılara izah olunsun ki, hazırki iddia ərizəsi ilə Bakı şəhəri Binəqədi Rayon Məhkəməsinə müraciət edə bilərlər. Qərardaddan 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Hakim: Günay Axundova