Bakı Şəhəri Yasamal Rayon Məhkəməsi Qərardad — İş №2(004)-7483/2021

Azərbaycan Respublikası adından QƏRARDAD Bakı şəhəri İş № 2(004)-7483/2021 23.11.2021 BAKI ŞƏHƏRİ YASAMAL RAYON MƏHKƏMƏSİ Hakim Əkbərli Günel Bəkir qızı, Ərizəçi “mərhum qardaşı X1 ölməsi faktının müəyyən edilməsi və onun adına ölüm haqqında şəhadətnamənin verilməsi” tələbinə dair ərizəsini və ona əlavə olunmuş sənədləri nəzərdən keçirib, MÜƏYYƏN ETDİ: Ərizəçi xüsusi icraat qaydasında ərizə ilə məhkəməyə müraciət edərək, mərhum qardaşı X1 ölməsi faktının müəyyən edilməsi və onun adına ölüm haqqında şəhadətnamənin verilməsi dair qətnamə çıxarılmasını, qətnamənin icrasının Yasamal rayon VVADQİ-nə həvalə edilməsini xahiş etmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, ərizənin yolverilməzliyinə görə icraata qəbul edilməsindən imtina edilməlidir. Belə ki, iş materiallarından görünür ki, ərizəçi pretenziya qaydasında müvafiq icra hakimiyyəti orqanına, yəni aidiyyəti qeydiyyat şöbəsinə ölüm faktının müəyyən edilməsinə dair müraciət etməmişdir. Belə olan halda məhkəmə hesab edir ki, ərizəçinin tələbinə məhkəmədə baxıla bilməz. Azərbaycan Respublikası Mülki Prosessual Məcəlləsinin 153.2.1-ci maddəsinə əsasən ərizəyə məhkəmə qaydasında baxılmalı deyildirsə məhkəmə iddia ərizəsini qəbul etməkdən imtina etməlidir. Göstərilənlərə əsasən məhkəmə hesab edir ki, Ərizəçi oğlunun “mərhum qardaşı X1 ölməsi faktının müəyyən edilməsi və onun adına ölüm haqqında şəhadətnamənin verilməsi” tələbinə dair ərizəsi Azərbaycan Respublikası Mülki Prosessual Məcəlləsinin tələblərinə əsasən iddianın yol verilməzliyinə görə baxılması üçün məhkəmənin icraatına qəbul edilməsindən imtina edilməlidir. Həmçinin məhkəmə qeyd etməyi zəruri hesab edir ki, ərizə tərtib edilərkən Azərbaycan Respublikası MPM-nin 149-cü maddəsində nəzərdə tutulmuş forma və məzmuna əməl edilməmişdir. Belə ki, ərizənin giriş hissəsində maraqlı şəxs qeyd edilməmişdir. Azərbaycan Respublikasının Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarılır. Şərh edilənləri nəzərə alaraq və Azərbaycan Respublikası Mülki Prosessual Məcəlləsinin 153, 263, 264 və 268-ci maddələrini rəhbər tutaraq məhkəmə, QƏRARA ALDİ: Ərizəçi “mərhum qardaşı X1 ölməsi faktının müəyyən edilməsi və onun adına ölüm haqqında şəhadətnamənin verilməsi” tələbinə dair ərizəsi yolverilməzliyinə görə məhkəmənin icraatına qəbul edilməsindən imtina edilsin. Ərizə və ona əlavə edilmiş sənədlər ərizəçiyə qaytarılsın. Qərardaddan, qərardad rəsmi qaydada verildikdən sonra 10 gün müddətinə Yasamal Rayon Məhkəməsinə şikayət verilə bilər. Hakim: Günel Əkbərli