Bakı Şəhəri Nərimanov Rayon Məhkəməsi Qətnamə — İş №2(005)-3789/2025

Azərbaycan Respublikası adından QƏTNAMƏ Bakı şəhəri İş № 2(005)-3789/2025 06.08.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Ramin Nizaməddin oğlunun sədrliyi, Cəfərov Davud Rauf oğlunun katibliyi, Ərizəçi nümayəndəsi və vəkili Vəkil iştirakı ilə, Ərizəçi maraqlı şəxs qismində Maraqlı şəxs göstərilməklə “mediasiya prosesi nəticəsində bağlanmış barışıq sazişinin təsdiq edilməsi” ərizəsinə dair mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Ərizəçi (Maraqlı şəxs qismində göstərilməklə) ərizə ilə məhkəməyə müraciət edərək, Maraqlı şəxs tərəfindən xx.xx.2015-ci il təvəllüdlü X2 ilə xx.xx.2025-ci il tarixdən xx.xx.2026-cı il tarixədək Ərizəçi ölkə hüdudlarından kənara çıxması, uşağa xarici pasportun alınması (anaları ilə xarici səfərlər etmələri) üçün Ərizəçi 15 gün müddətində (ASAN xidmət mərkəzində, Notariat və DİN orqanında) rəsmi qaydada razılıq ərizələri verilməsi barədə xx.xx.2025-ci il tarixli, MŞB/8/2024-00833 nömrəli sazişin məcburi icrası üçün barışıq sazişinin təsdiq edilməsi barədə qətnamə qəbul edilməsini xahiş etmişdir. Ərizə onunla əsaslandırılmışdır ki, Maraqlı şəxs ilə aralarında Bakı 8 saylı Mediasiya təşkilatında xx.xx.2025-ci il tarixli, MŞB/8/2024-00833 nömrəli barışıq sazişi bağlanılmışdır. Barışıq sazişinin məzmununa əsasən Maraqlı şəxs birgə nikahdan dünyaya gələn övladı xx.xx.2015-ci il təvəllüdlü X2 ilə xx.xx.2025-ci il tarixdən xx.xx.2026cı il tarixədək Ərizəçi ölkə hüdudlarından kənara çıxması, uşağa xarici pasportun alınması (anaları ilə xarici səfərlər etmələri) üçün Ərizəçi 15 gün müddətində (ASAN xidmət mərkəzində, Notariat və DİN orqanında) rəsmi qaydada razılıq ərizələri verəcəyinə dair öz üzərinə öhdəlik götürmüşdür. Lakin Maraqlı şəxs öz üzərinə götürdüyü öhdəlikləri düzgün yerinə yetirməmişdir. Maraqlı şəxs tərəfindən verilən **********660 nömrəli ərizədə sazişin tələblərinə zidd olaraq, xx.xx.2015-ci il təvəllüdlü X1 onun ilə birlikdə yalnız xx.xx.2025-ci ilədək Türkiyə Respublikasına gedib-qayıtmaqlarına razılıq vermişdir. Halbuki, barışıq sazişinə əsasən, heç bir ölkə məhdudiyyəti qoyulmadan xx.xx.2025-ci il tarixdən xx.xx.2026-cı il tarixədək ölkə hüdudlarından kənara çıxması, uşağa xarici pasportun alınması (anaları ilə xarici səfərlər etmələri) üçün razılıq ərizəsi verilməli idi. Məhkəmə iclasında iştirak edən Ərizəçi nümayəndəsi və vəkili Vəkil ərizədə qeyd edilən məzmunda izahat verərək, maraqlı şəxs tərəfindən barışıq sazişinin şərtləri pozulduğu üçün ərizənin təmin edilməsini xahiş etdi. Maraqlı şəxsə məhkəmə iclasının vaxtı və yeri barədə lazımi qaydada məlumatlandırılmasına baxmayaraq, heç bir üzrlü səbəb təqdim etmədən məhkəmə iclasında iştirak etməmiş və iştirak etməməsinin səbəbi barədə məlumat verməmişdir. Məhkəmə mülki prosessual qanunvericiliyə uyğun olaraq işə maraqlı şəxsin iştirakı olmadan baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 305.1.17-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi haqqında işlərə məhkəmə xüsusi icraat qaydasında baxır. Həmin Məcəllənin 355-25.1-ci maddəsinə görə barışıq sazişinin təsdiq edilməsi ilə bağlı ərizəyə məhkəməyə daxil olduqdan sonra 10 gün müddətində baxılır. Həmin Məcəllənin 355-25.2-ci maddəsinə əsasən məhkəmə ərizəyə baxılması barədə işdə maraqlı olan şəxslərə məlumat verir, lakin həmin şəxslərin üzrlü səbəb olmadan məhkəmə iclasına gəlməməsi işə baxılmasına mane olmur. İşdə maraqlı olan şəxslər üzrlü səbəblərdən gəlmədiyi hallarda, məhkəmə işin baxılmasını təxirə salır. Həmin Məcəllənin 355-25.3 və 355-25.4-cü maddələrinə uyğun olaraq məhkəmə ərizəyə baxarkən bu Məcəllənin 355-26-cı maddəsində sadalanmış halların olubolmadığını müəyyən edir və barışıq sazişinin təsdiq edilməsi və ya təsdiq edilməsindən imtina olunması barədə qətnamə qəbul edir. Qətnamənin surəti bu Məcəllənin 227.3-cü maddəsinə uyğun olaraq tərəflərə verilir. Həmin Məcəllənin 355-26-cı maddəsinin tələblərinə əsasən barışıq sazişi və ya onun bir hissəsi qanuna zidd olduqda, barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda məhkəmə barışıq sazişinin və ya onun bir hissəsinin təsdiq edilməsindən imtina edir. Barışıq sazişinin bir hissəsinin təsdiq edilməsinə o hallarda yol verilir ki, təsdiq edilməsindən imtina edilən hissənin təsdiq edilən hissədən ayrılması mümkün olsun. Məhkəməyə təqdim edilmiş, “birinci tərəf” Ərizəçi ilə “ikinci tərəf” Maraqlı şəxs arasında Bakı 8 saylı Mediasiya təşkilatında bağlanmış xx.xx.2025-ci il tarixli, MŞB/8/2024-00833 nömrəli barışıq sazişindən görünür ki, tərəflər aşağıdakılar barədə razılığa gəlmişlər: - “birinci tərəf” Ərizəçi “ikinci tərəf” Maraqlı şəxs ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək ölkə hüdudlarından kənara çıxması məqsədi ilə uşağın xarici pasportun alınması (anası ilə xarici səfərlər etməsi) üçün “ikinci tərəf” Maraqlı şəxs ona 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə götürdüyü öhdəliklə razıdır; - “ikinci tərəf” Maraqlı şəxs “birinci tərəf” Ərizəçi ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək “birinci tərəf” Ərizəçi ölkə hüdudlarından kənara çıxması, uşağa xarici pasportun alınması (anası ilə xarici səfərlər etməsi) üçün “birinci tərəf” Ərizəçi 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə öhdəlik götürür. Mülki Prosessual Məcəllənin 355-23.1-ci maddəsinə görə “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Məhkəmə baxışı zamanı müəyyən edilmiş hallardan göründüyü kimi, mediasiya prosesi nəticəsində Ərizəçi ilə Maraqlı şəxs arasında xx.xx.2025-ci il tarixdə barışıq sazişi bağlanmış, lakin mediasiya prosesi nəticəsində əldə edilən barışıq sazişi Maraqlı şəxs tərəfindən könüllü qaydada icra edilməmişdir. Məhkəmə hesab edir ki, tərəflər arasında bağlanılmış barışıq sazişinin məcburi icrasının təmin edilməsi məqsədilə saziş məhkəmə tərəfindən təsdiq edilməlidir. Bundan başqa məhkəmə tərəfindən müəyyən edilmişdir ki, barışıq sazişi “Mediasiya haqqında” Azərbaycan Respublikası Qanununun 33.1-ci maddəsi ilə nəzərdə tutulmuş formaya uyğun tərtib edilmiş, mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunmur. Belə ki, Mülki Prosessual Məcəllənin 355-26-cı maddəsinə görə, məhkəmə aşağıdakı hallarda barışıq sazişinin və ya onun bir hissəsinin təsdiq edilməsindən imtina edir: barışıq sazişi və ya onun bir hissəsi qanuna zidd olduqda; barışıq sazişi mediasiyada iştirak etməyən üçüncü şəxslərin və ya məhkəmə tərəfindən fəaliyyət qabiliyyəti olmayan, yaxud məhdud fəaliyyət qabiliyyətli hesab edilən şəxslərin hüquqlarına toxunulan mübahisələr üzrə keçirilmiş mediasiya prosesinin nəticəsində bağlanıldıqda. Məhkəmə hesab edir ki, təsdiq edilməsi xahiş olunan Bakı 8 saylı Mediasiya təşkilatında bağlanmış xx.xx.2025-ci il tarixli, MŞB/8/2024-00833 nömrəli barışıq sazişi qanuna zidd tərtib olunmadığından və digər şəxslərin hüquqlarına toxunmadığından barışıq sazişinin məcburi icrasının təmin edilməsi məqsədilə saziş məhkəmə tərəfindən təsdiq edilməlidir. Beləliklə, məhkəmə barışıq sazişini iş materialları ilə müqayisəli şəkildə araşdıraraq hesab edir ki, ərizə təmin edilməli, Ərizəçi ilə Maraqlı şəxs arasında Bakı 8 saylı Mediasiya təşkilatında bağlanmış xx.xx.2025-ci il tarixli, MŞB/8/2024-00833 nömrəli barışıq sazişi - “birinci tərəf” Ərizəçi “ikinci tərəf” Maraqlı şəxs ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək ölkə hüdudlarından kənara çıxması məqsədi ilə uşağın xarici pasportun alınması (anası ilə xarici səfərlər etməsi) üçün “ikinci tərəf” Maraqlı şəxs ona 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə götürdüyü öhdəliklə razıdır; - “ikinci tərəf” Maraqlı şəxs “birinci tərəf” Ərizəçi ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək “birinci tərəf” Ərizəçi ölkə hüdudlarından kənara çıxması, uşağa xarici pasportun alınması (anası ilə xarici səfərlər etməsi) üçün “birinci tərəf” Ərizəçi 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə öhdəlik götürür.” kimi təsdiq edilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 227, 233, 355-23-355-26 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. Ərizəçi ilə Maraqlı şəxs arasında Bakı 8 saylı Mediasiya təşkilatında bağlanmış xx.xx.2025-ci il tarixli, MŞB/8/2024-00833 nömrəli aşağıda qeyd edilən məzmunlu barışıq sazişi təsdiq edilsin: - “birinci tərəf” Ərizəçi “ikinci tərəf” Maraqlı şəxs ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək ölkə hüdudlarından kənara çıxması məqsədi ilə uşağın xarici pasportun alınması (anası ilə xarici səfərlər etməsi) üçün “ikinci tərəf” Maraqlı şəxs ona 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə götürdüyü öhdəliklə razıdır; - “ikinci tərəf” Maraqlı şəxs “birinci tərəf” Ərizəçi ilə birgə nikahdan dünyaya gələn övladları xx.xx.2015-ci il təvəllüdlü X3 ilə xx.xx.2025-ci il tarixdən xx.xx.2026-cı il tarixədək “birinci tərəf” Ərizəçi ölkə hüdudlarından kənara çıxması, uşağa xarici pasportun alınması (anası ilə xarici səfərlər etməsi) üçün “birinci tərəf” Ərizəçi 15 gün müddətində (ASAN xidmət mərkəzində, Notariat və DİN orqanlarında) rəsmi qaydada razılıq ərizələri verəcəyinə dair öz üzərinə öhdəlik götürür. Qətnamədən rəsmi qaydada verildiyi gündən bir ay müddətində Bakı Şəhəri Nərimanov Rayon Məhkəməsi vasitəsi ilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Ramin Quliyev