Bakı Şəhəri Nəsimi Rayon Məhkəməsi Qərardad — İş №2(006)-2816/2022

Azərbaycan Respublikası adından QƏRARDAD Bakı şəhəri İş № 2(006)-2816/2022 06.05.2022 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Tağıyev Ceyhun Əlikram oğlu, Ərizəçi Maraqlı şəxs qarşı «mediasiya qaydasında bağlanmış barışıq sazişinin təsdiq edilməsinə dair» ərizəsinə baxaraq, MÜƏYYƏN ETDİ: Ərizəçi Maraqlı şəxs qarşı «mediasiya qaydasında bağlanmış barışıq sazişinin təsdiq edilməsinə dair» ərizə ilə məhkəməyə müraciət etmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, ərizə və ona əlavə olunmuş sənədlər ərizəçiyə geri qaytarılmalıdır. Belə ki, ərizədən və ona əlavə edilmiş sənədlərdən görünür ki, ərizəçi aidiyyət qaydalarına riayət etməmişdir. “AZEMİS” Elektron Məhkəmə İnformasiya Sistemindən çıxarışdan görünür ki, Ərizəçi qeydiyyat ünvanı ünvan 1ycan Respublikası Mülki Prosessual Məcəlləsinin 355-23.2-ci maddəsinin tələbinə görə mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Azərbaycan Respublikası Mülki Prosessual Məcəlləsinin 40.1-ci maddəsinin tələbinə görə, ərazi aidiyyəti qaydalarının pozulmasına yol verilmir. Azərbaycan Respublikası Mülki Prosessual Məcəlləsinin 152.1.3-cü maddəsinin tələbinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri iddiaçıya geri qaytarır. Bundan əlavə məhkəmə qeyd edir ki, ərizədən görünür ki, Ərizəçi maraqlı şəxs qismində Maraqlı şəxs cəlb etmiş, lakin onun şəxsiyyətini eyniləşdirməyə imkan verən zəruri sənədləri ərizəsinə əlavə etməmişdir. Maraqlı şəxsə dair zəruri məlumatların əldə edilməsi məqsədilə məhkəmə tərəfindən “AZEMİS” Elektron Məhkəmə İnformasiya Sistemində axtarış edilmiş və axtarışın nəticəsi olaraq “Maraqlı şəxs” adlı iki şəxsin olduğu aşkar edilmişdir. Lakin iş materiallarında lazımi sənədlərin olmaması səbəbindən onlardan hansının maraqlı şəxs olmasını müəyyən etmək mümkün olmamışdır. Azərbaycan Respublikası Mülki Prosessual Məcəlləsinin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu geri qaytarılır. Belə olan halda məhkəmə hesab edir ki, ərizəçiyə yuxarıda qeyd olunan nöqsanları aradan qaldırmaqla, öz qeydiyyat ünvanı əsasında aidiyyəti üzrə Salyan Rayon Məhkəməsinə müraciət etmək hüququ izah olunmaqla, ərizə və ona əlavə olunmuş sənədlər, habelə ərizəçi tərəfindən ödənilmiş dövlət rüsumu ərizəçiyə geri qaytarılmalıdır. Qeyd olunanlara əsasən və Azərbaycan Respublikası Mülki Prosessual Məcəlləsinin 35.2, 152.1.3 və 263-264-cü maddələrini rəhbər tutaraq, məhkəmə QƏRARA ALDİ: Ərizəçi Maraqlı şəxs qarşı «mediasiya qaydasında bağlanmış barışıq sazişinin təsdiq edilməsinə dair» iddia ərizəsi və ona əlavə edilmiş sənədlər ərizəçiyə geri qaytarılsın. Ərizəçiyə izah edilməlidir ki, o, yuxarıda qeyd olunan nöqsanları aradan qaldırmaqla, öz qeydiyyat ünvanı əsasında aidiyyəti üzrə Salyan Rayon Məhkəməsinə müraciət edə bilər. Ərizəçi tərəfindən dövlət büdcəsinə dövlət rüsumu kimi ödənilmiş 100 manat məbləğində pul ona geri qaytarılsın. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim Ceyhun Tağıyev