Azərbaycan Respublikası adından QƏTNAMƏ Bakı şəhəri İş № 2(007)-1056/2025 07.03.2025 BAKI ŞƏHƏRİ NİZAMİ RAYON MƏHKƏMƏSİ Ərizəçi Maraqlı şəxs maraqlı şəxs qismində cəlb olunmaqla (Açar sözlər: “ölüm faktının müəyyən edilməsi” tələbi) Hakim Yusifova Ülkər Bayram qızının sədrliyi, Məhkəmə iclas katibi Əliyeva Xədicə Rəşid qızının katibliyi, Ərizəçi iştirakı ilə, Ərizəçi Maraqlı şəxs qismində cəlb olunmaqla “ölüm faktının müəyyən edilməsi” barədə ərizəsinə açıq məhkəmə iclasında baxaraq məhkəmə, Tələb:
1. Ərizəçi Maraqlı şəxs qismində cəlb olunmaqla "ölüm faktının müəyyən edilməsi" barədə ərizə ilə məhkəməyə müraciət edərək, xx.xx.1957-ci il tarixdə Gürcüstan Respublikası, Dmanisi rayonu, Ormaşen kəndində anadan olmuş X6 17 dekabr 2024-cü il tarixdə Bakı şəhərində vəfat etməsi barədə qətnamə qəbul edilməsini xahiş etmişdir.
Ərizənin əsaslandırıldığı hallar:
2. Ərizə onunla əsaslandırılmışdır ki, Ərizəçi X1 ilə rəsmi nikahda olmaqla bir ailə olmuşlar. X1 bir neçə il idi ki, şəkər xəstəliyindən əziyyət çəkirdi. O, xx.xx.2024-cü il tarixdə hava almaq üçün həyatə düşmüş, həmin vaxtı halı pisləşmişdir. Halı pisləşdiyi üçün evə təcili tibbi yardım çağırmışdılar. Lakin həkimlər gələnə qədər artıq yoldaşı ürək çatışmazlığından xx.xx.2024-cü il tarixdə vəfat etmişdi. Bu hal ərizəyə əlavə etdiyi Təcili və X2 Stansiyasının ölüm haqqında xəbərdarlıq vərəqəsi ilə də təsdiq edilir. X1 vəfat etdikdən sonra tərəfindən Bakı şəhəri Xəzər rayonu Binə qəsəbəsində yerləşən məzarlıqda xx.xx.2024-cü il tarixdə dəfn edilmişdir. Yoldaşının yası bitdikdən sonra onun ölüm haqqında şəhadətnaməsini almaq üçün sənədləri toplamağa başladı. Lakin Bakı şəhər Baş Səhiyyə İdarəsinin 26 nömrəli Şəhər Poliklinikası tərəfindən mərhum xəstəliyi ilə bağlı müraciət etmədiyinə və tibbi sənədlər olmadığına görə onun barəsində ölüm haqqında tibbi şəhadətnamə verilməmişdir. Bundan sonra yoldaşı X6 ölümünün qeydə alınması barədə Maraqlı şəxsnə müraciət edilmis, həmin şöbə tərəfindən qeydə alınmasından ölüm faktını təsdiq edən tibbi şəhadətnamə olmadığı üçün imtina olunmuşdur. Qeyd olunanlara əsasən mərhum yoldaşı X7 ölüm haqqında şəhadətnamə ala bilmədilər. Ölüm haqqında şəhadətnamə olmadığı üçün vərəsəlik işlərini həyata kecirə bilmirlər. Vərəsəlik işləri üçün onlara mütləq şəkildə ölüm faktının məhkəmə qaydasında müəyyən edilməsi lazımdır. Buna görə də ölüm faktının məhkəmə tərəfindən müəyyən edilməsi üçün hazırkı ərizə ilə müraciət etmək məcburiyyətindədirlər.
Tərəflərin izahatları:
3. Məhkəmə iclasında iştirak edən Ərizəçi ərizənin məzmununa uyğun izahat verərək, xx.xx.1957-ci il tarixdə Gürcüstan Respublikası, Dmanisi rayonu, Ormaşen kəndində anadan olmuş X6 17 dekabr 2024-cü il tarixdə Bakı şəhərində vəfat etməsi barədə qətnamə qəbul edilməsini xahiş etdi.
4. Maraqlı şəxs məhkəmə iclasının vaxtı və yeri barədə məlumatlandırılmasına baxmayaraq məhkəmədə səlahiyyətli nümayəndəsinin iştirakını təmin etməmişdir. Belə olan halda, məhkəmə maraqlı şəxsin nümayəndəsinin iştirakı olmadan işə baxılmasını mümkün hesab etmişdir.
5. Məhkəmə iclasında şahid qismində dindirilən X4 ifadəsində bildirdi ki, ərizəçi ilə üzbəüz qonşudurlar. Vəliyev Eldar xx.xx.2024-cü il tarixdə səhər saat 07:30-08:00 arası rəhmətə getmişdir. Xəstəliyi var idi, amma yataq xəstəsi deyildi. 4-cü mərtəbədə yaşayırdılar. Pilləkənləri yavaş-yavaş düşüb qalxırdı. Solmaz xanımın səsini esitdi, aşağı düşdü, blokda 1-ci mərtəbədə halı pisləşmişdir. Təcili yardım çağırmışdılar, amma o, gələnə qədər rəhmətə getdi. Vəfat edəndə yanında idilər. Binədə dəfn edilib, yas mərasimlərində iştirak etmişdir.
6. Məhkəmə iclasında şahid qismində dindirilən X5 ifadəsində bildirdi ki, qonşudurlar. 1-ci blokda yaşayırlar. Vəliyev Eldar xx.xx.2024-cü il tarixdə səhər saat 07:30-08:00 arası rəhmətə getmişdir. Səs-küy eşitdi, bloka qaçdı. Evinə yuxarı çıxmaq istəyəndə blokda halı pisləşdi, təcili yardım çağırdılar. Amma o, gələnə qədər rəhmətə getdi. Vəfat edəndə yanında idilər. Binədə dəfn edilib, yas mərasimlərində iştirak etmişdir.
İş materialları:
7. Maraqlı şəxs 10 yanvar 2025-ci il tarixli 3-16-5/8-3133-15/25 nömrəli cavab məktubundan görünür ki, ərizəçinin ərizəsinə baxılmış və Azərbaycan Respublikası Ailə Məcəlləsinin 193-cü maddəsinin tələblərinə əsasən “Ölüm bu barədə məlumat verən şəxsin seçdiyi, ölüm faktı məhkəmə tərəfindən müəyyən edildikdə və ya şəxs ölmüş elan edildikdə isə məhkəmə qətnaməsinin çıxarıldığı yer üzrə müvafiq icra hakimiyyəti orqanının müəyyən etdiyi orqanda (qurumda) dövlət qeydiyyatına alınır. Azərbaycan Respublikası Nazirlər Kabinetinin 145 saylı, xx.xx.2003-cü il tarixli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydasının 8.4-cü bəndinə əsasən ölüm haqqında məlumat Qeydiyyat şöbəsi, konsulluq idarəsi və icra hakimiyyətinin nümayəndəliyinə ölümün baş verdiyi və ya meyitin tapıldığı vaxtdan on gündən gec olmayaraq verilməlidir. Həmin Qaydanın 8.5-ci bəndinə əsasən ölüm faktı tibb müəssisəsinin müvafiq sənədi ilə (ölüm haqqında həkim arayışı, ölüm haqqında feldşer arayışı ilə) təsdiq edilməlidir. Ölüm haqqında həkim şəhadətnaməsi olmadıqda ölüm faktı məhkəmə tərəfindən müəyyən edilir. X6 ölüm faktının müəyyən edilməsi üçün aidiyyəti üzrə məhkəməyə müraciət etməyi tövsiyə olunmuşdur.
8. Bakı şəhəri Təcili və X3 Stansiyasının 17 dekabr 2024-cü il tarixli ölüm haqqında xəbərdarlıq vərəqəsindən görünür ki, X6 ölüm faktı təsdiq olunmuşdur.
9. AA seriyalı ******* nömrəli şəxsiyyət vəsiqəsinin surətindən görünür ki, X8 xx.xx.1957-ci ildə anadan olmuşdur.
10. 26 nömrəli şəhər poliklinikasının 18 dekabr 2024-cü il tarixli məktubunun surətindən görünür ki, xx.xx.1957-ci il təvəllüdlü X7 26 nömrəli şəhər poliklinikasına müraciət etmədiyi üçün tərəflərindən “ölüm haqqında şəhadətnamə” verilməmişdir.
11. Xəzər Rayonu Binə Bələdiyyəsinin xx.xx.2025-ci il tarixli məktubundan görünür ki, xx.xx.1957-ci il təvəllüdlü X8 17 dekabr 2024-cü il tarixdə Xəzər rayonu, Binə qəsəbəsində yerləşən qəbiristanlığında dəfn edilmişdir.
İşin faktiki halları:
12. Məhkəmə iclasında müəyyən olundu ki, X8 xx.xx.1957-ci il tarixdə Gürcüstan Respublikası, Dmanisi rayonu, Ormaşen kəndində anadan olmuşdur. X8 17 dekabr 2024cü il tarixdə vəfat etmiş Xəzər rayonu, Binə qəsəbə qəbiristanlığında olunmuşdur. Ərizəçinin müraciəti Maraqlı şəxs tərəfindən araşdırılmış və izah edilmişdir ki, ərizəçi, X6 ölüm faktını təsdiq edən sənədi təqdim edə bilmədiyindən ölüm faktının müəyyən edilməsi üçün aidiyyatı üzrə məhkəməyə müraciət etməsi tövsiyə olunmuşdur.
Tətbiq edilən hüquq:
13. Azərbaycan Respublikası Mülki Prosessual Məcəlləsinin:
305.1.1-ci maddəsinə əsasən, məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır. 307-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. 307.2.3-cü maddəsinə əsasən, məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxır. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin. 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır.
14. Azərbaycan Respublikası Ali Məhkəməsi Plenumunun “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” 12 aprel 2019-cu il tarixli, 03 saylı Qərarının:
1.1-ci bəndinə əsasən xüsusi icraat işlərinə Azərbaycan Respublikası Mülki Prosessual Məcəlləsinin 30-40-6-cı fəsillərində müəyyən edilmiş xüsusiyyətlərlə iddia icraatı qaydasında baxılır. Xüsusi icraat işləri ərizəçilər tərəfindən qaldırılır, ərizəçinin və maraqlı şəxsin iştirakı ilə baxılır. Xüsusi icraat işlərinə iddia icraatı üzrə işlərin həllini tənzim edən normalar o, şərtlə tətbiq edilə bilər ki, həmin normalar xüsusi icraat işlərinin bu və ya digər növü üçün müəyyən edilən xüsusi normalara zidd olmasın. Xüsusi icraat qaydasında işlərə baxılmasının məhkəmə aidiyyət məsələləri də xüsusi normalarla tənzimlənir. 1.2-ci bəndinə əsasən hüquqi əhəmiyyəti olan faktlar məhkəmə qaydasında o halda müəyyən edilə bilər ki, qanuna əsasən belə faktlar hüquqi nəticələr doğurmaqla fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinə səbəb olsun, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın, qüvvədə olan qanunvericiliklə belə faktın müəyyən edilməsinin məhkəmədən kənar qaydası nəzərdə tutulmasın və hüquq haqqında mübahisə olmasın. Bütün bu şərtlər birlikdə mövcud olmalıdır, onların hər hansı birinin mövcud olmaması həmin işə xüsusi icraat qaydasında baxılmasını istisna edir. 1.4-cü bəndinə əsasən lazımi sənədin alınmasının mümkünsüzlüyü dedikdə qanunvericilikdə bu və ya digər faktın qeydiyyatı qaydasının nəzərdə tutulmaması (məsələn, şəxsin öhdədə olması faktı), yaxud da faktın qeydiyyatı qaydasına riayət edilməməsi və mövcud şəraitdə belə qaydadan istifadə olunmasının qeyri-mümkünlüyü (məsələn, atalığın etiraf olunması faktı, müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktı) nəzərdə tutulur. İtən sənədlərin bərpasının mümkünsüzlüyü dedikdə belə sənədin itməsi və ya məhv olması nəticəsində müvafiq orqan tərəfindən həmin sənədin dublikatının verilməsinin mümkün olmaması başa düşülür. 1.6-cı bəndinə əsasən məhkəmələrə izah edilir ki, ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməli və həmin sübutlar ərizəyə əlavə edilməlidir 4.8-ci bəndinə əsasən ölümün qeydə alınma faktının müəyyən edilməsi ilə göstərilən şəxsin müəyyən vaxtda və müəyyən şəraitdə ölməsi faktının müəyyən edilməsini biribirindən fərqləndirmək lazımdır. Birinci hal onu nəzərdə tutur ki, şəxsin ölümü əvvəllər qeydə alınmışdır, lakin həmin qeyd ərizəçidə, o cümlədən vətəndaşlıq vəziyyəti aktlarının dövlət qeydiyyatı orqanlarında saxlanılmamışdır. İkinci hal isə, vətəndaşlıq vəziyyəti aktlarının dövlət qeydiyyatı orqanları ölüm faktını qeydə almaqdan imtina etdikləri təqdirdə mövcud olur.
Məhkəmənin mövqeyi:
15. Məhkəmə ərizəçinin izahatını, şahidlərin ifadələrini nəzərə alıb və mülki işin materiallarını araşdırıb, toplanmış sübutlara hüquqi qiymət verərək hesab edir ki, ərizə təmin edilməlidir.
16. Göründüyü kimi X6 17 dekabr 2024-cü il tarixdə Bakı şəhərində vəfat etməsi təqdim olunmuş sənədlərlə və şahid ifadələri ilə tam təsdiq olunur, ərizəçi qeyd olunan faktı təsdiq edən lazımi sənədi başqa qaydada ala bilmədiyindən məhkəməyə müraciət etmişdir. Bu faktın təsdiq edilməsi X6 ölüm haqqında şəhadətnaməsinin alınması üçün tələb olunur. Məhkəmə baxışının hədləri:
17. Azərbaycan Respublikasının Mülki Prosessual Məcəlləsinin:
14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. 82.3-cü maddəsinə görə bir mülki iş üzrə qanuni qüvvəyə minmiş məhkəmə qətnaməsi ilə müəyyən edilmiş faktlar həmin işdə iştirak edən şəxslər tərəfindən başqa məhkəmə prosesində mübahisələndirilmir və yenidən sübut edilmir. 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır.
Məhkəmə xərcləri:
18. Məhkəmə hesab edir ki, ərizə təmin edildiyindən və ərizəçi tələb etmədiyindən məhkəmə xərclərinə aid olan ödənilmiş dövlət rüsumu ərizəçiyə aid edilməlidir.
Nəticə:
19. Beləliklə, məhkəmə toplanmış sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verərək hesab edir ki, ərizə təmin edilməli, xx.xx.1957-ci il tarixdə Gürcüstan Respublikası, Dmanisi rayonu, Ormaşen kəndində anadan olmuş X6 17 dekabr 2024-cü il tarixdə Bakı şəhərində vəfat etməsi barədə hüquqi fakt müəyyən edilməlidir. Qətnamə ölüm akt qeydinin aparılaraq ölüm haqqında şəhadətnamənin verilməsi üçün əsasdır.
20. Şərh olunanlara əsaslanaraq və Azərbaycan Respublikasının Mülki Prosessual Məcəlləsinin 216-220-ci maddələrini rəhbər tutaraq məhkəmə,
Qət etdi:
Ərizə təmin olunsun. xx.xx.1957-ci il tarixdə Gürcüstan Respublikası, Dmanisi rayonu, Ormaşen kəndində anadan olmuş X6 17 dekabr 2024-cü il tarixdə Bakı şəhərində vəfat etməsi barədə hüquqi fakt müəyyən edilsin. Qətnamə ölüm akt qeydinin aparılaraq ölüm haqqında şəhadətnamənin verilməsi üçün əsasdır. Məhkəmə xərcləri ərizəçiyə aid edilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə (“Elektron məhkəmə” informasiya sistemində yaradılmış elektron kabinet vasitəsilə) Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir.
Sədrlik edən: Ülkər Yusifova