Bakı Şəhəri Nizami Rayon Məhkəməsi Qətnamə — İş №2(007)-1286/2021

Azərbaycan Respublikası adından QƏTNAMƏ Bakı şəhəri İş № 2(007)-1286/2021 10.06.2021 BAKI ŞƏHƏRİ NİZAMİ RAYON MƏHKƏMƏSİ Əhmədova Həqiqət Mülazim qızının sədrliyi, Həsənova Vəfa Oruc qızının katibliyi, Ərizəçi iştirakı ilə, Ərizəçi maraqlı şəxs Bakı şəhəri Nizami rayon Qeydiyyat şöbəsinə qarşı “ölüm faktının müəyyən edilməsi” haqqında ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: Ərizəçi maraqlı şəxs Bakı şəhəri Nizami rayon Qeydiyyat şöbəsinə qarşı “ölüm faktının müəyyən edilməsi” haqqında ərizə və dəqiqləşdirilmiş ərizə ilə məhkəməyə müraciət edərək, anası X1 26 fevral 2003-cü il tarixdə ölüm faktının müəyyən edilməsi barədə qətnamə qəbul edilməsini xahiş etmişdir. Ərizəçi ərizəsini onunla əsaslandırmışdır ki, mərhum anası X2 xx.xx.2003-cü il tarixdə vəfat etmiş və qohumları ilə birgə onu Xırdalan Bələdiyyəsinin tabeliyində olan Xırdalan qəbristanlığında dəfn edilmişdir. Hal hazırda onun qəbri Xırdalan qəbristanlığında yerləşir. X1 ölüm faktını şahidlər və müvafiq icra hakimiyyəti orqanlarından alınmış arayışlar təsdiq edə bilər. İşğaldan azad edilmiş Ağdam rayonuna sakin olaraq yaşamaq üçün qayıtmaları ilə bağlı sənədlər siyahısında valideynlər barədə məlumat da təlab edildiyindən dünyasını dəyişmiş anası Nəzeykəin ölüm haqqında şəhadətnaməsini təqdimm edə bilmir. Məhkəmə iclasında Ərizəçi ərizənin dəlillərini müdafiə edib, eyni məzmunlu izahat verərək ərizənin təmin olunmasını məhkəmədən xahiş etdi. Məhkəmə iclasının vaxtı və yeri barədə lazımi qaydada xəbərdar edilmiş maraqlı şəxs məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə Mülki Prosessual Məcəllənin 185.5-ci maddəsinin tələblərini nəzərə alaraq, maraqlı şəxsin iştirakı olmadan iddia ərizəsini baxılmasını mümkün hesab etmişdir. Məhkəmənin əvvəlki iclasında X4 şahid qismində ifadə verərək göstərmişdir ki, X2 26 fevral 2003-cü il tarixdə avqtobuda vəfat etmişdir. Dəfində iştirak etmişdir. Məhkəmə əvvəlki iclasında X5 şahid qismində ifadə verərək göstərmişdir ki, Ərizəçionun əmisinin bacanağıdır. X2 26 fevral 2003-cü il tarixdə vəfat etmişdir. Dəgndə iştirak etmişlər. Yolda rəhmədə getdiyini eşitmişdir. Hüzür yeri Nizami rayonunda idi. Məhkəmə ərizəçinin izahatını dinləyib və mülki işin materiallarını araşdırıb, toplanmış sübutlara hüquqi qiymət verərək hesab edir ki, ərizə təmin edilməlidir. İş materiallarında olan və məhkəmə iclasında tədqiq edilmiş: - Bakı Şəhəri Nizmai rayon Qeydiyyat Şöbəsi tərəfindən Ərizəçi göndərilmiş 04 dekabr 2020-ci il tarixli məktubundan görünür ki, vətəndaşlıq vəziyyəti aktlarının dövlət qeydiyyatı qaydasının 8.5 bəndinə əsasən ölüm faktı ölüm haqqında tibbi şəhadətnaməsi ilə təsdiq olunmalıdır. Həmin sənəd olmadığına görə ölüm faktını müəyyən etmək üçün məhkəməyə müraciət etməsi tövsiyyə edilmişdir. - Abşeron Rayonu Xırdalan Bələdiyyəsi tərəfindən verilmiş 30 noyabr 2020-ci il tarixli Arayışdan görünür ki, X2 26 fevral 2003-cü il tarixində Xırdalan Bələdiyyəsinin tabeliyində olan Xırdalan qəbristanlığında dəfn olunmuşdur. - Xırdalan Bələdiyyəsinin əməkdaşları X8 və X3 tərəfindən tərtib edilərək imzalanmış aktın saurətindən görünür ki, onlar həqiqətən də təsdiq edirlər ki, X2 26 fevral 2003-cü il tarixdə Xırdalan qəbristanlığında dəfn olunmuşdur. - Azərbaycan Respublikası Səhiyyə Nazirliyi “Akademik M.Ə Mirqasımov adına Respublika Klinik Xəstəxanası” X11 tərəfindən Ərizəçi göndərilmiş 25 noyabr 2021-ci il traixli məktubdan görünür ki, vətəndaş X1 meyidi RKX-nın İ qəbul şöbəsinə xx.xx.2003 tarixdə saat 20:10-da qohumları tərəfindən gətirilmişdir. Qohumlarının dediyinə görə ölüm 140 saylı marşrut avtobusunda baş vermişdir. Reanimatoloq F.Süleymanlı ilə birlikdə bioloji ölüm təsdiq olunmuşdur. Məhkəmə iclasında müəyyən olundu ki, Ərizəçi anası X2 26 fevral 2003-cü il tarixdə Bakı şəhərində vəfat etmişdir. Lakin mərhumun ailə üzvləri ölüm faktını təsdiq edən tibbi şəhadətnamə almamışlar. Ərizəçi anasının ölümünün qeydə alınaraq ölüm haqqında şəhadətnamənin verilməsi üçün Bakı şəhəri Nizami rayon Qeydiyyat şöbəsinə müraciət etmiş, lakin ölüm faktını təsdiq edən tibbi şəhadətnamə təqdim edilmədiyi üçün ölümün qeydə alınmasından imtina edilmişdir. Azərbaycan Respublikası Mülki Prosessual Məcəlləsinin: 305.1.1-ci maddəsinə əsasən məhkəmə xüsusi icraat qaydasında hüquqi əhəmiyyəti olan faktların müəyyən edilməsi haqqında işlərə baxır; 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır; 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın; 309.1-ci maddəsinə əsasən hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir; 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Göründüyü kimi, ərizəçi mərhumun ölümünü qeyd etdirə və bu haqda şəhadətnaməni başqa qaydada ala bilmədiyindən bununla bağlı məhkəməyə müraciət etmişdir. Ölümün qeyd edilməsi ərizəçiyə müvafiq sənədlərin hazırlanması üçün lazımdır. Beləliklə, məhkəmə toplanmış sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verərək hesab edir ki, ərizə təmin edilməli, Ərizəçi anası X1 26 fevral 2003-cü il tarixdə Bakı şəhərində vəfat etməsi faktı müəyyən edilməlidir. Qətnamə ölüm akt qeydinin aparılaraq ölüm haqqında şəhadətnamənin verilməsi üçün əsasdır. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə hesab edir ki, məhkəmə xərclərinə aid olan ödənilmiş dövlət rüsumu ərizəçiyə aid edilməlidir. Şərh olunanlara əsaslanaraq və Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ: Ərizə təmin edilsin. X1 26 fevral 2003-cü il tarixdə Bakı şəhərində vəfat etməsi faktı müəyyən edilsin. Qətnamə ölüm akt qeydinin aparılaraq ölüm haqqında şəhadətnamənin verilməsi üçün əsasdır. Məhkəmə xərclərinə aid olan ödənilmiş 10,0 manat dövlət rüsumu Ərizəçi aid edilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim Həqiqət Əhmədova