Bakı Şəhəri Nizami Rayon Məhkəməsi Qərardad — İş №2(007)-4030/2021

Azərbaycan Respublikası adından QƏRARDAD Bakı şəhəri İş № 2(007)-4030/2021 09.12.2021 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi, İddiaçının nümayəndəsi və vəkili Vəkil, Cavabdehin nümayəndəsi Nümayəndə iştirakı ilə İddiaçı "xxxx" MMC-nin Cavabdeh qarşı müqavilə öhdəliyinin yerinə yetirilməsi və dəymiş zərərin ödənilməsi tələbinə dair mülki işə açıq məhkəmə iclasında baxaraq, MÜƏYYƏN E T D İ: İddiaçı "xxxx" MMC Cavabdeh qarşı müqavilə öhdəliyinin yerinə yetirilməsi və dəymiş zərərin ödənilməsi tələbinə dair iddia ərizəsi ilə məhkəməyə müraciət etmişdir. 09 dekabr 2021-ci il tarixli məhkəmə iclasında İddiaçının nümayəndəsi və vəkili Vəkil ərizə verərək göstərmişdir ki,cavabdehdən tərəfdən iddiaçıya 1500 manat pul verilmişdir.Bu səbəbdən hazırkı iş üzrə iddiadan imtina edir və işin icraatına xitam verilməsini xahiş edir. Cavabdehin nümayəndəsi Nümayəndə izahat verərək göstərdi ki, həqiqətən də iddiaçıya 1500 manat pul vermişdir və mübahisə məhkəmədən kənar həll olunmuşdur.Ona görə də iddiaçının iiddiadan imtinasının qəbul olunmasına,işin icraatına xitam verilməsinə etiraz etmədiyini bildirdi Məhkəmə,işdə iştirak edən şəxsləri dinləyib iddiaçının ərizəsini iş materialları ilə birlikdə araşdırıb hesab edir ki,iddiaçının iddiadan imtinası təsdiq olunmaqla işin icraatına xitam verilməlidir. Azərbaycan Respublikası MPM-nin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa iş üzrə icraata xitam verilir. Həmin Məcəllənin 52.5.-ci maddəsinə əsasən iddiaçının iddiadan imtina etməsi, iddianın cavabdeh tərəfindən etiraf edilməsi və tərəflərin barışıq sazişi qanuna zidd olarsa və ya hər hansı bir şəxsin hüquqlarını və qanunla qorunan mənafeyini pozarsa, məhkəmə belə hərəkətləri qəbul etmir. Belə hallarda məhkəmə mübahisəyə mahiyyəti üzrə baxır. Həmin Məcəllənin 191.2-ci maddəsinə görə hakim iddiaçının iddiadan imtina etməsini, cavabdehin iddianı etiraf etməsini və tərəflərin barışıq sazişini təsdiq edənə qədər onlara müvafiq prosessual hərəkətlərin nəticələrini izah edir. İddiaçı iddiadan imtina etdikdə və bu, məhkəmə tərəfindən təsdiq edildikdə və ya tərəflərin barışıq sazişini təsdiq etdikdə məhkəmə bu barədə qərardad çıxararaq, bu qərardadla eyni zamanda iş üzrə icraata xitam verir. Tərəflərin məhkəmə tərəfindən təsdiq edilən barışıq sazişinin şərtləri qərardadda göstərilməlidir. Məhkəmə hesab edir ki, iddiaçının iddiadan imtinası qanuna zidd deyil və ya hər hansı bir şəxsin hüquqlarını və qanunla qorunan mənafeyini pozmur, ona görə də təsdiq olunmalıdır. Qeyd olunanlara əsasən və Azərbaycan Respublikası MPM-nin 52,191,263, 264-cü maddələrini rəhbər tutaraq, məhkəmə Q Ə R A R A A L D İ: İddiaçı "xxxx" MMC-nin Cavabdeh qarşı müqavilə öhdəliyinin yerinə yetirilməsi və dəymiş zərərin ödənilməsi tələbinə dair mülki iş üzrə iddiaçının iddiadan imtinası təsdiq olunsun. İddiaçı "xxxx" MMC-nin Cavabdeh qarşı müqavilə öhdəliyinin yerinə yetirilməsi və dəymiş zərərin ödənilməsi tələbinə dair 2 (007)-4030/2021 mülki işin icraatına xitam verilsin. Qərardaddan rəsmi qaydada verildikdən sonra 10 gün müddətinə Bakı Şəhəri Nizami Rayon Məhkəməsinə şikayət verilə bilər. Hakim: Fikrət Mirzəyev