Bakı Şəhəri Sabunçu Rayon Məhkəməsi Qətnamə — İş №2(008)-3052/2023

Azərbaycan Respublikası adından QƏTNAMƏ Bakı şəhəri İş № 2(008)-3052/2023 02.06.2023 BAKI ŞƏHƏRİ SABUNÇU RAYON MƏHKƏMƏSİ Hakim Mirzəliyev Ruslan Əsəd oğlunun sədrliyi, Məhkəmə iclas katibi Həsənova Familə Məmməd qızının katibliyi, Ərizəçi iştirakı ilə, Ərizəçi maraqlı şəxs Bakı şəhər Maraqlı şəxsnə qarşı “ölüm faktının müəyyən olunması” tələbinə dair ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: Ərizəçi maraqlı şəxs Bakı şəhər Maraqlı şəxsnə qarşı “ölüm faktının müəyyən olunması” tələbinə dair ərizə ilə məhkəməyə müraciət edərək, xx.xx.1938-ci il tarixdə doğulmuş X3 xx.xx.1993-cü il tarixində Bakı şəhərində vəfat etməsi faktının müəyyən edilməsi barədə qətnamə qəbul edilməsini xahiş etmişdir. Tələbi onunla əsaslandırılmışdır ki, Maştağa qəsəbəsi, İlqar Həsənov küçəsi, ev 48 ünvanıda olan ev atası X6 adınadır. Atası 2002-ci ildə ölüb və onun ölümündən sonra vərəsəlik işinin açılaraq mirası qəbul etmək üçün notariat ofisinə müraciət etdikdə, anası X2 ölüm haqqında şəhadətnaməsi tələb edilib. Anası xx.xx.1993-cü ildə vəfat etsə də, onun ölüm faktı qeydə alınmayıb, anasının ölüm haqqında şəhadətnaməsi olmadığından ona imtina verilmişdir. Bu səbəbdən də mirası qəbul edə bilmir. Anasının dəfn mərasimi ilə əlaqədar ölüm haqqında tibbi şəhadətnaməni ala bilməmiş, ölüm haqqında şəhadətnamənin verilməsi üçün Qeydiyyat Şöbəsinə müraciət olunmuşdur. Bakı şəhəri Maraqlı şəxs xx.xx.2023-cü il tarixli cavab mətubu ilə ölümün qeydə alınması, ölüm haqqında tibbi şəhadətnamə və ya məhkəmə qətnaməsi əsasında aparıldığı üçün ölüm faktının müəyyən edilməsi üçün məhkəməyə müraciət edilməsi məsləhət görülmüşdü. Məhkəmə iclasında iştirak etmiş Ərizəçi ərizəni müdafiə edərək, tələbinin təmin olunması barədə qətnamə qəbul edilməsini xahiş etmişdir. Maraqlı şəxs məhkəmə iclasının vaxtı və yeri barəsində lazımi qaydada məlumatlandırılmasına baxmayaraq, məhkəmə iclasında səlahiyyətli nümayəndəsinin iştirakını təmin etməmişdir. Məhkəmə Azərbaycan Respublikası MPM-nin 185.5-ci maddəsinə əsasən, işə maraqlı şəxsin nümayəndəsinin iştirakı olmadan baxılmasını mümkün hesab etmişdir. İş materiallarında olan 24 fevral 2023-cü il tarixli arayışdan görünür ki,X5 1993-cü il tarixdə Bakı şəhəri, Sabuçu rayonu, Maştağa qəsəbəsi ərazisində yerləşən “Seyyidlər” qəbirstanlığda dəfn edilmişdir. İş materiallarında olan Bakı şəhəri Maraqlı şəxs 3-16-5/8-11-336/2023 nömrəli, xx.xx.2023-cü il tarixli məktubdan görünür ki, xx.xx.1938-ci il təvəllüdlü X5 xx.xx.1993-cü il tarixdə ölməsi faktını təsdiq edən tibb müəssisəsinin müvafiq sənədi olmadığından qeydiyyat şöbəsində ölümün qeydə alınması mümkün olmamışdır. Ərizəçiyə ölüm faktının müəyyən olunması üçün məhkəməyə müraciət etməsi tövsiyyə olunmuşdur. İş materiallarında olan Q/A 005 nömrəli xx.xx.2023-cü il tarixli “X17” Məscidi tərəfindən verilmiş arayışa əsasən X4 aid məzar Sabunçu rayonu, Maştağa qəsəbəsində Seyyidlər qəbirdtanlığında yerləşir. Məhkəmə iclasına dəvət olunmuş şahid X7 ifadəsində bildirmişdir ki, mərhum anasıdır, xx.xx.1993-cü ildə vəfat etmişdir. Anaları ölən günə kimi Xanlar küçəsi 48A ünvanıda yaşadığını və Maştağa ərazisində dəfn olunub. Məhkəmə iclasına dəvət olunmuş şahid X13 ifadəsində bildirmişdir ki, mərhum qaynanamdır 1993-cü ildə vəfat edib, ölən günə kimi Xanlar küçəsi 48A ünvanında yaşayıb və Maştağa ərazisində dəfn olunub. Məhkəmə iclasına dəvət olunmuş şahid X1 Mehparə qudamdır, Maştağa qəsəbəsində yaşayıb 1993-cü ildə ölüb. Məhkəmə ərizəçinin izahatını, şahidlərin ifadəsini dinləyib, onları iş üzrə təqdim olunmuş digər sübutlarla yanaşı yoxlayaraq, ərizəçinin tələblərinin dəlillərini, işdə olan sübutları işin bütün faktiki hallarının tam, hərtərəfli və obyektiv araşdırılmasına əsaslanmaqla qiymətləndirərək belə hesab edir ki, aşağıda göstərilənlərə əsasən ərizə təmin edilməlidir. Beləliklə, məhkəmə iclasında müəyyən edilmişdir ki, X5 ərizəçinin anasıdır. O, xx.xx.1993-cü ildə Bakı şəhərində vəfat edib, ölüm faktını təsdiq edən tibb müəssisəsinin müvafiq sənədi olmadığına görə, ona ölüm haqqında şəhadətnamə ala bilməmişdir.Ölüm haqqında tibbi şəhadətnamə alınması üçün ərizəçi qeydiyyat orqanına müraciət etmiş, lakin imtina cavabı almışdır. Azərbaycan Respublikası Mülki Prosessual Məcəlləsinin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 307.2.8-ci maddəsinə əsasən məhkəmə müvafiq icra hakimiyyəti orqanlarının imtina etdiyi hallarda, şəxsin müəyyən vaxtda, müəyyən şəraitdə vəfat etməsi faktının müəyyən edilməsi barədə işlərə baxır. Həmin Məcəllənin 308-ci maddəsinə əsasən, məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmə ərizənin dəlilləri ilə bağlı qeyd edir ki, həmin faktın müəyyən olunması ərizəçiyə hüquqlarının həyata keçirilməsi ilə bağlı olduğundan və qeyd edilən faktın müəyyən edilməsini digər qaydada əldə etmək mümkün olmadığından, ərizəçi möcvud tələblə məhkəməyə müraciət etmişdir. Buna görə də ərizə təmin edilməlidir. Azərbaycan Respublikası MPM-nin 77.1-ci maddəsinə əsasən, hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən, məhkəmə yalnız tərəflərin təqdim etdiyi sübutları araşdırmalı və onlardan istifadə etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Azərbaycan Respublikası MPM-nin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıda göstərilənlərə əsasən və Azərbaycan Respublikası MPM-nin 216-220 və 360-cı maddələrini rəhbər tutaraq, məhkəmə QƏT ETDİ: Ərizə təmin edilsin. xx.xx.1938-ci il tarixdə doğulmuş X3 xx.xx.1993-cü il tarixində Bakı şəhərində vəfat etməsi faktı müəyyən edilsin. Qətnamədən tərəflərə rəsmi qaydada təqdim olunan gündən 1 (bir) ay müddətində Bakı şəhəri Sabunçu rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim Ruslan Mirzəliyev