Bakı Şəhəri Səbail Rayon Məhkəməsi Qərardad — İş №2(009)-2134/2025

Azərbaycan Respublikası adından QƏRARDAD Bakı şəhəri İş № 2(009)-2134/2025 02.09.2025 BAKI ŞƏHƏRİ SƏBAİL RAYON MƏHKƏMƏSİ Abdullayev Şahin Zülfüqar oğlunun sədrliyi ilə Ərizəçi X2 Maraqlı şəxs qismində qeyd etməklə barışıq sazişinin təsdiq edilməsi barədə ərizəsinin məhkəmə icraatının mümkünlüyü məsələsinə baxaraq… MÜƏYYƏN ETDİ: Ərizəçi X1 Həsən Elçin oğlunu maraqlı şəxs qismində qeyd etməklə barışıq sazişinin təsdiq edilməsi barədə ərizə ilə Səbail rayon Məhkəməsinə müraciət etmişdir. Hakim ərizəni və iş materiallarını araşdıraraq hesab edir ki, ərizə aşağıdakı əsaslara görə sənədlərlə birlikdə geri qaytarılmalıdır. Hakim qeyd edir ki, ərizəçi ərizəsində özünün yaşayış ünvanı kimi ünvan 1ı göstərmişdir.Ərizəçinin qeyd etdiyi ünvan ünvan 2al rayonuna aiddir. AR Mülki Prosessual Məcəlləsinin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Hakim qeyd edir ki, Mülki Məcəllənin 27.1-ci maddəsinə əsasən, fiziki şəxsin adətən yaşadığı yer onun yaşayış yeri sayılır. Şəxsin bir neçə yaşayış yeri ola bilər. On dörd yaşına çatmamış şəxslərin yaşayış yeri valideynlik hüquqlarını itirməmiş valideynlərinin yaşayış yeri sayılır. “Yaşayış yeri və olduğu yer üzrə qeydiyyat haqqında” Qanunun 2-ci maddəsinə görə, şəxsin yaşayış yeri dedikdə tam həcmdə fəaliyyət qabiliyyətli şəxsin mülkiyyətçi kimi, icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, ahıllar və əlilliyi olan şəxslər, o cümlədən sağlamlıq imkanları məhdud 18 yaşınadək uşaqlar üçün sosial xidmət müəssisələri, xüsusi təhsil müəssisələri və digər bu kimi yaşayış yerləri başa düşülür. Hakim həmçinin qeyd edir ki, ərizəçinin yaşayış yeri ünvan 2al rayonuna aid olduğu üçün barışıq sazişinin təsdiq edilməsi ilə əlaqədar ərizəsinin qanunvericilikdə yalnız ərizəçinin yaşadığı yer üzrə verilməsi nəzərdə tutulduğundan hazırki ərizənin məhkəmə icraatı mümkün deyil. AR MPM-nin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Beləliklə hakim hesab edir ki, ərizə aidiyyat qaydalarının pozulması ilə Səbail rayon Məhkəməsinə verildiyindən ərizəçiyə geri qaytarılmalıdır. Həmin Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. AR MPM-nin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Şərh olunanlara əsasən və AR MPM-nin 151-152-ci maddələrini rəhbər tutaraq hakim… QƏRARA ALDİ: Ərizəçi X2 Maraqlı şəxs qismində qeyd etməklə barışıq sazişinin təsdiq edilməsi barədə ərizəsi sənədlərlə birlikdə ərizəçiyə geri qaytarılsın. İddiaçı X3 tərəfindən “Asan Ödəniş” sistemi vasitəsilə Səbail rayon məhkəməsinə verilmiş ərizəyə görə xx.xx.2025-ci il tarixdə ödənilmiş dövlət rüsumu – 100 (yüz) manat (qəbz nömrəsi **********80) geri qaytarılsın. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim Şahin Abdullayev