Bakı Şəhəri Səbail Rayon Məhkəməsi Qətnamə — İş №2(009)-298/2024

Azərbaycan Respublikası adından QƏTNAMƏ Bakı şəhəri İş № 2(009)-298/2024 10.01.2024 BAKI ŞƏHƏRİ SƏBAİL RAYON MƏHKƏMƏSİ X4 Rüstəmlinin sədrliyi, Hüseynova Mələk Bəxtiyar qızının katibliyi Ərizəçi iştirakı ilə, Ərizəçi “ölümün qeyd edilmə faktının müəyyən edilməsi” barədə ərizəsinə dair mülki işə 10 yanvar 2024-cü il tarixdə Bakı şəhəri Səbail Rayon Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: Ərizəçi “ölümün qeyd edilmə faktının müəyyən olunması” barədə ərizə ilə məhkəməyə müraciət edərək, X1 03 dekabr 2023-cü il tarixdə Bakı şəhərində vəfat etməsi faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, ərizəçinin atası X3 03 dekabr 2023-cü il tarixdə Bakı şəhərində yaşadığı evdə vəfat etmişdir. Həmin vaxt X6 çağırılsa da, həkimlər gələndə atası artıq keçinmişdir. Daha sonra atasının ölümü ilə bağlı Səbail rayon Qeydiyyat şöbəsinə ölüm haqqında tibbi şəhadətnamənin alınması məqsədilə müraciət etsə də, ona imtina verilmişdir. Məhkəmə iclasında iştirak etmiş ərizəçi ərizəsinə uyğun məzmunda izahat verərək ərizənin təmin olunmasını xahiş etmişdir. Maraqlı şəxs Səbail rayon Qeydiyyat Şöbəsi məhkəməyə məktub göndərərək, işə səlahiyyətli nümayəndəsinin iştirakı olmadan baxılmasını xahiş etmişdir. Məhkəmə MPMnın 185.5-ci maddəsinə əsaslanaraq işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə ərizəçinin izahatını dinləyib, iş materiallarını araşdıraraq hesab edir ki, ərizə əsaslı olduğundan təmin edilməlidir. Belə ki, iş materiallarında olan: AZE 17250480 nömrəli şəxsiyyət vəsiqəsinin surətindən görünür ki, X2 XX.XX.1958-ci ildə anadan olmuşdur. 34 nömrəli şəhər poliklinikasının xx.xx.2023-cü il tarixli arayışında qeyd edilmişdir ki, xx.xx.2023-cü il tarixdə 19 saylı BŞT və TTYS tərəfindən verilmiş məlumata əsasən ünvan 1 ünvanında qeydiyyatda olmuş XX.XX.1958-ci il təvəllüdlü X2 vəfat etmişdir. 19 saylı TTTYS tərəfindən verilmiş xəbərdarlıq vərəqəsinin surətindən aydın olur ki, xx.xx.2023-cü il tarixdə saat 16:09-da M.Müşfiq küçəsi ev 4B, mənzil 74 ünvanında X1 meyiti aşkar edilmişdir. Tərtər rayonu Tərtər Bələdiyyəsinin 07 yanavr 2024-cü il tarixli arayışında qeyd edilmişdir ki, X2 04 dekabr 2023-cü il tarixdə ünvan 3 ünvanında vəfat edib və Tərtər şəhəri Nizami küçəsində yerləşən şəhər qəbristanlığında dəfn olunub. Azərbaycan Respublikası Mülki Prosessual Məcəlləsinin: 307.1-ci maddəsinin tələbinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. 307.2.3-cü maddəsinə əsasən məhkəmə ölümün qeyd edilmə faktının müəyyən edilməsi barədə işlərə baxır. Məhkəmə iş üzrə təqdim edilmiş sübutlara əsasən hesab edir ki, XX.XX.1958-ci təvəllüdlü X1 xx.xx.2023-cü il tarixdə Bakı şəhərində vəfat etməsini təsdiq etmək üçün kifayət qədər sübut vardır. Göstərilənlərə əsaslanaraq və Azər. Resp. MPM-nın 216-220 və 305-311-ci maddələrini rəhbər tutaraq məhkəmə QƏT ETDİ: Ərizə təmin edilsin. XX.XX.1958-ci təvəllüdlü X1 xx.xx.2023-cü il tarixdə Bakı şəhərində vəfat etməsi faktı müəyyən edilsin. X2 barədə ölüm haqqında şəhadətnamənin verilməsi Maraqlı şəxsnə həvalə edilsin. Qətnamədən rəsmi qaydada verildiyi və ya alındığı gündən 1 (bir) ay müddətində Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: İlkin Rüstəmli