Bakı Şəhəri Səbail Rayon Məhkəməsi Qətnamə — İş №2(009)-319/2025

Azərbaycan Respublikası adından QƏTNAMƏ Bakı şəhəri İş № 2(009)-319/2025 23.01.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Rəna Nazim qızı Qafarovanın sədrliyi, Elxan Elşən oğlu Eminovun katibliyi, Ərizəçi iştirakı ilə, Ərizəçi Səbail Rayon Qeydiyyat Şöbəsi maraqlı şəxs qismində qeyd edilməklə “ölümün qeyd edilmə faktının müəyyən edilməsi” barədə ərizəsi üzrə mülki işə məhkəmənin binasında açıq məhkəmə iclasında, xüsusi icraat qaydasında baxaraq, məhkəmə MÜƏYYƏN ETDİ: Təsviri hissə: Ərizəçi Səbail Rayon Qeydiyyat Şöbəsi maraqlı şəxs qismində qeyd edilməklə “ölümün qeyd edilmə faktının müəyyən edilməsi” barədə ərizə ilə məhkəməyə müraciət edərək, oğlu 22 oktyabr 1983-cü il təvəllüdlü X1 31 avqust 2024-cü il tarixdə faktiki yaşadığı evdə vəfat etməsi faktının müəyyən edilməsi barədə qətnamə qəbul edilməsini xahiş etmişdir. Ərizəçi ərizəsini belə əsaslandırmışdır ki, oğlu xx.xx.1983-cü il təvəllüdlü X5 31 avqust 2024-cü il tarixdə faktiki yaşadığı ünvan 1 ünvanda vəfat etmiş və onun ölümü ilə əlaqədar xx.xx.2024-cü il tarixində Təcili və X2 Stansiyasının həkimi tərəfindən “Ölüm haqqında xəbərdarlıq vərəqəsi” verilmişdir. Nəzərə çatdırır ki, tərəfindən xx.xx.2024-cü il tarixli ərizə ilə oğlu X1 qeydiyyatda olduğu ərazi üzrə Maraqlı şəxsnə müraciət olunaraq onun adına “Ölüm haqqında şəhadətnamə”nin verilməsi xahiş olunmuşdur. Həmin ərizəsiylə əlaqədar Səbail rayon Qeydiyyat şöbəsinin rəisi Suella Şərifzadə tərəfindən ona ünvanlanmış xx.xx.2024-cü il tarixli, 3-16- 5/7/15/854 nömrəli məktubda Azərbaycan Respublikası Nazirlər Kabinetinin 31 oktyabr 2003-cü il tarixli, 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci bəndinə əsasən “ölüm haqqında tibbi şəhadətnamə” olmadıqda ölüm faktının məhkəmə tərəfindən müəyyən edildiyinə istinad edərək bu məsələ ilə bağlı məhkəməyə müraciət etməli olduğunu bildirmişdir. Onu da qeyd edir ki, oğlu X5 vəfat etdikdən sonra 31 avqust 2024-cü il tarixdə Bakı şəhərində Bibiheybət qəbristanlığında dəfn edilmişdir. Nəzərə çatdırır ki, o, vəfat etmiş oğlunun qanun üzrə birinci növbəli vərəsəsidir. Vərəsəlik işi ilə əlaqədar subyektiv hüquqlarının həyata keçirilməsi zərurəti ölüm faktının müəyyən edilməsi və ölüm haqqında şəhadətnamənin əldə edilməsi zərurətini doğurduğundan əvvəlcə Maraqlı şəxsnə müraciət etmiş, lakin, sözügedən şöbə bununla əlaqədar mühkəməyə müraciət etməli olduğumu bildirdikdən sonra o da hazırkı ərizə ilə məhkəməyə müraciət edir. Məhkəmə iclasında iştirak etmiş Ərizəçi ərizəsini müdafiə edərək ərizənin təmin edilməsini xahiş etmişdir. Məhkəmə iclasında şahid qismində dindirilmiş X3 bildirmişdir ki, X5 dostu olmuş, uşaqlıqdan bir yerdə böyümüşlər. 31 avqust 2024-cü il tarixdə səhər saatlarında onların digər dostu Hüseynov Ramin zəng vuraraq Nicatın dünyasını dəyişməsini ona xəbər vermişdir. Onlar Raminin yaşadığı ünvana çatdıqda təcili yardım maşını və Raminin cəsədini görmüşlər. Bundan sonra atasına xəbər vermişlər. O, dəfn və yas mərasimində iştirak etmişdir. Məhkəmə iclasının vaxtı və yeri barədə xəbərdar edilmiş maraqlı şəxs Səbail Rayon Qeydiyyat Şöbəsininin nümayəndəsi məhkəmə iclasına gəlməmiş, lakin xx.xx.2025-ci il tarixdə məhkəməyə ərizə ilə müraciət edərək nümayəndəsinin iştirakı olmadan işə baxılmasını xahiş etmişdir. Məhkəmə MPM-in 185.6-cı maddəsinə əsasən mülki işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Məhkəmə iş materiallarını araşdıraraq hesab edir ki, ərizə təmin edilməlidir. Belə ki, iş materiallarında olan X4 məxsus AA ******* nömrəli şəxsiyyət vəsiqəsinin surətindən görünür ki, X5 xx.xx.1983-cü ildə Bakı şəhərində doğulmuşdur. İş materiallarında olan Təcili və X2 Stansiyası ölüm haqqında xəbərdarlıq vərəqəsindən görünür ki, X5 barəsində xx.xx.2024-cü il tarixdə çağırış edilmiş, aparılmış müalicə tədbirləri həkimə qədərki ölüm, qəfləti ölüm qeyd edilmişdir. İş materiallarında olan Azərbaycan Respublikası “TƏBİB” PHŞ “Bakı Baş Səhiyyə Mərkəzi” PHŞ 33 nömrəli şəhər poliklinikası tərəfindən verilmiş xx.xx.2025-ci il tarixli, 18-1-1-28/2-Ə-3-42- 2/2025 nömrəli arayışdan görünür ki, xx.xx.2024-cü il tarixdə 9 saylı BŞT və TTYS tərəfindən verilmiş məlumata əsasən ünvan 3 ünvanında yaşamış X5 (9 mkr Mir Cəlal 72, mən 219 ünvanında) vəfat etmişdir. Vəfat etmiş şəxsin 33 №li Şəhər Poliklinikasına xəstəliklə əlaqədar müraciət etmədiyinə və ölümünə səbəb olacaq xəstəlik haqqında heç bir tibbi sənəd təqdim edilmədiyinə görə Azərbaycan Respublikası Səhiyyə Nazirliyinin Kollegiyasının 31 yanvar 2018-ci il tarixli 05 №li qərarına müvafiq olaraq poliklinika tərəfindən 106 №li ölüm haqqında tibbi şəhadətnamə verilməsi mümkün olmamışdır. İş materiallarında olan Səbail Rayon Qeydiyyat şöbəsi tərəfindən Ərizəçi ünvanlanmış xx.xx.2024-cü il tarixli, 3-16-5/7/15/854 nömrəli məktubdan görünür ki, Azərbaycan Respublikası Nazirlər kabinetinin 31 oktyabr 2003-cü il tarixli 145 nömrəli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı qaydası”nın 8.5-ci bəndinə əsasən “ölüm haqqında tibbi şəhadətnamə” olmadıqda ölüm faktı məhkəmə tərəfindən müəyyən edilir. Bu məsələ ilə bağlı məhkəməyə müraciət etməsi xahiş edilmişdir. Əsaslandırıcı hissə: Məhkəmə araşdırması zamanı müəyyən edilmişdir ki, X5 xx.xx.1983-cü ildə Bakı şəhərində anadan olmuş, atası Ərizəçi olmuşdur. Göründüyü kimi, Ərizəçi oğlu X5 olmuşdur. Hazırda ərizəçi ərizədə göstərdiyi əsaslara görə oğlunun ölüm faktının müəyyən edilməsini xahiş edir. İş materiallarında olan Təcili və X2 Stansiyası ölüm haqqında xəbərdarlıq vərəqəsindən görünür ki, X5 barəsində xx.xx.2024-cü il tarixdə çağırış edilmiş, həkimə qədərki ölüm, kişi cinsli meyind, qəfləti ölüm qeyd edilmişdir. Məhkəmə, tədqiq edilmiş sübutlara qiymət verərək hesab edir ki, X1 xx.xx.2024-cü ildə Bakı şəhərində ölməsi faktı işdə olan sübutlarla, eləcə də şahid ifadəsi ilə öz təsdiqini tapır. Azərbaycan Respublikası Mülki Prosessual Məcəlləsinin 305.1.1-ci maddəsinə əsasən, hüquqi əhəmiyyətli faktların müəyyən edilməsi haqqında işlərə məhkəmə xüsusi icraat qaydasında baxır. - 307.1-ci maddəsinin tələbinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. - 307.2.3-cü maddəsinə əsasən, məhkəmə ölümün qeyd edilmə faktının müəyyən edilməsi barədə işlərə baxır. - 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. - 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydə alınma üçün əsasdır. Bundan başqa “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” Azərbaycan Respublikası Ali Məhkəməsi Plenumunun 12 aprel 2019-cu il tarixli, 03 saylı Qərarının 1.2-ci bəndində əsasən hüquqi əhəmiyyəti olan faktlar məhkəmə qaydasında o halda müəyyən edilə bilər ki, qanuna əsasən belə faktlar hüquqi nəticələr doğurmaqla fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinə səbəb olsun, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın, qüvvədə olan qanunvericiliklə belə faktın müəyyən edilməsinin məhkəmədən kənar qaydası nəzərdə tutulmasın və hüquq haqqında mübahisə olmasın. Bütün bu şərtlər birlikdə mövcud olmalıdır, onların hər hansı birinin mövcud olmaması həmin işə xüsusi icraat qaydasında baxılmasını istisna edir.” Məhkəmə qeyd olunanları, eləcə də Ərizəçi xx.xx.1983-cü il təvəllüdlü oğlu X1 xx.xx.2024-cü il tarixdə Bakı şəhərində ölməsini təsdiq edən lazımı sənədi başqa qaydada ala bilməməsini, ərizənin təmin edilməsi üçün kifayət qədər sübut olduğunu nəzərə alaraq hesab edir ki, ərizə təmin edilməli, xx.xx.1983-cü il təvəllüdlü X1 xx.xx.2024-cü il tarixində Bakı şəhərində ölməsi faktı müəyyən edilməlidir. Məhkəmə qeyd edir ki, Azərbaycan Respublikası MPM-in 14.2, 77.1, 88 və 217.4-cü maddələrinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Nəticə: Şərh olunanlara əsaslanaraq və Azərbaycan Respublikası MPM-nin 216-220 və 305-311-ci maddələrini rəhbər tutaraq məhkəmə QƏT ETDİ: Ərizə təmin edilsin. xx.xx.1983-cü il təvəllüdlü X1 xx.xx.2024-cü il tarixində Bakı şəhərində ölməsi faktı müəyyən edilsin. Hazırkı qətnamə X1 ölümünün qeydə alınması və ölüm haqqında şəhadətnamənin verilməsi üçün əsasdır. Qətnamədən rəsmi qaydada verildiyi gündən 1 (bir) ay müddətində Bakı şəhəri Səbail Rayon Məhkəməsi vasitəsilə (elektron məhkəmə sistemi vasitəsilə MPM-nin 2 saylı əlavəsinə uyğun olaraq) Bakı Apellyasiya Məhkəməsinin mülki kollegiyasına apellyasiya şikayəti verilə bilər. Sədrlik edən: Rəna Qafarova