Bakı Şəhəri Suraxanı Rayon Məhkəməsi Qərardad — İş №2(010)-1945/2023

Azərbaycan Respublikası adından QƏRARDAD Bakı şəhəri İş № 2(010)-1945/2023 29.03.2023 BAKI ŞƏHƏRİ SURAXANI RAYON MƏHKƏMƏSİ Mən Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu, Ərizəçi hüquqi əhəmiyyətli faktın müəyyən olunması tələbinə dair ərizəsini və ərizəyə əlavə olunmuş sənədləri nəzərdən keçirərək, Müəyyən etdim: Ərizəçi hüquqi əhəmiyyətli faktın müəyyən olunması tələbinə dair ərizə ilə məhkəməyə müraciət edərək, *4.*0.2022-ci il tarixdə Bakı şəhəri, Sabunçu rayonunda vəfat etmiş 22.07.*963-cü il təvəllüdlü mərhum həyat yoldaşı X* ölüm faktının müəyyən edilməsi barədə qətnamə qəbul edilməsini xahiş etmişdir. Ərizəni və ona əlavə edilmiş sənədləri nəzərdən keçirib hesab edirəm ki, həmin sənədlər geri qaytarılmalıdır. Belə ki, Azərbaycan Respublikası MPM-nin 37-ci maddəsinin tələbinə görə, tikintiyə, qurğuya, torpaq sahəsinə sahiblik faktının müəyyən edilməsinə dair həmin tikintinin, qurğunun, torpaq sahəsinin olduğu yerdə baxılan işlər istisna olmaqla, hüquqi əhəmiyyəti olan faktların müəyyən edilməsi barədə işlərə ərizəçinin olduğu yerdə baxılır. Həmin Məcəllənin 309.*-ci maddəsinə görə, hüquqi əhəmiyyəti olan faktların müəyyən edilməsi haqqında ərizələr ərizəçinin yaşadığı yerin məhkəməsinə verilir. Prosessual qanunvericiliyin qeyd edilən maddələrindən aydın olur ki, hüquq əhəmiyyətli faktların müəyyən edilməsi ilə bağlı ərizələr ərizəçinin yaşadığı yerin məhkəməsinə verilməlidir. Bu kateqoriya işlərin xüsussiyəti ondan ibarətdir ki, belə işlərdə cavabdeh olmur. Bu və ya digər faktın müəyyən edilməsi üçün məhkəməyə müraciət edən şəxs iddiaçı deyil, ərizəçi adlanır. Hazırkı iş üzrə ərizə və ona əlavə olunmuş sənədlərdən görünür ki, Ərizəçi faktiki ünvanı Bakı şəhəri, Sabunçu rayonu, Zabrat * qəsəbəsi, Neftçilər küçəsi, 9 nömrəli mənzildir. Azərbaycan Respublikası Mülki Prosessual Məcəlləsinin *52.*.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə, hakim ərizəni və ona əlavə olunmuş sənədləri geri qaytarır. Məhkəmə hesab edir ki, hazırkı ərizəyə ərizəçinin olduğu ərazi üzrə məhkəmədə baxılmalıdır. MPM-nin *5*.*-ci maddəsinə əsasən, iddia ərizəsi həmin Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin *52.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin qeyd edilən maddələrini rəhbər tutaraq, Qərara aldım: Ərizəçi hüquqi əhəmiyyətli faktın müəyyən olunması tələbinə dair ərizəsi və ona əlavə olunmuş sənədlər geri qaytarılsın. İş üzrə ödənilmiş *00 manat dövlət rüsumu ərizəçiyə geri qaytarılsın. Ərizəçiyə izah olunsun ki, hazırkı ərizə ilə aidiyyəti məhkəməyə müraciət edə bilər. Qərardaddan *0 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Hakim Tural Məmmədov