Bakı Şəhəri Suraxanı Rayon Məhkəməsi Qərardad — İş №2(010)-3033/2020

Azərbaycan Respublikası adından QƏRARDAD Bakı şəhəri İş № 2(010)-3033/2020 10.07.2020 BAKI ŞƏHƏRİ SURAXANI RAYON MƏHKƏMƏSİ Mən, Suraxanı rayon Məhkəməsinin hakimi İbrahimov Anar Firdovsi oğlu, İddiaçı cavabdehlər Cavabdeh1,Cavabdeh2 və Cavabdeh3 qarşı “hədiyyə verilmiş qızıl zinət əşyalarının geriyə tələbi, pul tələbi, evə köçürülmə, evdən istifadə qaydalarına yaradılacaq maneələrin cavabdehə qadağan edilməsi, evin tikintisinə və təmirinə çəkilmiş pulun qaytarılması və mənəvi ziyan” tələbinə dair iddia ərizəsini və ona əlavə edilmiş sənədləri nəzərdən keçirib, müəyyən etdim: İddiaçı cavabdehlər Cavabdeh1,Cavabdeh2 və Cavabdeh3 qarşı “hədiyyə verilmiş qızıl zinət əşyalarının geriyə tələbi, pul tələbi, evə köçürülmə, evdən istifadə qaydalarına yaradılacaq maneələrin cavabdehə qadağan edilməsi, evin tikintisinə və təmirinə çəkilmiş pulun qaytarılması və mənəvi ziyan” tələbinə dair ərizəiləməhkəməyəmüraciət etmişdir. Ərizəni və ərizəyə əlavə edilmiş sənədləri nəzərdən keçirərək hesab edirəm ki, aşağıda göstərilən əsaslara görə ərizə ona əlavə olunmuş sənədlərlə birlikdə geri qaytarılmalıdır. Belə ki, iddiaçı bir-biri ilə hüquqi cəhətdən bağlı olmayan tələblərini birləşdirmişdir. MPM-nin152.1.7-ci maddəsinə əsasən bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. İddiaçıya izah edilməlidir ki, ərizənin geri qaytarılması, buna səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası MPM-nin 152, 263-264, 267- 268-ci maddələrini rəhbər tutaraq qərara aldım: İddiaçı cavabdehlər Cavabdeh1,Cavabdeh2 və Cavabdeh3 qarşı “hədiyyə verilmiş qızıl zinət əşyalarının geriyə tələbi, pul tələbi, evə köçürülmə, evdən istifadə qaydalarına yaradılacaq maneələrin cavabdehə qadağan edilməsi, evin tikintisinə və təmirinə çəkilmiş pulun qaytarılması və mənəvi ziyan”tələbinə dair ərizəsi və ona əlavə edilmiş sənədlər geri qaytarılsın. İddiaçıya izah edilsin ki, ərizənin geri qaytarılması, buna səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad rəsmi qaydada verildikdən sonra 10 (on) gün müddətində Suraxanı rayon Məhkəməsinə şikayət verilə bilər. Sədrik edən Anar İbrahimov