Bakı Şəhəri Suraxanı Rayon Məhkəməsi Qərardad — İş №2(010)-4136/2021

Azərbaycan Respublikası adından QƏRARDAD Bakı şəhəri İş № 2(010)-4136/2021 10.09.2021 BAKI ŞƏHƏRİ SURAXANI RAYON MƏHKƏMƏSİ Hakim Məmmədov Tural Nurulla oğlunun sədrliyi, Məhkəmə iclasının katibi X2 katibliyi ilə Ərizəçi maraqlı şəxslər 1 saylı Bakı ASAN Xidmət Mərkəzi Qeydiyyat Şöbəsi və Bakı şəhəri Baş Səhiyyə İdarəsi 1 nömrəli Uşaq Poliklinikasına qarşı hüquqi faktın müəyyən olunması tələbinə dair ərizəsi üzrə mülki işə məhkəmənin inzibati binasında, açıq məhkəmə iclasında baxaraq, Müəyyən etdi: Ərizəçi məhkəməyə ərizə verərək, 25 mart 1994-cü il təvəllüdlü X1 15.07.1994-cü il tarixdə Bakı şəhərində vəfat etməsi faktının müəyyən olunması və X1 adına ölüm haqqında şəhadətnamənin verilməsini 1 saylı Bakı Asan Xidmət Mərkəzi Qeydiyyat şöbəsinə həvalə edilməsi tələbinə dair qətnamə çıxarılmasını xahiş etmişdir. Ərizəçi nümayəndəsi və vəkili Vəkil məhkəməyə yazılı ərizə təqdim edərək, işin baxılmamış saxlanılmasını xahiş etdi. Maraqlı şəxs 1 saylı Bakı ASAN Xidmət Mərkəzi Qeydiyyat Şöbəsi və Bakı şəhəri Baş Səhiyyə İdarəsi 1 nömrəli Uşaq Poliklinikasına məhkəmə iclasının yeri və vaxtı barədə lazımi qaydada məlumat verilməsinə baxmayaraq, məhkəmə iclasına gəlmədiyindən işin baxılmamış saxlanılmasına münasibətini öyrənmək mümkün olmamışdır. Azərbaycan Respublikası MPM-nin 259.0.11-ci maddəsinin tələbinə görə, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Həmin Məcəllənin 260.1-ci maddəsinin tələbinə görə, iddianın baxılmamış saxlanması haqqında məhkəmə qərardad çıxarır. Həmin Məcəllənin 260.4-cü maddəsinin tələbinə görə isə, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Həmin Məcəllənin 263.1-ci maddəsinin tələbinə görə, iş mahiyyəti üzrə həll edilmədikdə məhkəmə aktları qərardad formasında çıxarılır. Göstərilənlərə əsasən və Azərbaycan Respublikası MPM-nın qeyd edilən maddələrini rəhbər tutaraq, məhkəmə Qərara aldı: Ərizəçi maraqlı şəxs 1 saylı Bakı ASAN Xidmət Mərkəzi Qeydiyyat Şöbəsi və Bakı şəhəri Baş Səhiyyə İdarəsi 1 nömrəli Uşaq Poliklinikasına qarşı hüquqi faktın müəyyən olunması tələbinə dair ərizəsi baxılmamış saxlanılsın. İzah olunsun ki, iddianın baxılmamış saxlanılması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Qərardaddan, onun surəti tərəfə rəsmi qaydada verildikdən sonra 10 (on) gün müddətində qərardadı qəbul etmiş məhkəməyə şikayət verilə bilər. Hakim Tural Məmmədov