Bakı Şəhəri Suraxanı Rayon Məhkəməsi Qərardad — İş №2(010)-561/2025

Azərbaycan Respublikası adından QƏRARDAD Bakı şəhəri İş № 2(010)-561/2025 04.06.2025 BAKI ŞƏHƏRİ SURAXANI RAYON MƏHKƏMƏSİ Hakim Miriyeva Səlimə Miri qızının sədrliyi, X1 iclas kаtibliyi ilə, İddiaçı, Cavabdeh iştirakı ilə, İddiaçı Cavabdeh qarşı “əmlak” tələbinə dair mülki işə açıq məhkəmə iclasında bаxаrаq, məhkəmə M Ü Ə Y Y Ə N E T D İ: İddiaçı Cavabdeh qarşı “əmlak” tələbinə dair iddia ərizəsi ilə Bakı şəhəri Suraxanı Rayon Məhkəməsinə müraciət edərək məhkəmədən Cavabdeh yaşadığı Bakı şəhəri, Sabunçu rayonu, Ramana qəsəbəsi, Şuşa şəhərciyi, Hüseyn Arif küçəsində yerləşən fərdi yaşayış evindəki siyahısı göstərilmiş cehiz əşyalarının, bu cehiz əşyaları qətnamə icra olunan vaxt mövcud olmazsa, onların cəmi dəyəri olan 21800 manat məbləğində pulun və həmin ünvanda qalmış qızıl-zinət əşyalarının, qızıllar qətnamə icra olunan vaxt mövcud olmazsa, onların cəmi dəyərinin Cavabdeh alınaraq ona verilməsi barədə qətnamə qəbul edilməsini xahiş etmişdir. Daha sonra iddiaçı məhkəməyə iddia tələbinin azaldılması barədə ərizə təqdim edərək, məhkəmədən ona məxsus qızıl-zinət əşyalarının (nişan üzüyü, qızıl dəsti - sırğa, qolbaq, üzük, boyunbağı) bu qızıllar qətnamə icra olunan vaxt mövcud olmazsa, onların cəmi dəyərinin - 2990 manat pul vəsaitinin Cavabdeh alınaraq ona verilməsi barədə qətnamə qəbul edilməsini xahiş etmişdir. Məhkəmə iclasında iddiaçı məhkəməyə iddiadan imtina edilməsi barədə ərizə ilə müraciət edərək, cavabdehdən tələb olunan qızıl-zinət əşyaları ona təqdim edildiyindən iş üzrə icraata xitam verilməsini xahiş etdi. Məhkəmə iclasında Cavabdeh iş üzrə icraata xitam verilməsinə etiraz etmədiyini bildirdi. Məhkəmə təqdim edilmiş iddiadan imtina barədə ərizəni iş materialları ilə əlaqəli şəkildə nəzərdən keçirərək hesab edir ki, iddiaçının iddiadan imtina etməsi qəbul edilməli və iş üzrə icraata xitam verilməlidir. Belə ki, məhkəmə iclası zamanı cavabdeh tələb olunan qızıl-zinət əşyaları iddiaçıya təhvil vermiş və bu səbəbdən də iddiaçı iddiadan imtina etmişdir. Belə olan halda məhkəmə hesab edir ki, iddiadan imtina qəbul edilərək iş üzrə icraata xitam verilməlidir. Azərbaycan Respublikasının Mülki Prosessual Məcəlləsinin: 114.1.4-cü maddəsinə əsasən, bu Məcəllə ilə nəzərdə tutulmuş əsaslarla iş üzrə icraata xitam verilərsə, ödənilmiş dövlət rüsumu qaytarılır. 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. 262.1-ci maddəsinə əsasən, iş üzrə icraata xitam verilməsi barədə məhkəmə qərardad çıxarır. 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. 262.5-ci maddəsinə əsasən iş üzrə icraata xitam verilməsi haqqında məhkəmənin qərardadından şikayət verilə bilər. Yuxarıda qeyd edilənlərə əsasən və Azərbaycan Respublikasının Mülki Prosessual Məcəlləsinin 261-262-ci və 263-269-cü maddələrini rəhbər tutaraq, məhkəmə Q Ə R A R A A L D İ: İddiaçı Cavabdeh qarşı “əmlak” tələbinə dair mülki iş üzrə İddiaçı iddiadan imtinası qəbul edilsin. İddiaçı Cavabdeh qarşı “əmlak” tələbinə dair iş üzrə icraata xitam verilsin. Ödənilmiş 166 manat məbləğində dövlət rüsumu (tarix: xx.xx.2024; nömrə: **********) dövlət büdcəsindən İddiaçı qaytarılsın. Tərəflərə izah edilsin ki, işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Qərardaddan rəsmi qaydada verildikdən sonra 10 gün müddətində Bakı şəhəri Suraxanı Rayon Məhkəməsinə şikayət verilə bilər. Sədrlik edən Səlimə Miriyeva