Bakı Şəhəri Xətai Rayon Məhkəməsi Qərardad — İş №2(011)-4114/2024

Azərbaycan Respublikası adından QƏRARDAD Bakı şəhəri İş № 2(011)-4114/2024 05.04.2024 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Zamanlı Pərviz Mirsiyaf oğlu – Ərizəçi mediasiya prosessində bağlanmış barışıq sazişinin təsdiq edilməsi barədə ərizəsini və ona əlavə edilmiş sənədləri nəzərdən keçirərək MÜƏYYƏNETDİ: Ərizəçi xx.xx.2024-cü il tarixli, MŞB/11/2024-00319 saylı barışıq sazişinin alimentə dair hissəsinin təsdiq edilməsi barədə ərizə ilə məhkəməyə müraciət etmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, barışıq sazişinin şərtlərinin təsdiq edilməsindən imtina olunmalıdır. Belə ki, ərizəyə əlavə edilmiş xx.xx.2024-cü il tarixli barışıq sazişinin 1-ci bəndinə əsasən maraqlı şəxs ərizəçiyə xx.xx.2024-cü il tarixdən başlayaraq övladı(ları) xx.xx.2013-cu il doğum tarixli X2jnun və xx.xx.2017-ci doğum tarixli X1 yetkinlik yaşına çatanadək, hər ayın 14-nə qədər, hər birinə 110 manat olmaqla, cəmi 220 sabit pul məbləğində aliment ödəməyi öz öhdəsinə götürür. Göründüyü kimi sazişin 1-ci bəndi maraqlı şəxs tərəfindən xx.xx.2024-cü il tarixədək istənilən vaxtda icra edilə bilər. Ərizəçi isə barışıq sazişinin 1-ci bəndinin icrası üçün müəyyənləşdirilmiş müddət çatmadan həmin şərtin məhkəmə tərəfindən təsdiq edilməsini tələb edir. AR MPM-nin 355-23.1-ci maddəsinə əsasən “Mediasiya haqqında” Azərbaycan Respublikası Qanununda müəyyən edilmiş müddət ərzində mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə (barışıq sazişinin bu Məcəllənin 191.2-1-ci maddəsinə uyğun olaraq təsdiq edildiyi hal istisna olmaqla) məhkəməyə müraciət edə bilər. Göründüyü kimi, MP-də nəzərdə tutulur ki, mediasiya prosesi nəticəsində əldə edilən barışıq sazişi könüllü qaydada icra edilmədikdə və ya barışıq sazişinin könüllü icrasından imtina olunduqda, ərizəçi barışıq sazişinin məcburi icrası üçün barışıq sazişinin təsdiq edilməsi barədə məhkəməyə müraciət edə bilər. Şərh olunanlara əsaslanaraq və Azərbaycan Respublikası MPM-nin 153, 263-264, 267-ci maddələrini rəhbər tutaraq QƏRARAALDİ: İddiaçı Ərizəçi mediasiya prosessində bağlanmış barışıq sazişinin təsdiq edilməsi barədə ərizəsinin qəbul edilməsindən imtina edilsin. İddiaçıya barışıq sazişinin icrası müddəti başa çatdıqdan sonra icra edilmıdiyi halda ərizə ilə məhkəməyə müraciət etmək hüququnun olması izah olunsun. Qərardaddan rəsmi qaydada təqdim edildikdən sonra 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Hakim: Pərviz Zamanlı