Bakı Şəhəri Xətai Rayon Məhkəməsi Qərardad — İş №2(011)-4305/2022

Azərbaycan Respublikası adından QƏRARDAD Bakı şəhəri İş № 2(011)-4305/2022 05.10.2022 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlunun sədrliyi, Nuriyev Xaliq Firqət oğlunun katibliyi, Ərizəçi, onun nümayəndəsi və vəkili Vəkil iştirakı ilə, Ərizəçi 6 saylı “Asan xidmət” Mərkəzi maraqlı şəxs qismində cəlb edilməklə “hüquqi əhəmiyyətli faktın müəyyən edilməsinə dair” ərizəsi üzrə mülki işə məhkəmənin inzibati binasında, açıq məhkəmə iclasında baxaraq, müəyyən etdi: Ərizəçi ərizə ilə məhkəməyə müraciət edərək, həyat yoldaşı xx.xx.1978-ci il təvəllüdlü X1 7 may 2022-ci il tarixində ölməsi faktının müəyyən edilməsi barədə qətnamə qəbul edilməsini xahiş etmişdir. Məhkəmə iclasında Ərizəçi məhkəməyə yazılı ərizə təqdim edərək və ərizəsinə uyğun izahat verərək əlavə olaraq bildirdi ki, mərhum şəxslə olan nikahı 2012-ci ildə pozulmuşdur, ərizəni ilk əvvəl oğlunun adından vermiş, lakin həmin vaxt uşaq yetkinlik yaşına çatmamışdır, ərizə geri qaytarılmışdır, hazırda uşaq yetkinlik yaşına çatmışdır, iş üzrə sənədlərin yanlışlıqların arada qaldırılması məqsədilə geri qaytarılmasını və işin baxılmamış saxlanmasını xahiş etmişdir. Məhkəmə iclasında Ərizəçi nümayəndəsi və vəkili Vəkil ərizəçinin izahatına uyğun izahat verərək, işin baxılmamış saxlanmasını xahiş etdi. Məhkəmə, ərizəçinin, onun nümayəndəsi və vəkilinin izahatlarını dinləyərək, hesab edir ki, ərizə baxılmamış saxlanmalıdır. Belə ki, Azərbaycan Respublikasının Mülki Prosessual Məcəlləsinin 13.4-ci maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Həmin Məcəllənin 259.0.11-ci maddəsinə əsasən, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən, məhkəmə hesab edir ki, ərizəçi ərizənin baxılmamış saxlanması barədə ərizə verdiyindən, maraqlı şəxs işə mahiyyəti üzrə baxılmasını xahiş etmədiyindən Ərizəçi 6 saylı “Asan xidmət” Mərkəzi maraqlı şəxs qismində cəlb edilməklə “hüquqi əhəmiyyətli faktın müəyyən edilməsinə dair” ərizəsi baxılmamış saxlanılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 259, 263, 264 və 268-ci maddələrini rəhbər tutaraq, məhkəmə qərara aldı: Ərizəçi 6 saylı “Asan xidmət” Mərkəzi maraqlı şəxs qismində cəlb edilməklə “hüquqi əhəmiyyətli faktın müəyyən edilməsinə dair” ərizəsi baxılmamış saxlansın. Qərardaddan rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Şəhriyar Əliyev