Abşeron Rayon Məhkəməsi Qərardad — İş №2(012)-1463/2022

Azərbaycan Respublikası adından QƏRARDAD Xırdalan şəhəri İş № 2(012)-1463/2022 28.01.2022 ABŞERON RAYON MƏHKƏMƏSİ Abşeron Rayon Məhkəməsi X3 Səfiyeva, Ərizəçi (maraqlı şəxs Abşeron rayon Qeydiyyat şöbəsi) ölüm faktının müəyyən edilməsinə dair ərizəsinə 28 yanvar 2022-ci il tarixdə, Xırdalan şəhərində Abşeron Rayon Məhkəməsinin inzibati binasında açıq məhkəmə iclasında baxaraq, MÜƏYYƏN E T D İ M: Ərizəçi (Maraqlı şəxs) ölüm faktının müəyyən edilməsinə dair ərizə ilə məhkəməyə müraciət edərək, anası X2 03 yanvar 2022-ci ildə ölməsi faktının müəyyən edilməsi barədə qətnamə qəbul edilməsini məhkəmədən xahiş etmişdir. Ərizəni və işin materiallarını nəzərdən keçirib hesab edirəm ki, ərizə MPM-nin 152.1.1 və 152.1.6 maddəsinə görə geri qaytarılmalıdır. Belə ki, ərizədən və ona əlavə edilən sənədlərdən görünür ki, ərizəçi anası X1 03 yanvar 2022-ci ildə ölməsi faktının müəyyən edilməsi barədə qətnamə qəbul edilməsini məhkəmədən xahiş etmişdir. Ərizəçi bunu rəsmiləşdirmək üçün Abşeron rayon Mərkəzi Xəstəxanasının təcili və təxirəsalınmaz tibbi yardım Stansiyasının xəbərdarlıq vərəqəsini və Maraqlı şəxs 29.10.2020-ci il tarixli imtina məktubunu təqdim etmişdir. İş materiallarından görünür ki, ərizəçi ölüm şəhadətnaməsinin alınması üçün Abşeron rayon Qeydiyyat şöbəsinə müraciət etmiş, şöbənin 18 yanvar 2022-ci il tarixli, 05/Q-57/15 saylı məktubuna əsasən Azərbaycan Respublikası Nazirlər Kabinetinin 145 saylı, 31.10.2003-cü il tarixli qərarı ilə təsdiq edilmiş “Vətəndaşlıq vəziyyəti aktlarının dövlət qeydiyyatı Qaydası”nın 8.5-ci bəndinə əsasən ölüm qeydiyyatı ölüm faktını təsdiq edən şəhadətnamə və ya vətəndaşın ölmüş elan edilməsi barədə məhkəmə qətnaməsi əsasında verildiyi, hazırkı halda isə ölüm haqqında şəhadətnamə verilmədiyindən ölümün qeydə alınmasının mümkün olmadığı bildirilməklə, müraciətindən imtina olunmuşdur. İşin materiallarından göründüyü kimi ərizəçi “Ölüm haqqında tibbi şəhadətnamə” nin alınması üçün müvafiq icra orqanına (qeydiyyatda olduğu Poliklinikaya) müraciət etmədən, yəni bu barədə tibbi şəhadətnamə almadan, yaxud bundan imtina almadan qeydiyyat şöbəsinə və məhkəməyə müraciət etmişdir. Azərbaycan Respublikası Ali Məhkəməsinin hüquqi əhəmiyyətli faktlar barədə məhkəmə təcrübəsinin ümumiləşdirilməsinə dair 12.04.2019-cu ilə tarixli 3 saylı Qərarının 9.2. bəndinə görə şəxsin müəyyən vaxtda və müəyyən şəraitdə vəfat etməsi faktının müəyyən edilməsi haqqında ərizəyə “Ölüm haqqında tibbi şəhadətnamə”nin alınması üçün müraciət edilməsi və həmin şəhadətnamənin hansı səbəblərdən alınmaması barədə sübutlar əlavə edilməli, belə sübutlar əlavə edilmədikdə isə, Azərbaycan Respublikası MPM-nin 310-cu maddəsinə əməl edilmədiyinə görə ərizə və ona əlavə edilmiş sənədlər Azərbaycan Respublikası MPM-nin 152.1.1-ci maddəsinin tələbinə əsasən geri qaytarılmalı, məhkəmə baxışı mərhələsində olduqda isə həmin Məcəllənin 259.0.12-ci maddəsinin tələbinə əsasən ərizə baxılmamış saxlanılmalıdır. Beləliklə, qeyd edilənlərə əsasən məhkəmə hesab edir ki, ərizə geri qaytarılmalı və ərizəçiyə “Ölüm haqqında tibbi şəhadətnamə”nin alınması üçün ilkin olaraq müvafiq icra orqanına (ölən şəxsin qeydiyyatda olduğu müvafiq Poliklinika) müraciət etməsi ərizəçiyə izah olunmalıdır. Göstərilənlərə əsasən və MPM-nin 263, 264 və 268-ci maddəsinin tələblərini rəhbər tutaraq, QƏRARA A L D İ M: Ərizəçi (Maraqlı şəxs) ölüm faktının müəyyən edilməsinə dair ərizəsi geri qaytarılsın. Ərizəçiyə “Ölüm haqqında tibbi şəhadətnamə” nin alınması üçün ilkin olaraq müvafiq icra orqanına (ölən şəxsin qeydiyyatda olduğu müvafiq Poliklinika) müraciət etməsi izah olunsun. Qərarın surəti təqdim edildiyi və ya alındığı gündən 10 (on) gün müddətində qərardadı qəbul edən məhkəməyə şikayət verilə bilər. Hakim: C.İ.Səfiyeva