Abşeron Rayon Məhkəməsi Qərardad — İş №2(012)-5041/2022

Azərbaycan Respublikası adından QƏRARDAD Xırdalan şəhəri İş № 2(012)-5041/2022 05.09.2022 ABŞERON RAYON MƏHKƏMƏSİ Abşeron Rayon Məhkəməsinin hakimi Məmmədov Elman Tofiq oğlu, İddiaçı Məhərrəmova (Baxışova) Ayşən Etibar qızının cavabdehlər Cavabdeh1 və Cavabdeh2 Mehdi qızına qarşı «cehiz əmlakın qaytarılması, bu mümkün olmadıqda isə əmlakların dəyərinin ödənilməsi» tələbinə dair iddia ərizəsini nəzərdən keçirib, məhkəmə müəyyən etdi: İddiaçı Məhərrəmova (Baxışova) Ayşən Etibar qızı cavabdehlər Cavabdeh1 və Cavabdeh2 Mehdi qızına qarşı «cehiz əmlakın qaytarılması, bu mümkün olmadıqda isə əmlakların dəyərinin ödənilməsi» tələbinə dair iddia ərizəsi ilə məhkəməyə müraciət etmişdir. Məhkəmə, daxil olmuş mülki işin materiallarını araşdırıb hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iş üzrə iddiaçı Məhərrəmova (Baxışova) Ayşən Etibar qızı Cavabdeh1 və Cavabdeh2 Mehdi qızını cavabdeh kimi göstərib iddia ərizəsini Abşeron Rayon Məhkəməsinə versə də, iş materiallarında olan Elektron Məhkəmə İnformasiya Sistemindən əldə edilmiş AZE Seriyalı, ******** saylı məlumat vərəqəsindən görünür ki, Cavabdeh1 ünvan 1 ünvanında, Elektron Məhkəmə İnformasiya Sistemindən əldə edilmiş AA1072869 saylı məlumat vərəqəsinə əsasən, Cavabdeh2 Mehdi qızı Sumqayıt şəhəri, Nizami küçəsi ünvanında qeydiyyatdadır. Odur ki, iddiaçı hazırki iddia ərizəsi ilə Sumqayıt Şəhər Məhkəməsinə müraciət etməlidir. Beləliklə məhkəmə yuxarıda qeyd olunanları iddiaçı tərəfindən iddia ərizəsinin aidiyyət qaydalarına riayət etməməsi kimi qiymətləndirərək və Azərbaycan Respublikası Mülki Prosessual Məcəlləsinin 152.1.3-cü maddəsinə istinad edərək hesab edir ki, iddiaçı Məhərrəmova (Baxışova) Ayşən Etibar qızının cavabdehlər Cavabdeh1 və Cavabdeh2 Mehdi qızına qarşı «cehiz əmlakın qaytarılması, bu mümkün olmadıqda isə əmlakların dəyərinin ödənilməsi» tələbinə dair iddia ərizəsi və ona əlavə olunmuş sənədlər geri qaytarılmalıdır. Azərbaycan Respublikası Mülki Prosessual Məcəllənin 35.1-ci maddəsinin tələbinə görə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası Mülki Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Azərbaycan Respublikası Mülki Prosessual Məcəlləsinin 152.1.3-cü maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 152, 263, 264-cü maddələrini rəhbər tutaraq məhkəmə qərara aldı: İddiaçı Məhərrəmova (Baxışova) Ayşən Etibar qızının cavabdehlər Cavabdeh1 və Cavabdeh2 Mehdi qızına qarşı «cehiz əmlakın qaytarılması, bu mümkün olmadıqda isə əmlakların dəyərinin ödənilməsi» tələbinə dair iddia ərizəsi və ona əlavə olunmuş sənədləri geri qaytarılsın. İddiaçıya, iddia ərizəsinin qaytarılmasına səbəb olmuş hallar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilsin. Qərardaddan, qərardad tərəfə rəsmi qaydada təqdim edildiyi gündən 10 gün müddətində şikayət verilə bilər. Hakim: Elman Məmmədov