Ağdam Rayon Məhkəməsi Qətnamə — İş №2(013)-1997/2023

Azərbaycan Respublikası adından QƏTNAMƏ Ağdam rayonu İş № 2(013)-1997/2023 26.10.2023 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Ərizəçi iştirakı ilə, Ərizəçi ölümün qeyd edilməsi faktının müəyyən edilməsi barədə mülki işə 26 oktyabr 2023-cü ildə Ağdam rayonunun Quzanlı qəsəbəsində məhkəmənin binasında açıq məhkəmə iclasında baxaraq, m ü ə y y ə n e t d i: Ərizəçi rayon məhkəməsinə ünvanladığı ərizəsində mərhum bacısı X2 xx.xx.2004cü ildə ölməsi faktının müəyyən olunması barədə qətnamə çıxarılmasını xahiş etmişdir. Ərizəçi qismində məhkəmədə izahat verən Ərizəçi ərizəni müdafiə edərək bildirmişdir ki, bacısı Səadət Qasımova xx.xx.2004-cü il tarixdə xəstəlikdən vəfat etmiş və Ağdam rayonunun Çəmənli kənd qəbristanlığında dəfn olunmuşdur. Həmin vaxt səriştəsizlikdən bacısının ölümünü qeyd etdirməmişdir. Bacısının ölüm haqqında şəhadətnaməsini almaq üçün aidiyyəti orqanlara müraciət etmiş, ona məhkəməyə müraciət etməsi izah edilmişdir. S.M.Qasımovanın ölüm haqqında şəhadətnaməsini almaq üçün faktın müəyyən edilməsi zərurəti yarandığını qeyd etməklə ərizənin təmin olunmasını xahiş etmişdir. Maraqlı şəxs Ağdam Rayon Qeydiyyat Şöbəsinin nümayəndəsinə məhkəmə iclasının keçirilməsinin vaxtı və yeri barədə lazımi qaydada məlumat verilməsinə baxmayaraq, o, məlum olmayan səbəblərdən gəlməmişdir. Məhkəmə Azərbaycan Respublikasının Mülki Prosessual Məcəlləsinin 185-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Şahid qismində məhkəmədə izahat verən X3 həmkəndlisi Ərizəçi bacısı S.M.Qasımovanın xx.xx.2004-cü ildə xəstəlikdən vəfat etdiyini və Ağdam rayonunun Çəmənli kənd qəbristanlığında dəfn olunduğunu bildirmişdir. Şahid qismində dindirilmiş X4 qohumu S.M.Qasımovanın xx.xx.2004-cü ildə xəstəlikdən vəfat etdiyini və Ağdam rayonunun Çəmənli kənd qəbristanlığında dəfn olunduğunu bildirmişdir. Ağdam Rayon İcra Hakmiyyəti başçısının Çəmənli kənd inzibati ərazi dairəsi üzrə nümayəndəliyinin xx.xx.2023-cü il tarixli 716 saylı arayışından görünür ki, S.M.Qasımova xx.xx.2004-cü ildə vəfat etmiş, Ağdam rayonunun Çəmənli kənd qəbristanlığında dəfn olunmuşdur. Ağdam Rayon İcra Hakmiyyəti başçısının Çəmənli kənd inzibati ərazi dairəsi üzrə nümayəndəliyinin xx.xx.2023-cü il tarixli 1032 saylı arayışından görünür ki, S.M.Qasımova subay olmuşdur. İİ JQ № 319605 saylı və İV JQ № 407848 saylı doğum haqqında şəhadətnamələrin surətindən görünür ki, S.M.Qasımova xx.xx.1977-ci ildə Ərizəçi isə xx.xx.1973-cü ildə X7 və X1 ailəsində anadan olmuşlar. Məhkəmədə elan olunmuş Ağdam Rayon Qeydiyyat Şöbəsinin xx.xx.2023-cü il tarixli 413-05/15 saylı arayışından görünür ki, Ərizəçi bacısı S.M.Qasımovanın ölümünə əsas verən zəruri sənədlər təqdim olunmadığından ölümün qeydə alınması birbaşa səlahiyyətləri olmadığını izah edərək məhkəməyə müraciət etməsi tövsiyyə olunmuşdur. Məhkəmə araşdırılmış sübutlara obyektiv qiymət verərək belə hesab edir ki, ərizə əsaslı olduğundan təmin edilməlidir. Məhkəmə baxışında müəyyən olunmuşdur ki, Ərizəçi bacısı S.M.Qasımova xx.xx.2004-cü ildə Ağdam rayonunun Çəmənli kəndində xəstəlikdən vəfat etmiş və Ağdam rayonunun Çəmənli kənd qəbristanlığında dəfn olunmuşdur. Faktın təsdiqi ölüm haqqında şəhadətnamə almaq üçün zəruri olduğundan, Ərizəçi hazırki ərizə ilə məhkəməyə müraciət etmək məcburiyyətində qalmışdır. Azərbaycan Respublikasının Mülki Prosessual Məcəlləsinin 307.2.3-cü maddəsinə əsasən məhkəmə doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsinə dair işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki,ərizəçi həmin faktları təsdiq edən lazımi sənədləri başqa qaydada ala bilməsin,yaxud itirilmiş sənədlərin bərpası mümkün olmasın. Yuxarıdakılara əsasən, Azərbaycan Respublikasının Mülki Prosessual Məcəlləsinin 216-220, 227, 233, 357-ci maddələrini rəhbər tutaraq, məhkəmə q ə t e t d i: Ərizə əsaslı olduğundan təmin edilsin. X2 xx.xx.2004-cü ildə Ağdam rayonunun Çəmənli kəndində vəfat etməsi faktı müəyyən edilsin. Qətnamədən onun rəsmi qaydada verildiyi gündən bir ay müddətində Ağdam Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti verilə bilər. Qətnamə müşavirə otağında kompüterdə hazırlanmışdır. Sədrlik edən Mahir Niftəliyev